Zeremii 29:10 - LAWA A BOO SONBORE

¹⁰ Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

LAWA A BOO SONBORE 2011

¹⁰ Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Zeremii 29:10 ပူးပေါင်းရင်းမြစ်များ

KZS2 36:21

Dɛnaa Lawa goã á boo mɛn da Zeremii ni, mà a pɛ, bɛa yɔrɔ yɛ n ka kɛ nɛ: «Gána lɛ á re n toɛ walan lɛ̀ pɔsɔbaa, yǎa gána lɛ a susu ǹ lɛwaan lɛ piɛ̃, susui biikoo mɛn bɛ́ ǹ kɔ a zii lɛ wa, bɛ lɛ dòo n ka kɛ nɛ.»

KZS2 36:22

Pɛrsin kii Siirusu a kiibaa lɛ̀ bibinaa li, Dɛnaa Lawa goã á boo mɛn wɔ Zeremii lɛ-n, a n li bɛ nə n zɛnaa. Á tɔn Siirusu yiri bũ mà a sɛ́wɔn kɛn nyaa gána lɛ tumaa nɛ. Siirusu bɛa boon lɛn pɛ gána lɛ tumaa nɛ, á baa sɛ́wɔ-kiɛ̃ lɛa dɔn dinin á dia:

Ɛsidrasi 1:1

Lɛlɛ lɛlɛ, Dɛnaa Lawa goã á boo da a boo gii-dali Zeremii ni. Pɛrsi gána a kii Siirusu a kiibaa lɛ̀ bibinaa li, Dɛnaa Lawa na á wɔ Pɛrsi gána a kii Siirusu lɛ yiri ni, mà a lɛ dia a gána lɛ tumaa nɛ, a sɛ́wɔ dɔ din kiɛ̃ a pɛ

Ɛsidrasi 1:2

mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

Loen 102:14

N Zeruzalɛmu kiwi lɛ narɛɛ taman yii, n die n yoo, taãn pɛ á soɛ, makara bɔ a ganaa biikoo dɔ. Sonbore, a biikoo dɔ.

Zeremii 25:11

Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 25:12

Dɛnaa Lawa a da ǹ boo á ke: «Bɛ̀ bɛa lɛ̀ pɔsɔbaa lɛ lɛ pã, man die yui Baabiloniin kii gialaa, ǹ gɛ̀-dɛ kɛa lɛa. Man die yui *Baabilonii minin gána gialaa, ma baa diə gole lɛa yǎa duduu.

Zeremii 27:22

«Bɛa mànan lɛn tumaa tá re n goɛ, ǹ wo ǹ ne Baabilonii gána nɛ. Maǹ die goɛ̃ walan, yǎa ǹ mɛn pinaa bɛ̀ ma yiri daa ǹ nɛ, má n die ǹ ne kànaa.» Dɛnaa Lawa a da ǹ boo ne.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Zeremii 29:28

Á ke, á sɛ́wɔ din kiɛ̃ á dia wɔ la Baabilonii a n pii: Ka á re beleboe walan. Ka kionən dɔ ka giã ǹ nɛ. Ka dù gɔrɔn bɔ ka ǹ dù bii!»

Zeremii 29:32

Kanna, masɛ Dɛnaa Lawa n kɛ pii: Man die yui Nehelamu min Semayia gialaa, a nɛnyaanan nɛ ka a nɔ̀ɔnɔn nɛ. A sumu min kɔ́n ba re goɛ̃ maa zaman lɛ bii wa. Ma bɛ́ re bǐɛ̃ mɛn zɛnɛɛ maa zaman nɛ, Semayia a sɔmɔ min kɔn ba re bɛ yii wa. A giala, Semayia na á maa zaman sɔsɔmɔ ǹ nə́ n gòãn dii ma ganaa.» Dɛnaa Lawa a da ǹ boo ne.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 33:14

Á ke, lɛawaa á die, Dɛnaa Lawa a da ǹ boo ne, man lɛ kɔ ka sii mɛn nɛ Izirayeli zaman la ka Zudaa minin ni, ma á re bɛ zɛnɛɛ.

Ezekieli 11:17

Bɛ lɛ nɛ, á pɛ ǹ nɛ mà masɛ Dɛnaa Lawa n kɛ pii: Ma ka pɛsɛ̃ tɔrɔn mɛnɛn bii ka gána kɔsɔn nɛ, ma á re ka wɛɛ walan, ma ka sɔkɔn, ma Izirayeli gána lɛ kɔ ka la.

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Zakarii 1:12

Dɛnaa Lawa a Lon a dia dí-a wole lɛ tɔn pɛ: «Dɛnaa Lawa Pàãyiidɛnaa, a lɛ̀ pɔsɔbaa n ke n foo n yoo ne Zeruzalɛmu li kɔnlɛ ka Zudaa kiwi tɛnɛn nɛ. Yǎa biĩ n tɔn makara bɔ ǹ ganaa?»

Zakarii 7:5

«Boo da zaman tumaa nɛ ka Lawa a wúlu-bɔlen ne n pɛ ǹ nɛ: A lɛ̀ pɔsɔbaa n ka kɛ nɛ, ka nə n lɛ-sɔɔ, ka n gɛ̀ loen loe, mui sooro laanka a sɔbaabaa ǹ wɔ li. Taãn nə n pɛ, ka n bɛa lɛ soɛ lɛ zɛnɛɛ masɛ tɔ la?

Uruti 1:6

Bɛ kio, Naomii bɛ́ á ma, mà Dɛnaa Lawa wusoo á bǐɛ̃ kɔ a tɔrɔ minin lɛn ganaa á màn-bii kɔ ǹ la, á yoo, a laanka ǹ manaan nɛ, ǹ nə́ wusoo ǹ nə́ woo Zudaa gána nɛ.