Zeremii 29:18 - LAWA A BOO SONBORE

¹⁸ Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.

LAWA A BOO SONBORE 2011

¹⁸ Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.

Zeremii 29:18 ပူးပေါင်းရင်းမြစ်များ

KZS2 29:8

Bɛ lɛn nɛ Dɛnaa foo yoo Zeruzalɛmu kiwi li ka Zudaa gána tumaa nɛ. Á ǹ baa nyɛ́ɛ da ǹ sii a kɔnboe lɛa, foo saa ǹ màn lɛa, foo ziziɛ̃ ǹ màn lɛa ká yii bɛ́ a ganaa lɔn pelo.

Loen 44:11

N din nə́ ń toa, wɔ́ baa si wɔa zɔ́ɔn kɛn nyɛɛnɛ. Min mɛnɛn bɛ́ wɔ biɛ zɔ́ɔ, bɛn nə́ wɔ gɔn màn yii goa.

Izayii 65:15

Ma min mɛnɛn bɔ má ǹ koa, ka tɔ n die goɛ̃ lɛn baraa bíi ǹ màn lɛa bɛn gɔn: «Dɛnaa Lawa toa n gã ka min kɛ bɛ́ lɔn!» Sɛnɛ, min mɛnɛn bɛ́ dí nyɛɛ ma nɛ, tɔ kɔsɔ n die n koe bɛn ganaa.

Zeremii 15:4

Bɛa biikoo li, kanaa a tɔrɔn tumaa á re bìn diɛ nyɛ́ɛ gɔn. Zudaan kii Ezekiasi a nɛgiĩ Manaasee sii baraan mɛnɛn zɛnaa Zeruzalɛmu, bɛn lɛn lɛa nɛ.»

Zeremii 18:16

Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.

Zeremii 19:8

Man die Zeruzalɛmu biɛ nyɛ́ɛ da ǹ kiwi lɛa, yaa da ǹ màn lɛa. A ziziɛ̃ a la yii-n kɛ á die tɔwaa biɛ kiɛ̃ wolen tumaa ganaa.

Zeremii 24:10

Man die yui ǹ gialaa ka zia nɛ, ma bòo kaa ǹ ganaa, ka piɛ̃ busu ni yǎa ǹ papaɛ̃ gána kɛ nɛ ma kɔ ǹ la, ka ǹ digolon ne.»

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 26:6

Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»

Zeremii 27:8

Kɔntan, gána hinlaa tɔrɔ kɔn tá yii a n piã ka Nebukadenezɔɔrɔ a pàã kɛ nɛ, ke ma da ǹ wìi li ka zǔu bɛ́ lɔn. Á bǐɛ̃ kɔ, man die yui bɛa gána kɛ gialaa ka zia nɛ, bòo ne ka piɛ̃ busu ni. Man die Baabiloniin kii biɛ bɛa gána lɛ a ziziɛ̃ wole lɛa. Dɛnaa Lawa a da ǹ boo ne.

Zeremii 29:17

Dɛnaa Lawa Pàãyiidɛnaa n kɛ pii: «Man die yui ǹ gialaa ka zia nɛ, bòo ne ka piɛ̃ busu ni. Man die ǹ biɛ ka gɔ́rɔ bɔnɛɛ bɛ́ lɔn, bɔnɛɛ, min ná a boe la á bii wa.

Zeremii 29:22

Ǹ Zudaa min mɛn tumaa goa ǹ nə́ woo ne Baabilonii gána nɛ, ǹsɛn min paa tɔ á re sii a kɔnboe biɛ bɛ̀ ǹ tá lɛn baraa bíi. A giala maǹ die pii: «Dɛnaa Lawa die a n baa ka Sedekiasi bɛ́ lɔn hinlaa ka Akaabu bɛ́ lɔn Baabiloniin kii nə́ ǹ kaa tɛ-n!»

Zeremii 32:24

«Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 42:18

Zeremii pɛ doo: – Dɛnaa Lawa Pàãyiidɛnaa, Izirayeli a Lawa n kɛ pii: «Má maa foo-yoo baraa kaa Zeruzalɛmu minin la. A din yɔrɔ goon la, bɛ̀ ka woo Ezipti gána nɛ, man maa foo-yoo baraa kɛ kiɛ ka dɔn la. Ka bɛ nɛ, ǹ tá re ka biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni. Ka a re kaa gána kɛ yii doo duduu wa.»

Zeremii 44:12

Zudaa minin mɛnɛn yii goã koo ǹ nə́ daa gùli kɔ Ezipti gána nɛ, ma á re ǹ tumaa dii lenlen. Ǹ tumaa n die giɛ̃ bɛa gána lɛ nɛ, zia laanka bòo gɔn, ǹ tumaa, nɛnyaanan nɛ ka min zizin ni. Hiĩ, ǹ tumaa n die giɛ̃ bɛa yɔrɔ kɛ lɛ la. Maǹ die ǹ biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Ezekieli 12:15

Bɛ̀ masɛ nə́ n sasawaa má ǹ kaa tɔrɔ kɔsɔn bii ǹ mɛn waáraa, bɛ̀ má ǹ pɛsɛ̃ má ǹ kaa gána kɔsɔn nɛ, ǹ tá re doɛ̃ bɛa biikoo li, ma masɛ din nə Dɛnaa Lawa lɛa.

Ezekieli 22:15

«Ma á re ka niniɛ kɔn tɔrɔ kɔsɔn bii, ma ka pɛsɛ̃ gána kɔsɔn nɛ. Gɔgɔrɛbaa ǹ siin kɛn ka tá ǹ zɛnɛɛ, ma á re ka kurii bɛ ganaa.

Ezekieli 23:46

Masɛ Dɛnaa Lawa bɛ́ màn mɛn pii, bɛ n ka kɛ nɛ: «Ka zaman gole yiɛ ka kaa ǹ ganaa, ka ǹ toa nyɛ́ɛ gole kɛ gɔn, ka ǹ gɔn mànan goa.

Ezekieli 36:19

Bɛ lɛ n ke, má ǹ sasawaa má ǹ kaa gána kɔsɔn nɛ, má ǹ pɛsɛ̃. Bɛ lɛ n dɔlɔ lɛa ma bɔ ǹ ganaa, á kɔnpɛ ka ǹ dinin giã ǹ gɔn laanka ǹ zɛnaa ǹ siin ni.

Ezekieli 5:15

Ma á re dɔlɔ boe a ganaa ka ma foo ne, ka kakaarɛbaa nɛ, ma a sɔ̀n pɛ taãn-taãnɛ. Bɛ̀ ma bɛ zɛnaa ǹ mɛn waáraa, tɔrɔn mɛnɛn bɛ́ a lɛnpɛnɛ, bɛn tá re sɔ kiɛ la, ǹ da yaa lɛa. Bɛ lɛ á re min kɔsɔn doree, a nyɛ́ɛ da ǹ ganaa. Ma din Dɛnaa Lawa n ma pɛ.

Ezekieli 6:8

Sɛnɛ, ma á re toɛ ka gialakun nə goã zia lɛ kio, ma bɛn pɛsɛ̃ gána kɔsɔn nɛ.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Amɔɔsi 9:9

Sonbore, á ke: «Man die bìn diɛ Izirayeli tɔrɔn kɛn ganaa tɔrɔ kɔsɔn bii, ka ǹ bɛ́ màn zazaaboe ka tɛ̀mɛ-n lɔn, kɔlɔ boɛɛn kɔn din ba re soe a mɛnaa tán wa.

Misee 6:16

Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!»

Minin nimi 5:27

A die a da mu lɛ a mii ganaa, sii kɛ n die n zɛnɛɛ: bɛ̀ lɔ lɛ nə́ n din gɔgɔrɛ kɔ, á n baa bɔlɔgoonbaãdɛnaa lɛa ǹ zuũ ni, mu mɛn lɛ á ke die ka koe ne, bɛ á die we a gɔ́ɔ̃ nɛ a kɔɔsɛ kɔ. A nɔ̀ tá re yii, a ná a ba nɛ yii wa. Lɔ lɛ a tɔrɔ minin tá re lɛn baraa bii kɔn li ǹ nə n liɛ ǹ pɛ: «Lawa die a n baa ka min kɛ a lɔ kɛ bɛ́ lɔn.»

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 28:37

Dɛnaa Lawa bɛ́ re woe ka nɛ tɔrɔ kɔsɔn mɛnɛn tumaa bii, bɛn tá re n kaãbiɛ kaa sii ganaa, ǹ suusu da ka ganaa, ǹ ka da yaa lɛa.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.