Zeremii 30:16 - LAWA A BOO SONBORE

¹⁶ Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

LAWA A BOO SONBORE 2011

¹⁶ Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

Zeremii 30:16 ပူးပေါင်းရင်းမြစ်များ

Loen 129:5

Min mɛn tumaa bɛ́ Zeruzalɛmu biɛ zɔ́ɔ, sìi da bɛn ganaa, ǹ wusoo ka ǹ kio ne.

Bɔ bɛ̀rɛbaa nɛ 23:22

Bɛ̀ ka ma lɛ si, ka maa boo kɛa sii tumaa zɛnaa, man die kaa zɔ́ɔn zɔ́ɔ biɛ, ma ziabaa ǹ ganaa kaa lɛa.

Suusun 22:23

Taãn nɛ, Dɛnaa Lawa nə ǹ zia gii-dali lɛa, min mɛnɛn bɛ́ mɛnɛɛ ǹ la, Dɛnaa Lawan bɛn nyin boe.

Izayii 14:2

Tɔrɔ kɔsɔn tá re Izirayeli minin kuĩ ǹ wo ǹ koa ǹ gána nɛ. Dɛnaa Lawa a tán la walan, Izirayeli minin lɛn tá re n bɔyɛɛ ǹ bɛa minin lɛn baa bɛ̀rɛn lɛa, giĩn laanka lɔn nɛ. Min mɛnɛn nə ǹ baa bɛ̀rɛn lɛa lɛlɛ, ǹ dɔn tá re bɛn biɛ bɛ̀rɛn lɛa. Min mɛnɛn nə nɔmaa da ǹ mii-n lɛlɛ, ǹ dɔn tá re bɛn kiãn biɛ sisia.

Izayii 33:1

Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.

Izayii 54:15

Á ke, bɛ̀ ǹ nə́ yoo n gialaa ka zia nɛ ma gòɛ̃ ba bɛ-n wa. Min mɛn bɛ́ yui n gialaa, ǹ dɛnaa á re mɛnɛɛ n nyɛɛnɛ.

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Zeremii 10:25

Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 2:3

Izirayeli, n nə n goã ma dinsɔɔ̃ wɔ lɛa. N nə n goã ma din wɔ baa nɛ, ka kaa-piɛ da nɛ bibinaa bɛ́ lɔn. Min mɛnɛn gɔn bɛ́ re miɛ n ganaa, zɛ̀rɛ n die bɛn kuĩ, koe bɔ ǹ ganaa. Dɛnaa Lawa a da ǹ boo ne.

Zeremii 25:12

Dɛnaa Lawa a da ǹ boo á ke: «Bɛ̀ bɛa lɛ̀ pɔsɔbaa lɛ lɛ pã, man die yui Baabiloniin kii gialaa, ǹ gɛ̀-dɛ kɛa lɛa. Man die yui *Baabilonii minin gána gialaa, ma baa diə gole lɛa yǎa duduu.

Zeremii 30:15

A n siɛ lɔn kəni n tá wuu pii n busu kɛ laanka n la paparɛɛ kɛ taman yii? Min kɔn ba boe la a na a kaka kɔ wa. N sã gole kɛ laanka n sii baraa damata kɛa lɛa nɛ má fuun kɛn da n mìi ni.

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 8:16

Zɔ́ɔ nə́ n toa Dan á die. Ǹ sùin lɛ baa wuu n boe. Tán tumaa n bìn diɛ ǹ lɛ baa nyɛɛnɛ. Ǹ nə́ ke yii die, maǹ die gána lɛ ziziɛ̃, kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka kiwi lɛ laanka a minin ni.

Busii pɛ 1:21

Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.

Busii pɛ 1:22

Ga ǹ sii baraan kɛn ganaa taãn nɛ. N masɛ yii wɔ̃ lɔn, maa piãn kɛn lɛa, ǹ dɔn yii wɔ̃ miɛ̃. Maa wɔ n ka ginii-n biikoo tumaa li! A n busu lɛa ma ganaa.

Ezekieli 29:6

Ezipti minin tumaa á re doɛ̃ kəni, mà ma din nə Dɛnaa Lawa lɛa. Izirayeli tɔrɔn lɛn man nə́ n foo doa ka dinin ganaa, sɛnɛ, ka soɛ kɔ buruu-n wa.

Ezekieli 35:5

A giala, ka dinin Edɔmu minin lɛn man ká goã Izirayeli minin lɛn biɛ zɔ́ɔ duduu. Sii bɛ́ á Izirayeli minin lɛn yɛ ǹ mɛn pinaa, ma bɛ́ má ǹ sii baraa lɛ a dɔlɔ bɔ ǹ ganaa ǹ mɛn pinaa, ka n ká n gɔn kũ bɛ lɛ ganaa, ká Izirayeli minin lɛn dɛ.

Misee 4:11

Sɛnɛ sisia, gána gigiã nə́ n lɛ sɔkɔn, ǹ tá ka gialaa. Maǹ pii: «Ka daa wɔ Zeruzalɛmu zaãbaa, bɛ̀ wɔ yii nàn diɛ̃ bɔ a kɛbɔlɔ la.»

Misee 7:10

Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

Nahumu 1:8

Sɛnɛ a n die Ninivu yui lenlen ka mu gole ne. A na a zɔ́ɔn papaɛ̃, a nə́ ǹ kiɛ wɔlɔ tì biribiri li.

Abakuku 2:16

Sɛnɛ, kaa wɔ ǹ die goɛ̃ ka sìi ni, gugurubaa ná a bie wa. A mii dɔ ka dɔn ganaa kanna. Ka dɔn tontoro á re goɛ̃, ǹ kaa soromabaa nyaa. Dɛnaa Lawa n die a foo-yoo baraa kɛ kiɛ ka la taãn-taãnɛ. Kaa gugurubaa kɛ á re n bɔyɛɛ a sìi baa.

Sofonii 2:8

Má Moabu minin sɔ kɔn kɛn ma, ka Amɔnitin din koa ǹ boon kɛn nɛ. Maǹ nə́ sɔ kɔ maa zaman ganaa, ǹ nə́ ǹ dinin gána gole kɔ bɛ̀ ǹ tá maa zaman lɛ a bǎãn tɛnɛn sii ǹ la.

Zakarii 1:14

Lona dia dí-a wole mɛn bɛ́ boo diɛ ka ma nɛ, á n toa ma ganaa mà ma boo kɛ pɛ: Dɛnaa Lawa Pàãyiidɛnaa n kɛ pii: «Maa Zeruzalɛmu narɛ ǹ gɔn tá baraa, ka *Siɔn kele sonbore kɛ nɛ.

Zakarii 1:15

Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.

Zakarii 12:2

– Man die Zeruzalɛmu biɛ kaaran lɛa, piɛ̃ nɛ ka maa foo yoo ǹ duvɛ̃ nɛ. Tɔrɔn mɛnɛn tumaa bɛ́ a lɛnpɛnɛ, á re bɛn yii tii. Bɛ̀ ǹ nə́ yoo Zeruzalɛmu gialaa ǹ mɛn waáraa, ǹ tá re yui Zudaa minin dɔn gialaa.

Zakarii 14:2

Ma á re tɔrɔn tumaa soekɔn ǹ yoo kaa kiwi gialaa. Ǹ tá re Zeruzalɛmu kiwi kuĩ, ǹ na a gɔn mànan kokoo a kionən ne. Ǹ tá re ǹ lɔn kuĩ ka pàã nɛ. Ǹ tá re ǹ zaman talɛɛ goɛ ǹ wo ǹ ne, sɛnɛ, ǹ gialakun kɛ á re goɛ̃ kiwi lɛ nɛ.

Zakarii 2:12

Dɛnaa Lawa Pàãyiidɛnaa a da ǹ boo á ke, asɛ mɛn dí gole wɔ ma gɔn, mà ma pɛ tɔrɔn kɛn manɛ ǹ nə́ ka kokoo: «Min woo min yoo ka gialaa, ǹ dɛnaa na á n gɔn sã masɛ din yii ni.

Zakarii 2:8

á pɛ-n kɛnɛn: – Baa si n wo pɛ tɔntɔraagiĩ kɛ nɛ biɛ ná a gɔn: «Zeruzalɛmu doamaa nɛ a goã kiwi lɛa kungɔn ná a ba a ganaa wa. A giala, minbuiin nɛn laanka tɔɔn mɛnɛn bɛ́ a nɛ, ǹ tá re mɔnɛɛ ǹ la yii ni.

Timəə dí-pɛn 30:7

Kaa Lawa, Dɛnaa Lawa n die bɛa dɔlɔn kɛn lɛn tumaa kiɛ kaa zɔ́ɔn mìi ni, min mɛnɛn tumaa ka baa zɔ́ɔ, ǹ nə́ bɔ ka yii ni.

Sii-nyaan 13:10

Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.

Samayeli1 17:53

Izirayeli minin lɛn bɛ́ ǹ nə́ Filisiti minin lɛn loo taãn-taãnɛ, ǹ bɔyaa biikoo li ǹ nə́ daa Filisiti minin lɛn mànan kokoo ǹ giã ǹ bǎã nɛ.