Zeremii 29:12 - LAWA A BOO SONBORE

¹² Bɛ̀ kaa ma bíi we, bɛ̀ ka daa ma nyankɔ, ma á re n too koe ka lon.

LAWA A BOO SONBORE 2011

¹² Bɛ̀ kaa ma bíi we, bɛ̀ ka daa ma nyankɔ, ma á re n too koe ka lon.

Zeremii 29:12 ပူးပေါင်းရင်းမြစ်များ

KZS2 33:13

á gòa-kũ da a ganaa. Lawa toa a lɛ-dɛ dɔ a li, á n too kɔ a nyankɔ ganaa. Á wusoo á daa nɛ Zeruzalɛmu, a ná a kiibaa ǹ pàã kɔ la. Bɛ lɛ na á toa Manaasee dɔ̃, mà Dɛnaa Lawa lɛ din ni Lawa lɛa.

KZS2 6:38

ǹ wo ǹ ne bɛ̀rɛbaa nɛ gána mɛn nɛ, bɛ̀ ǹ nə́ n toa walan, ǹ nə́ wusoo ǹ nə́ daa n ganaa ka ǹ foo din tumaa laanka ǹ telenboeen din tumaa nɛ, ǹ gána mɛn lɛ bɛ́ ń kɔ ǹ digolon la, kiwi mɛn dɔ bɛ́, ń na a yii gɔgɔɔ̃, kion mɛn bɛ́ masɛ dɔ n tɔ la, bɛ̀ ǹ nə́ n nyankɔ, ǹ yɔrɔ n dia-n bɛ la,

Zɔbu 22:27

Bɛ̀ ń ná a nyankɔ, á re n lɛ sii. N dɔ lɛ kɔ la ka mànan mɛnɛn n tá re bɛn koe la.

Loen 10:17

Dɛnaa Lawa, n din bɛ́ n pàãwɛɛnaan gɔ́ɔ̃gɔ́ɔ̃ ǹ siin zɛnɛɛ, n din nə ǹ foo taɛ̃, n din nə n too koe ǹ lon taãn-taãnɛ.

Loen 145:19

A na a nyɛ́ɛbaama-n wolen foo sii zɛnɛɛ ǹ nɛ. A nə n too koe ǹ lɛ-dɛ li, a tá ǹ kirisibiɛ.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Izayii 26:16

Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

Izayii 30:19

Nsɛ *Siɔn a zaman, nsɛ mɛn bɛ́ giã-n Zeruzalɛmu, n ba re wuu pii doo wa. Bɛ̀ n nə n lɛ dɛ Dɛnaa Lawa ganaa á re a bǐɛ̃baa nyɛɛ n nɛ. Bɛ̀ á n lɛ ma lɔn gɔrɔ, á re n lɛ sii.

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Zeremii 50:4

Dɛnaa Lawa a da ǹ boo á ke: Bɛa biikoo li, bɛa pinaa kəni Izirayeli minin laanka Zudaa minin tá re die kun. Ǹ tá re tɔ we, ǹ wuu pɛ, ǹ tá re giɛ masɛ Dɛnaa Lawa, ǹ Lawa li.

Zeremii 51:50

Kasɛn mɛnɛn nə n si gɛ̀ la, ka woo, ka nyan gole kànaa wa! A ka toa sɔsɔɔ ka n yiri koa Dɛnaa Lawa nɛ, ka n taasɛ Zeruzalɛmu ganaa.

Ezekieli 36:37

Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn.

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»