Zeremii 30:14 - LAWA A BOO SONBORE

¹⁴ N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

LAWA A BOO SONBORE 2011

¹⁴ N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 30:14 ပူးပေါင်းရင်းမြစ်များ

Zɔbu 16:9

A foo-yoo gɔ́ɔ̃ nɛ, Lawa n ma tɔtoɛ̃, a n ma kio lui, a nə n lɛ sɔsoɛ̃ ma li. A n ma zɔ́ɔ lɛa, n yiin doɛ ma la taãn-taãnɛ.

Zɔbu 19:11

A foo n yoo-n ma li, á ma baa a zɔ́ɔ kɔn lɛa.

Zɔbu 30:21

Ma nə n bɔyɛɛ n tá kakaarɛ koe ma ganaa, n nə n we tumaa boe ma li, n nə́ zia diɛ ma-a.

Loen 107:17

Ǹ Lawa bɔlɔ tii lɛ a lɛa, gialakunun nə́ baãnaan baa, ǹ sii baraan lɛn lɛa, ǹ nə́ nɔmaa kɔ ǹ dinin la.

Izayii 57:13

Bɛ̀ n gú da ǹ mɛn pinaa, n dì bɔbɔnɛɛn lɛn nə n si sii la kəni. Piɛ̃ á re ǹ tumaa goɛ, kurunkurun tá re woe ǹ ne. Sɛnɛ, min mɛnɛn bɛ giɛ mìi duru ǹ bǎã li masɛ li, bɛn tá re gána lɛ yii ǹ wɔ lɛa, maa kele sonbore kɛ nə ǹ wɔ baa.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 2:36

A n siɛ lɔn n tá ziin lon koe n mìi gialaa? Sɛnɛ, Ezipti dɔ n die n foo ziziɛ̃ ka Asiirii bɛ́ lɔn lɛlɛ.

Zeremii 22:20

Zeruzalɛmu, dii Liban kelen la n nə n lɛ dɛ. Toa n lɛ-dɛ dɔ yǎa Basan a diə kɛ nɛ. N toa Abarimu a kelen la n nə n lɛ dɛ. A giala, n sanan tumaa papaã n ganaa.

Zeremii 22:22

Piɛ̃ á re n kiãn tumaa goɛ, a wo ǹ ne. Ǹ nə n sanan tumaa goa ǹ wo ǹ ne. Nsɛ, sìi á re n koe n lɛ, n yii a gugurubaa tumaa nya, n zɛnaa ǹ sii baraan kɛn tumaa taman yii.

Zeremii 30:15

A n siɛ lɔn kəni n tá wuu pii n busu kɛ laanka n la paparɛɛ kɛ taman yii? Min kɔn ba boe la a na a kaka kɔ wa. N sã gole kɛ laanka n sii baraa damata kɛa lɛa nɛ má fuun kɛn da n mìi ni.

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 32:30

A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

Zeremii 32:34

Maǹ nə́ ǹ dì nyín bɔbɔnɛɛn kɛn kaa kion kɛ nɛ ma tɔ n la, ǹ nə́ *gɔ̀ da a ganaa.

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Zeremii 38:22

Lɔn mɛnɛn tumaa bɛ́ re goɛ̃ kii kion lɛ nɛ, ǹ tá re ǹ tumaa goɛ ǹ wo ǹ ne Baabilonii gána nyɛɛnaandɛnan yɔrɔ-a, ǹ loe lɔ bɛ̀ ǹ tá n tɔ pii: Ǹ nə́ n sã taãn-taãnɛ, n giaára sonboren lɛn! Ń bɛ́ ń paraa bɛrɛɛ li ǹ mɛn waáraa, ǹ nə́ n la bɔ n ganaa!

Zeremii 4:30

Sɛnɛ, nsɛ Zeruzalɛmu ke ń ziziɛ̃, ma n wàa zɛnɛɛ? Ń mɔnaa sonbore wɔ, ka nyaǹ mànan nɛ sana lɛa. Ń kala lɔ n yii li n nə́ n din siĩn koe ne. Sɛnɛ, n din zɛnaa kɛa là banban. N sanan manə n pɔpɔsɛ, maǹ giɛ n gɛ̀ li.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 5:5

Man die woe nyɛɛnaandɛnan li, ma á re boo diɛ ǹ nɛ, ta a baalan, bɛn tá Dɛnaa Lawa dùũ doɛ̃ ka ǹ Lawa a dí-pɛn nɛ.» Sɛnɛ, haayii! Ǹ tumaa kun, ǹ nə́ ǹ zǔun yiyiɛ, ǹ nə́ ǹ biɛn nana.

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 50:42

Sa laanka ziabaa ǹ màn lɛ pɛpɛnɛn man a sɔraasin gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die zia biɛ n ganaa Baabilonii kiwi.

Zeremii 6:23

Ziabaa ǹ mànan manə ǹ sɔraasin gɔn, sa laanka ziabaa ǹ màn lɛ pɛpɛnɛn nə́ ǹ gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die ziabiɛ n ganaa Siɔn kiwi.

Busii pɛ 1:19

Min mɛnɛn nə goã ma narɛ, má lɛ dia ǹ la, sɛnɛ, ǹ nə́ ma tii. Maa Lawa a wúlu-bɔlen laanka maa min golen nə́ gã kiwi lɛ gɔ́ɔ̃ nɛ, ǹ bɛ́ giɛ màn-bii li ǹ mɛn waáraa, mà ǹ yii boo la a goã koo.

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Busii pɛ 2:1

Ebe! Dɛnaa Lawa a foo-busii kɛ taman yii, á *Siɔn da wɔlɔ tì li. A foo bɛ́ á yoo Siɔn li, á n toa lon sɔsɔɔ, á Izirayeli a gugurubaa kɛ zũ tán. A foo-yoo taman yii, a yiri bɔ a kion kɛ din ni, a doamaa bɛ nɛ a giã ǹ mɛn lɛ nɛ.

Ezekieli 23:22

Bɛ lɛ na á toa, Oholibaa, masɛ Dɛnaa Lawa á kɛ pii n ni: «N tɔtɔraan mɛnɛn lɛn tìĩ bɔ n nyin ni, man die bɛn lɛn kiɛ n ganaa. Man die ǹ toɛ̃ bǎã tumaa nɛ, ma ǹ kaa n ganaa.

Ezekieli 23:9

Bɛ lɛ nɛ, má toa a tɔntɔraa Asiirii minin lɛn gɔn, kɛn lɛn ǹ sii goã a ganaa.

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Abdiasi 1:7

Ka bɛ dɔ nɛ, ka n doa kɔn ka min mɛnɛn lɛn nɛ, ǹ nə́ ke ǹ nə́ ka loo, ǹ nə́ ka bɔ kaa bǎã nɛ. Ka kɔn wɔ ma ka min mɛnɛn lɛn nɛ, ǹ nə́ ke ǹ nə́ ka bebele, ǹ gɔn dɔ ka-a. Ǹ nə́ goã kaa màn bii kun ka nɛ, bɛ̀ ǹ nə́ pii: «Yiri goon din ba Edɔmu minin kɛn lon wa.»