Zeremii 3:25 - LAWA A BOO SONBORE

²⁵ Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

LAWA A BOO SONBORE 2011

²⁵ Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 3:25 ပူးပေါင်းရင်းမြစ်များ

Loen 106:6

Wɔ dɔn nə́ sii baraa zɛnaa, ka wɔ digolon bɛ́ lɔn, wɔ́ kanaa wɔ́ zii toa, zɛ̀rɛ wɔ kũ.

Loen 106:7

Wɔ digolon nə goã, ǹ nə́ màn kɔn giala ma, n kaãbaa ǹ siin kɛn zɛnaa gɔ́ɔ̃ nɛ Ezipti wa. Ǹ yiri bɔ ka bǐɛ̃ gigiã kɛ nɛ, ń zɛnaa ǹ nɛ. Ǹ bɛ́ ǹ nə́ dɔ Sawɛɛ tà kɛ lɛ-a, ǹ nə́ n gɔ́ɔ̃ tii Lon a Lawa gole kɛ ganaa.

Loen 109:29

Barka nə́ n bɔ ma zɛ̀rɛ-baalin lɛn nɛ, sìi nə́ ǹ kũ babaraa nɛ, ǹ ba n sii la doɛ̃ wa.

Suusun 13:18

Min mɛnɛn bɛ́ n piɛ̃ ka doroo ne, doobaabaa laanka sìi n bɛn wɔ lɛa. Sɛnɛ, min mɛnɛn bɛ lɛ koe doroon ganaa, yii gugurubaa n bɛn wɔ lɛa.

Suusun 5:13

Wàa na á baa man too kɔ maa mìinaan boo li wa, man too da maa daraalin lon wa?

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Izayii 50:11

Sɛnɛ, kasɛn man tɛ koɛ ka n ka dinin lɛnpɛnɛ ka kiɛ tɛdɛnan nɛ. Á bǐɛ̃ kɔ, ka wo bɛa tɛ lɛ nɛ ka kaa kiɛn tɛdɛnan lɛ nɛ. Dɛnaa Lawa din nə die bɛ zɛnɛɛ, ka n die wɛɛ tán fuu gole gɔ́ɔ̃ nɛ.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Zeremii 14:20

Dɛnaa Lawa, wɔ á doɛ̃ wáa wɔ́ sii baraa zɛnaa. Wɔ á wɔ digolon siɛ̃n doɛ̃. Wɔ́ sii baraa zɛnaa n nɛ.

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Zeremii 2:26

Sɛnɛ, kasɛn Izirayeli minin, kaa zaman nɛ, kaa kiin laanka kaa gána nyɛɛnaandɛnan nɛ, kaa Lawa a wúlu-bɔlen laanka kaa Lawa a dia dí-a wolen ne, sìi n die n koe ka lɛ, ka wurumu wɔ bɛ́ lɔn, bɛ̀ ǹ nə́ tɔwaa.

Zeremii 20:18

Bɛ̀ nɔmaa laanka foo ziziɛ̃ ka sìi á lɛa nɛ baraabaraa maa yiikoonaabaa gɔ́ɔ̃ nɛ, maa yɛ mìi-n ka wàa nɛ?

Zeremii 22:21

N goã yii-nyɛɛ la ǹ mɛn waáraa, má boo da n nɛ, sɛnɛ ń ma lɛ si ń pɛ: «Ma ba n too koe wa.» N nə́ n zɛnaa miɛ̃ lɛn, a kũ n tenmaa waáraa ganaa, n bin nə n too kɔ ma lon wa!

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 31:19

Taãn nɛ, wɔ́ n wɔlɔ lui n ganaa. Sɛnɛ sisia, bɛ n busi wɔ ganaa. Wɔ́ wɔa sãn dɔ̃, wɔ́ na ǹ nɛ kanna. Wɔa yii gugurubaa nya, sìi nə n kɔ wɔ lɛ. Sonbore, wɔ́ sii baraa zɛnaa wɔa tenmaa waáraa. Bɛa nɔmaa n ke wɔ gialaa.»

Zeremii 6:26

Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

Zeremii 7:19

«Maǹ baraa zɛnɛɛ masɛ nɛ? Haayii! Maǹ zɛnɛɛ ǹ dinin manɛ. A doamaa nɛ a sìi da ǹ dinin ganaa.» Dɛnaa Lawa a da ǹ boo ne.

Zeremii 8:14

Waa na á baa wɔ á tán kànaa? Ka wɔ n lɛ sɔkɔn wɔa kiwi tamaa wole sonboren kɛn nɛ, wɔ n yii da gɛ̀ la, a giala, wɔa Lawa, Dɛnaa Lawa n zoɛ̃ li a wɔ dɛ. A n wɔ kiɛ sèwò mii ganaa. A giala wɔ n wɔ́ sii baraa zɛnaa nɛ.

Zeremii 9:18

Hiĩ, foo busu ǹ loe n boe *Siɔn. «Ebe, wɔ́ ziziɛ̃, sìi nə́ n kɔ wɔ lɛ. Wɔ doamaa nɛ wɔ soo wɔ n bɔ wɔa gána nɛ, a giala, wɔa kionən nə́ kaa.»

Busii pɛ 5:16

Kii bafolo bɔ wɔ mìi ganaa á mɛnaa. Wàa koe n ka kɛ nɛ! A giala wɔ sii baraa zɛnaa.

Busii pɛ 5:7

Wɔ digolon nə́ sii baraa zɛnaa. Sɛnɛ, ǹ banban doo wa. Ǹ sii baraan gugurubaa na á kũ wɔ dinin mìi ni.

Ezekieli 2:3

Á tɔ́n pɛ ma-n kɛnɛn: – Nsɛ minbuiin a nɛ, man die n diɛ Izirayeli minin kɛn li, bɛa piã-wɔlen kɛn lɛn ǹ nə́ n gòãn dii masɛ ganaa. Ǹ digolon nə ma bɔlɔ tii lɔn, a din lɛ n ke ǹ dɔn tá la, a da pelo kɛ lɛ yaa.

Ezekieli 36:32

Masɛ Dɛnaa Lawa a da ǹ boo á ke: Ka doamaa-n ka dɔ̃, mà kasɛn lɛa bie ma á re bɛa sii lɛ zɛnɛɛ wa. Izirayeli tɔrɔn lɛn, kaa giã ǹ gɔn kɛ lɛ doamaa nɛ a sìi da ka ganaa, a ka mìi kuməə.»

Ezekieli 44:13

Ǹ doamaa bie ǹ nə n mɔrɔ ma ganaa doo, mà maǹ Lawa a wúlu bɔle baa ǹ dí nyɛɛ wa. Mànan mɛnɛn bɛ́ ǹ nə́ ǹ koa ma nɛ, bɛn nɛ ka bǎã sonbore sonbore kɛ nɛ, ǹ doamaa bie ǹ nə n mɔrɔ bɛn ganaa wa. Ǹ sìi da ǹ siin laanka sii bɔbɔnɛɛn mɛnɛn zɛnaa, ǹ tá re n toɛ̃ ka a guĩ ni.

Ezekieli 7:18

Ǹ tá re gɛ̀ koa ǹ mɔnaan we, ǹ nə ǹ tumaa mìi kɔɔ̃. Gɔ̀nɔn bìn diɛ á re ǹ kuĩ, sìi nə́ ǹ tumaa ganaa.

Ozee 9:10

Ka *rezɛ̃ da nɛ bɛ́ lɔn, min yɛ don, man má Izirayeli tɔrɔn lɛn yɛ miɛ̃. Ka gɔ́rɔ da ten a nɛ bibinaa bɛ́ lɔn, man má ka digolon kɛn yɛ miɛ̃. Sɛnɛ, ǹsɛn dinin nə dɔ Baali-Pewɔɔrɔ lɔn gɔrɔ, sii mɛn bɛ́ sìi diɛ, bɛ na á goã ǹ dí lɛa. Ǹ goã dì mɛn narɛ, ǹ dininmaan nə́ bɔbɔnɛɛ kɔ ka bɛa dì kɛ lɛ bɛ́ lɔn.

Sofonii 1:17

Dɛnaa Lawa pɛ: Minbuiinin man nə́ sii baraa zɛnaa masɛ nɛ. Bɛ lɛ nɛ, man die koe boe ǹ ganaa. Maǹ die tɔ we ǹ nə́ tatalɛ ka yii tere-an bɛ́ lɔn. Maǹ die ǹ mà kiɛ tán bǎã tumaa nɛ ka tii bɛ́ lɔn. Ǹ gere á re boɛ̃ tán ka yisi bɛ́ lɔn.

Rɔmu minin 6:21

Ka ǹ ká wàa là yɛ kəni? Pelo, bɛa siin kɛn lɛn man sìi diɛ ka ganaa, a giala, ǹ giala-nyɔmiɛ n ka gɛ̀ nɛ.

Sii yɔrɔ-bɔlen 2:2

Kasɛn dɔn, ka nyan toa ka lɛ kɔ kɔn la wɔ ka gána kɛa minin ni wa. Wúlu bɔ ǹ bǎãn kɛn, ka bɛn yu. Sɛnɛ, ka n too kɔ masɛ lon wa. Wàa mɛn sii n ka kɛ nɛ ka zɛnaa?