Zeremii 29:8 - LAWA A BOO SONBORE

⁸ Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.

LAWA A BOO SONBORE 2011

⁸ Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.

Zeremii 29:8 ပူးပေါင်းရင်းမြစ်များ

Zeremii 14:14

Dɛnaa Lawa ma lɛ si á pɛ: – Lawa a boo gii-dalin kɛn bɛ́ boo mɛn diɛ ka ma tɔ nɛ, soɛ nɛ. Ma ǹ dia wa. Ma boo goon din da ǹ nɛ wa. Ǹ sii yɛn lɛn man soɛ lɛa. Ǹ bɛ́ boo mɛn diɛ, boo kooron manɛ. Ǹ dinin taasiɛ boon manɛ.

Zeremii 23:16

Dɛnaa Lawa Pàãyiidɛnaa pɛ: Ka nyan nə n too kɔ Lawa a boo gii-dalin kɛn lon wa. Maǹ ka yiri siɛ̃. Ǹ bɛ́ boo mɛn diɛ, ǹ dinin taasiɛn manɛ. Masɛ a boon bie wa.

Zeremii 23:21

Bɛa Lawa a boo gii-dalin lɛn, ma ǹ dia wa, sɛnɛ maǹ baa sii. Ma boo da ǹ nɛ wa, sɛnɛ maǹ Lawa a boo gii diɛ.

Zeremii 23:25

Lawa a boo gii-dalin bɛ́ soɛ boon mɛnɛn diɛ ka ma tɔ nɛ, ma á miɛ. Maǹ pii: «Má n narɛ, má n narɛ!»

Zeremii 23:27

Maǹ zoɛ̃ li mà maa zaman lɛ yiri bɔ ka ma tɔ nɛ, ǹ narɛɛn kɛn lɛa ǹ tá kalɛɛ kɔn nɛ, ka ǹ digolon yiri bɔ ka ma tɔ-n lɔn ǹ nə́ kɔ Baali lɛ.

Zeremii 27:9

Kasɛn, ka nyan nə n too kɔ kaa Lawa a boo gii-dalin lon wa, ǹ mɛnɛn bɛ́ biɛ̃ ǹ pii, narɛɛ giala-pɛlen ne, lon gɔ̀nɔn ganaa pɛlen ne, ka kɔ́lɔnbaalin ni. Maǹ pii ka nɛ, mà ka a re goɛ̃ Baabiloniin kii a pàã kɛ giulun wa.

Zeremii 28:15

Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.

Zeremii 29:1

Lawa a boo gii-dali Zeremii nə́ n toa Zeruzalɛmu, á sɛ́wɔ dia min golen la, Lawa a wúlu-bɔlen ne, Lawa a boo gii-dalin ni, ka min mɛn tumaa bɛ́ Nebukadenezɔɔrɔ nə́ ǹ goa Zeruzalɛmu á woo ǹ ne *Baabilonii.

Zeremii 29:15

A da yaa ka ǹ pii mà Dɛnaa Lawa na á boo gii-dalin kɔ ka la Baabilonii gána nɛ!

Zeremii 29:21

Dɛnaa Lawa Pàãyiidɛnaa Izirayeli a Lawa n kɛ pii, Kolaya a nɛgiĩ Akaabu a paǹ li ka Maseya a nɛgiĩ Sedekiasi ni. Ǹ dinin min paa mà ǹsɛn man Dɛnaa Lawa a boo gii diɛ, sɛnɛ soɛ nɛ. Á bǐɛ̃ kɔ, man die ǹ we Baabiloniin kii Nebukadenezɔɔrɔ gɔn, a ǹ dɛ ka yii giulun.

Zeremii 29:23

Kɛa sii kɛ n die ǹ yii, a giala, maǹ nə́ sii bɔbɔnɛɛ zɛnaa Izirayeli gána nɛ, maǹ nə́ naarɛbaa zɛnaa ka ǹ miãn lɔn nɛ. Maǹ nə́ goã mà maǹ boo diɛ ka masɛ tɔ nɛ, sɛnɛ soɛ nɛ. A da yaa, ma màn kɔn pɛ ǹ nɛ wa. Ma tá a tumaa doɛ̃ ma tá a siére-a dɔn. Dɛnaa Lawa a da ǹ boo ne.

Zeremii 37:9

Masɛ Dɛnaa Lawa n kɛ pii: Ka nyan ka dinin yiri sã ka pɛ mà Baabilonii minin lɛn nə́ woo ǹ nə n bɔ ka li wa. Haayii, ǹ ba re woe wa!

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Ezekieli 13:6

Sii-nyaa kooron manɛ ǹ tá yii, maǹ nə n gɔn noɛ̃: «Dɛnaa Lawa a da ǹ boo ne.» A da yaa, masɛ Dɛnaa Lawa nə ǹ dia wa. Maǹ nə n yii diɛ kəni, mà masɛ sii lɛ zɛnaa a kɔnpɛ ka ǹ da ǹ boo ne.

Misee 2:11

Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

Zakarii 13:4

Bɛa waáraa, sìi á re Lawa a boo gii-dali soɛ-bɔlen kuĩ ǹ Lawa a boo gii-dalibaa laanka ǹ sii-yɛn kɛn laakalaa a lɛa. Ǹ yii á re we doo ǹ maa zaman sã ka Lawa a boo gii-dalin ki mɔnaa kɛa wɔ-n wa.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Luku 21:8

Yezu nə́ ǹ lɛ si á pɛ: «Ka n dinin kũ, ka baran toa min kɔ́n nə ka yiri sã wa. A giala, min gigiã á re die ka masɛ tɔ nɛ. Ǹ didie á re pii mà asɛ din lɛ nɛ, ka tá n yii diɛ la, mà haya, mà biikoo lɛ pã kəni. Sɛnɛ, ka baran kɔ ǹ lɛ wa.

Luku 6:26

«Kasɛn mɛnɛn bɛ́ min tumaa tá ka tɔ bǐɛ̃ pii, bɔ̀ndɛnan man ka kasɛn nɛ, min mɛnɛn bɛ́ ǹ nə́ goã n dinin biɛ Lawa a boo gii-dalin lɛa, a da yaa soɛ nɛ, minin kɛn lɛn díin man nə́ goã bɛn kuĩ bɛa gɔn kɛ lɛ la.»

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Tesaloniki2 2:3

Ka nyan toa min kɔ́n ka yiri sã ka yɔrɔ kɔ́n nɛ wa. A giala, bɛ laan bɛ̀ a n zɛnaa, yǎa piã ka golee Lawa li-n nə we bɔrɔ, Lawa a Zɔ́ɔ babaraa kɛ dɔ nə n din nyɛɛ, asɛ mɛn doamaa bɛ́ nɛ a bɔ̀n baa.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.