Zeremii 29:32 - LAWA A BOO SONBORE

³² Kanna, masɛ Dɛnaa Lawa n kɛ pii: Man die yui Nehelamu min Semayia gialaa, a nɛnyaanan nɛ ka a nɔ̀ɔnɔn nɛ. A sumu min kɔ́n ba re goɛ̃ maa zaman lɛ bii wa. Ma bɛ́ re bǐɛ̃ mɛn zɛnɛɛ maa zaman nɛ, Semayia a sɔmɔ min kɔn ba re bɛ yii wa. A giala, Semayia na á maa zaman sɔsɔmɔ ǹ nə́ n gòãn dii ma ganaa.» Dɛnaa Lawa a da ǹ boo ne.

LAWA A BOO SONBORE 2011

³² Kanna, masɛ Dɛnaa Lawa n kɛ pii: Man die yui Nehelamu min Semayia gialaa, a nɛnyaanan nɛ ka a nɔ̀ɔnɔn nɛ. A sumu min kɔ́n ba re goɛ̃ maa zaman lɛ bii wa. Ma bɛ́ re bǐɛ̃ mɛn zɛnɛɛ maa zaman nɛ, Semayia a sɔmɔ min kɔn ba re bɛ yii wa. A giala, Semayia na á maa zaman sɔsɔmɔ ǹ nə́ n gòãn dii ma ganaa.» Dɛnaa Lawa a da ǹ boo ne.

Zeremii 29:32 ပူးပေါင်းရင်းမြစ်များ

Kiin1 13:18

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Izayii 14:20

Sɛnɛ, ǹ ba re n biĩ kun ka bɛn nɛ wa. A giala, ma n nə́ n gána lɛ ziziɛ̃, n nə́ n tɔrɔn papaã. Ǹ ba re gɛ̀-dɛle tɔrɔ babaraa kɛ tɔ bíi doo wa.

Izayii 14:22

Dɛnaa Lawa Pàãyiidɛnaa a da ǹ boo á ke: «Ma á re yui *Baabilonii minin gialaa, ma ǹ tɔ tuturu. Ǹ min mɛnɛn yii bɛ́ re goɛ̃ koo ka ǹ nɛnyaanan nɛ, ka min mɛn tumaa bɛ́ re yii ǹ kio.» Dɛnaa Lawa a da ǹ boo ne.

Zeremii 17:6

Ǹ dɛnaa na á kɔnbɔ ka da kùsì ni tán gere la. A re yii-nyɛɛ yii wa. A n die goɛ̃ diə gole a kɔlɔn kɛn bii n ni, tán yìsidɛnaa kɛ la, min ná a boe la a giã-n wa.

Zeremii 20:6

Nsɛ Pasewuru, n laanka min mɛn tumaa bɛ́ kion kun, ǹ tá re ka goɛ. Bɛ̀ n dɔ Baabilonii, n tá re giɛ̃. Ǹ tá re n biĩ walan, kun ka n giaáran kɛn tumaa nɛ, ń Lawa a boo gii-dali soɛ-bɔle baa ǹ nɛ.»

Zeremii 22:30

A bɛ́ boo mɛn diɛ á ke: – Ka kɛ kiɛ̃ Konia a paǹ li: «Min ni a nɛnyaanan ba re goɛ̃ wa. Là goon din yɛ a ganaa a yiikoonaabaa gɔ́ɔ̃-n wa. Min kɔn ba re yii a sumu-n a giã Davida a kii dankan la, a Zudaa gána nyɛɛnaan bɔ wa.»

Zeremii 28:16

Bɛ lɛ nɛ, Dɛnaa Lawa á kɛ pii: «Man die n lui ma n bɔ tán la. N tá re giɛ̃ miɛ̃la a lɛ̀ kɛ lɛ nɛ, a giala, ń zaman lɛ da gòãn dii ganaa Dɛnaa Lawa-a.»

Zeremii 29:24

N die n kɛ pɛ Nehelamu min Semayia nɛ:

Zeremii 30:1

Dɛnaa Lawa boo da Zeremii ni á pɛ nɛ:

Zeremii 35:19

Á bǐɛ̃ kɔ, bɛ lɛ taman yii, Dɛnaa Lawa Pàãyiidɛnaa, Izirayeli a Lawa n kɛ pii: Min tá re yii Rekabu a nɛgiĩ Zonaadaabu a sumu-n duduu, a dí nya ma yɔrɔ-a lɛawaa tumaa li.»

Zeremii 36:31

Ma á re yui a gialaa, a nɛnyaanan nɛ, ka a nɔ̀ɔnɔn nɛ. Ma á re yui a gána nyɛɛnaandɛnan dɔn gialaa. Ma á re ǹ sãn lɛn dɔlɔ boe ǹ ganaa. Ma koen mɛnɛn boo da ǹ nɛ ǹ nə́ ǹ golee li wa, man die bɛn lɛn diɛ ǹ mìi ni, Zeruzalɛmu minin ni ka Zudaa minin ni.»

Ezekieli 20:38

Min mɛnɛn nə n piã ka ma nɛ, ǹ nə́ ma bɔlɔ tii, má á re bɛn wɛɛ ma ǹ bɔ kun ka nɛ. Ǹ bɛ́ ǹ nə́ woo giã gána kɔsɔ mɛn nɛ, ma á re ǹ wɛɛ ma ǹ bɔ walan, sɛnɛ, ǹ gòã na a re miɛ̃ Izirayeli gána-n wa. Ka á re doɛ̃ ka bɛ-n kəni, mà ma din nə Dɛnaa Lawa lɛa.»

Amɔɔsi 7:17

Bɛ lɛ na á toa Dɛnaa Lawa á kɛ pii: N lɔ á re kɔrɔbaa zɛnɛɛ kiwi lɛ gɔ́ɔ̃ nɛ, ǹ tá re n nɛgiĩn laanka n nɛlɔn dii zia la, ǹ tá re n tán zoɛ̃ ka biɛ nɛ, ǹ gii min kɔsɔn bii. N dinmaa kɛ á re giɛ̃ Lawa doɛ̃baã wolen gána nɛ. Ǹ tá re Izirayeli minin kɛn goɛ ǹ wo ǹ ne bɛ̀rɛbaa ǹ bǎã nɛ, ǹ wɔlɔ á re lui ǹ gána kɛ ganaa.»

Amɔɔsi 9:10

Maa zaman lɛ a sii baraa-zɛnaalin mɛnɛn bɛ́ pii, ma baraa ba ǹsɛn yii wa, ma a ba n mɔrɛ ǹsɛn ganaa wa, gɔya sa n die ǹsɛn lɛn dinin dii.»

Timəə dí-pɛn 13:5

Ka kɔ kaa Lawa, Dɛnaa Lawa dinsɔɔ̃ lɛ, ka nyɛ́ɛ baa a dinsɔɔ̃ nɛ. Ka a gɔn waa ǹ boon lɛn tamaa, ka n too kɔ a din lon. Ka dí nya a din ni, ka n naa a din lɛ ganaa.