Zeremii 3:1 - LAWA A BOO SONBORE

¹ Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

LAWA A BOO SONBORE 2011

¹ Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 3:1 ပူးပေါင်းရင်းမြစ်များ

Loen 106:38

Ǹ nə́ zɛ̀rɛbaa᷉naan mà kaa, ǹ nɛgiĩn laanka ǹ nɛlɔn kɛn lɛn mà kɛ lɛ. Ǹ dinin man nə́ bɛa nɛnyaanan lɛn dɛ wúlu mànan lɛa, Kanaan gána a dìn ganaa. Ǹ nə́ gána lɛ tii ka bɛa mà damata kɛ nɛ.

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Zeremii 2:20

Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

Zeremii 2:23

N nə n siɛ lɔn n tá pii mà n nə n din gɔgɔrɛ kɔ wa, mà n Baalin guguru kɔ wa. Ga n giã ǹ gɔn ganaa nyankɔrɔ basa kɛ nɛ. Lɛ kɔ n sãn ganaa. N nə n kɔnbɔ nyɔɔmaa dan ten ne, baa sii paǹ yii li.

Zeremii 2:7

Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 22:20

Zeruzalɛmu, dii Liban kelen la n nə n lɛ dɛ. Toa n lɛ-dɛ dɔ yǎa Basan a diə kɛ nɛ. N toa Abarimu a kelen la n nə n lɛ dɛ. A giala, n sanan tumaa papaã n ganaa.

Zeremii 3:22

Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.

Zeremii 3:9

«A na á naarɛbaa lɛ zɛnaa kun ka dìn mɛnɛn bɛ́ kɔlɔ hinlaa gɔn lɛa. A naarɛbaa baraa lɛ taman yii, á gána lɛ gɔgɔrɛ kɔ.

Zeremii 31:22

Nɛlɔ piã-wole, ma n woe n mìi giala yǎa biĩ? Hiĩ, Dɛnaa Lawa sii soree lɛ bɔ tán la: Lɔ n die baa sii ǹ zuũ kio kanna.

Zeremii 4:1

Izirayeli, bɛ̀ n wusoo ń daa, n doamaa nɛ n wusoo n da masɛ li. N màn nyín bɔbɔnɛɛn kɛn, bɛn bɔ n nə ǹ bɔ n yɔrɔ-a, n ba re n bibiĩ n mìi gialaa doo wa.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Ezekieli 16:26

Zeruzalɛmu, n kɔrɔbaa zɛnaa kun ka Ezipti minin kɛn nɛ, n miãkɛnɛn lɛn, ǹ tɔntɔraabaa n gole. N màn da n kɔrɔbaa lɛ li, yǎa ń má foo yoo.

Ezekieli 16:30

E! Wàa mɛn foo tãbaa tɔrɔ n ka bɛ nɛ nsɛ lon, n bɛa siin kɛn lɛn tumaa zɛnɛɛ nɛ, kɔrɔbaa nə nsɛ a dí lɛa! Ma din Dɛnaa Lawa a da ǹ boo ne.

Ezekieli 16:35

Nsɛ Zeruzalɛmu, lɔ kɔrɔ, n too kɔ Dɛnaa Lawa a boo ganaa kəni:

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Ozee 2:2

Zudaa minin laanka Izirayeli minin ni, bɛn tá re wusii ǹ kaa kun. Ǹ tá re kiã goon toto boe, ǹ koa ǹ dinin mìi la, Gána lɛ á re kiɛɛrɛ koe ǹ ganaa. A giala, sii lɛ bɛ́ re n zɛnɛɛ Zizereyɛli ǹ mɛn pinaa, lɛawaa gole ne.

Misee 2:10

Ka yoo ka n tan kəni! A giala, kànaa kɛ bie kaa susu ǹ bǎã lɛa bɔrɔ wa. Ka sii gɔgɔrɛ mɛn zɛnaa, a basaã á die ka yii, á die baraa koe ka ganaa.

Matiə 5:31

Á n pɛ dɔn: «Bɛ̀ min mɛn tá a lɔ lui, a doamaa nɛ a lɔ lɛ a loo ǹ sɛ́wɔ kɔ la.»

Timəə dí-pɛn 22:21

ǹ nɛlɔ lɛ kũ ǹ soo ne ǹ di a kiɛnlɛ-a. Bɛ kio, kiwi lɛ a giĩn nə kɔlɔ kaã bɔ a ganaa ǹ dɛ a gã, a giala, a bɛ́ á n toa ǹ di kion á giĩ si, a na á sìi da ǹ sii zɛnaa Izirayeli gána nɛ. Ka zɛnaa miɛ̃ ka sii baraa bɔ ka bɔ ka bii.

Sii yɔrɔ-bɔlen 19:2

Lɔ lɛ kɔrɔbaa zɛnaa nɛ, á soo á n bɔ li, á woo ǹ di kion, Bɛtlehɛmu kiwi, Zudaa gána nɛ. Á giã walan yǎa mui sii.