Zeremii 30:19 - LAWA A BOO SONBORE

¹⁹ LOE laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

LAWA A BOO SONBORE 2011

¹⁹ Loe laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Zeremii 30:19 ပူးပေါင်းရင်းမြစ်များ

Ɛsidrasi 6:22

Ǹ nə́ *yɔ bùbaã buuru zɔ́n zɛnaa lɛawaa sɔbaa gɔ́ɔ̃ nɛ, ka nyɛnyɛɛ nɛ. Lawa na á ǹ kã ka nyɛnyɛɛ nɛ, a giala, á Asiirii gána a kii foo bɔyaa, màn mɛn bɛ́ toɛ, kii lɛ nə n yɔrɔ bǐɛ̃ da ǹ la, ka Lawa a kion lɛ a dí ni, Izirayeli a Lawa a kion dí lɛ.

Nehemii 8:12

Zaman lɛ tumaa tɔ́n kiɛ̃ ǹ nə́ woo màn bii, ǹ nə́ màn mi, ǹ nə́ minin gii dɔ bɔ a nɛ, ǹ nə́ n nyɛnyɛɛ, a giala ǹ boon mɛnɛn lɛn nimi ǹ ni, ǹ nə́ bɛn giala ma.

Nehemii 8:17

Zaman lɛ din tumaa, ǹ mɛnɛn lɛn nə bɔ bɛ̀rɛbaa ǹ bǎã lɛ nɛ ǹ nə́ daa, ǹ nə́ siãn dɔ ǹ nə́ giã ǹ nɛ. A da yaa, a kũ Nunu a nɛgiĩ Zozoe a biikoo ganaa, a da dɔ bɛa pinaa kɛ lɛ ganaa, Izirayeli minin lɛn nə tɔn bɛ miã tɔrɔ zɛnaa wa. Á nyɛnyɛɛ gole baa.

Loen 53:6

Bɛ lɛ nɛ, ǹ gɔ̀nɔn tá re bìn diɛ, gɔ̀nɔn bìn da ǹ sii dɔ na a ba ǹ yɔrɔ-a wa. Min mɛnɛn bɛ́ pàã nyɛɛ Lawa a zaman nɛ, Lawa á re bɛn wen sasawɛɛ. Lawa á re sìi diɛ ǹ ganaa, a giala, á ǹ tii.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 26:15

Dɛnaa Lawa, ń wɔa zaman gigiã kɔ, n nə́ n gugurubaa nyaa. Ń wɔa zaman gigiã kɔ, n màn da gána lɛ gèlè tumaa li.

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 52:9

Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 60:19

N laadoo á re goɛ̃ wasa ganaa mà a fúlu kaa n nɛ penleen wa. N laadoo á re goɛ̃ mui ganaa tèlò-n wa. Masɛ Dɛnaa Lawa n die n tɛ fúlu biɛ dan ná a ba la wa, ma din, n Lawa n die tɛ fúlu kiɛ n ganaa ka maa gugurubaa nɛ.

Izayii 60:22

Ǹ bii, ǹ kiɛɛrɛdɛnaa n die min duu goon (1 000) yii. Ǹ pàãwɛɛnaa á re tɔrɔ pàãdɛnaa biɛ. Masɛ Dɛnaa Lawa n die bɛ zɛnɛɛ fufuu, bɛ̀ a biikoo dɔ.

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Zeremii 17:26

Minin tá re boe Zudaa kiwin ni ǹ daa, Zeruzalɛmu lɛkoro-a kiwin ni, Bɛnzamɛn gána nɛ, *Sefelaa nɛ, kelen la nɛ, ka Negɛvu ni. Ǹ tá re die Lawa a kion ka *wúlu màn tiɛ̃n nɛ ka wúlu màn tɔrɔ kɔsɔn nɛ, Lawa gɔ ǹ màn nɛ, nyɔɔ gìĩ kɔɔ̃n nɛ, ka barka da ǹ wúlu màn nɛ.

Zeremii 3:16

Bɛa biikoo li kəni, ka á re nɛnyaanan yii gigiã, Dɛnaa Lawa a da ǹ boo ne. Ka á re mɔnɛɛ gána lɛ nɛ. Min kɔn ba re Dɛnaa Lawa a *lɛ kɔ kɔn la ǹ goo kɛ boo diɛ wa, min kɔn ba re n yiri koɛ li wa. Yiri a re gisĩ a-n doo wa, min kɔn ba re a tanbaã doɛ̃ wa, min kɔn dɔ á re a kɔnboe zɛnɛɛ wa.

Zeremii 31:27

Kànaa ka boɛɛn, man die minbuiin nɛn laanka tɔɔn pɛsɛ̃ Izirayeli laanka Zudaa gána nɛ ká ǹ bɛ́ màn tɔrɔ pɛsɛ̃ wuru-n lɔn. Dɛnaa Lawa a da ǹ boo ne.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 33:22

Min bɛ́ a boe la a lon a leeren nimi lɔn wa, min bɛ́ a boe la a yìsi mu gole lɛ-a ǹ nyɔɔsɔ̃ dɔ nimi lɔn wa ǹ mɔnaabaa taman yii, ma dɔ n die Davida a sumu lɛ minin mɔnɛɛ miɛ̃ ka Levii a sumu lɛ minin ni dí nyɛɛ ma nɛ.»

Ezekieli 36:37

Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn.

Ezekieli 37:10

Lawa boo lɛ pɛ ma-n lɔn, ma dɔ́ da miɛ̃. Fɔfoã daa wɔ ǹ nɛ, ǹ yii kaa, ǹ nə́ yoo ǹ nə́ golee ǹ gòãn la. Sɔraasi damata nɛ!

Ezekieli 37:26

Ma á re lɛ kɔ kɔn la we ka ka nɛ là nyantoro a paǹ li. Bɛ n die goɛ̃ lɛ kɔ kɔn la lɛa ka laanka masɛ bii yǎa duduu. Ma á re giã ǹ bǎã koe ka la, ma kaa zaman mɔnaa. Ma á re maa giã ǹ bǎã doe ka bii, yǎa duduu.

Zakarii 10:8

Man die maa zaman bíi, ka lɛ pii ni, ma ǹ sɔkɔn. Taãn nɛ, man die ǹ sii ma ǹ kaa, ǹ mɔnaa ka lɛlɛ ǹ bɛ́ lɔn.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Zakarii 2:4

Má nɔ̀n da: «Maǹ nə́ daa wàa pɛ?» Á ma lɛ si kɛnɛn: «Maǹ nə́ daa nyɛ́ɛ da gána pàãdɛnan kɛn ganaa ǹ nə́ ǹ ziziɛ̃, ǹ mɛnɛn lɛn nə da Zudaa gána yu. Ǹ nə́ Zudaa a zaman loo paǹ yii li, min kɔn boo la á n gòãn doa ǹ nyɛɛn wa.»

Zakarii 8:19

Ka bɛ́ nɛn bɛ̀ ka n lɛ sɔɔ lɛ̀ a mui siibaa ǹ wɔ kɛ li, a soorobaa ǹ wɔ nɛ, a sɔbaabaa ǹ wɔ nɛ ka a fùbaa ǹ wɔ nɛ, bɛn tá re n bɔyɛɛ ǹ zɔ́n lɛawaan baa, piɛ̃-n ka nyɛnyaa laanka foo kɔɔ̃n nɛ, Zudaa minin ganaa. «Sɛnɛ, ka sonbore laanka là nyantoro narɛ.»

Zaã a sɛ́wɔ 17:22

N din gugurubaa mɛn kɔ ma la, má bɛ lɛ kɔ ǹ la, màn mɛn bɛ́ toɛ, ǹ dɔn nə́ goã goon ka wɔsɛn dinin bɛ́ goon lɔn.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.