Zeremii 30:21 - LAWA A BOO SONBORE

²¹ Dɛnaa Lawa a da ǹ boo á ke: Ǹ dinin min goon nə die ǹ kiã biɛ. Min mɛn bɛ́ re ǹ nyɛɛnaan boe, ǹ dɛnaa n die yii ǹ dinin bii. Ma á re toɛ a n mɔrɔ ma ganaa. Die yii n we dinin a n mɔrɔ masɛ gana a din li?

LAWA A BOO SONBORE 2011

²¹ Dɛnaa Lawa a da ǹ boo á ke: Ǹ dinin min goon nə die ǹ kiã biɛ. Min mɛn bɛ́ re ǹ nyɛɛnaan boe, ǹ dɛnaa n die yii ǹ dinin bii. Ma á re toɛ a n mɔrɔ ma ganaa. Die yii n we dinin a n mɔrɔ masɛ gana a din li?

Zeremii 30:21 ပူးပေါင်းရင်းမြစ်များ

Siin Giala 18:27

Abrahamu wusoo á pɛ: «Masɛ mɛn bɛ́ tii kooro laanka ton lɛa, man die n yii we maa Dɛnaa la, ma boo da nɛ.

Siin Giala 18:30

Abrahamu wusoo á pɛ: «Dɛnaa, n foo baran yoo ma li wa. Toa ma boo da doo. Kɔntan, pɔsɔɔ á yii kiwi lɛ nɛ.» Dɛnaa pɛ doo: «Bɛ̀ ma bɛa min pɔsɔɔ lɛ yɛ a nɛ, ma á kiwi lɛ toɛ walan.»

Siin Giala 18:32

Bɛ tumaa kio, Abrahamu mà Dɛnaa ganaa: «N foo baran yoo ma li wa. Toa ma maa boo giala-nyɔmɔɔ da n nɛ. Kɔntan, a fù á boe la a yɛ a nɛ!» Dɛnaa pɛ doo: «Bɛ̀ fù yɛ a nɛ, ma á kiwi lɛ toɛ walan.»

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Samayeli2 7:13

Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

Ɛsidrasi 2:2

Maǹ nə́ daa kun ka Zorobaabɛli ni, Zozoe ne, Neyemiã nɛ, Seraya nɛ, Relaya nɛ, Mardoose ne, Mispara nɛ, Bigwayii ni, Rewumu ni, ka Baanaa nɛ. Izirayeli tɔrɔn lɛn giĩn lɛ á ke:

Nehemii 7:2

Má pɛ máa ǹ ma dɔɔ̃ngiĩ Hananii da Zeruzalɛmu kiwi mìi la, ka bǎã-lɛduə̃lin goledɛnaa Hanania kɛ nɛ, a giala, Hanania lɛ goã bɔlɔgoondɛnaa lɛa, á n nyɛ́ɛ biɛ Lawa nɛ, á la min gigiã nɛ.

Loen 65:4

ka ǹ sãn nɛ ǹ ganaa. Wɔa sãn lɛn man guĩ gugurun lɛa wɔ ganaa, sɛnɛ, nsɛ á boe la n nə ǹ papaã.

Loen 89:29

Maa kɔn-narɛɛ gole kɛ n die goɛ̃ a wɔ lɛa yǎa duduu, maa lɛ kɔ kɔn la lɛ dɔ n die goɛ̃ kɔn ka a din ni.

Bɔ bɛ̀rɛbaa nɛ 3:5

Lawa pɛ nɛ: «N baran n mɔrɔ wa! N kɔsɔnɔn waa n nə ǹ bɔ n gòãn ganaa, a giala, n bɛ́ golee-n bǎã mɛn nɛ, Lawa a bǎã nɛ.»

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Zeremii 30:9

Sɛnɛ, maǹ die dí nyɛɛ masɛ din Dɛnaa Lawa, ǹ Lawa nɛ. Ǹ tá re dí nyɛɛ ǹ kii Davida a kion min kɛ nɛ, ma á re koɛ ǹ mìi la.»

Zeremii 33:15

Bɛa waáraa, bɛ̀ a biikoo dɔ, ma á re toɛ Davida tɔrɔ taãn goon yɛ. Bɛ n die peperebaa laanka sonborebaa zɛnɛɛ gána lɛ nɛ.

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 50:44

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎã nɛ. Man die min tumaa goɛ bǎã goon ne ma wo ǹ ne. Bɛ kio, ma á re giĩ goon boe ma koa Baabilonii gána mìi la. Die n ka ma bɛ́ lɔn? Die n boe la a maa sii zɛnaa a nɔ̀n da ma la? Kiã mɛn nə boe la a n gòãn dii ma ganaa?

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Minin nimi 16:5

Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.

Matiə 2:2

Ǹ nə́ nɔ̀n da ǹ nə́ pɛ: «Nɛnyaan mɛn bɛ́ á yɛ, a n die Zuifun kii biɛ, a n maa? Wɔ́ n toa wɔa gána nɛ, wɔ́ a leere yɛ á bɔ lɛ̀giala-n, wɔ n wɔ́ daa a guguru kɔ.»

Matiə 27:37

Ǹ dɔlɔ bɔ a ganaa sii mɛn tumaa taman yii, ǹ nə́ bɛn kiɛ̃ màn ganaa, ǹ nə́ dere a mìi la mà "Zuifun kii Yezu lɛ n ka kɛ nɛ".

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Luku 24:26

Ka a doɛ̃, mà Nyin-sili lɛ doamaa nɛ, a bɛa fuu kɛ lɛ tumaa yɛ, a tɔn wo giã a din a gugurubaa ǹ bǎã kɛ-n wa?»

Nya ǹ dín 5:31

Lawa na á ná a din lɛ saa lon, á koa gugurubaa ǹ bǎã nɛ a din gusin, kii lɛa, kirisibaali lɛa, màn mɛn bɛ́ toɛ, Izirayeli minin nə boo la, ǹ wusoo ǹ sii baraan kio, Lawa nə ǹ sii baraan toa ǹ nɛ.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Timəə dí-pɛn 17:15

Bɛ̀ á n baa miɛ̃, kaa Lawa, Dɛnaa Lawa din bɛ́ re min mɛn boe, ka bɛ koa ka mìi la kii lɛa. Ka bɛ́ re min mɛn koɛ ka mìi la kii lɛa, ǹ dɛnaa doamaa nɛ a goã ka dinin tɔrɔ Izirayeli min lɛa. Ka doamaa bie ka tɔrɔ kɔsɔ saa ka da ka mìi la bɛ̀ Izirayeli min ná a bie wa.

Timəə dí-pɛn 18:18

Masɛ n die Lawa a boo gii-dali goon diɛ ka ma din bɛ́ lɔn, ka dinin tɔrɔn lɛn min goon lɛa. Ma á re maa boo we a lɛ-n. Ma bɛ́ re n gɔn wɛɛ nɛ ka sii woo sii ni, a tá re a tumaa pii ka nɛ.

Timəə dí-pɛn 33:5

Zaman lɛ a nyɛɛnaandɛnan bɛ́ ǹ nə́ n lɛ sɔkɔn, kun ka Izirayeli tɔrɔn lɛn nɛ, Izirayeli minin lɛn nə́ kii yɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»