Zeremii 28:16 - LAWA A BOO SONBORE

¹⁶ Bɛ lɛ nɛ, Dɛnaa Lawa á kɛ pii: «Man die n lui ma n bɔ tán la. N tá re giɛ̃ miɛ̃la a lɛ̀ kɛ lɛ nɛ, a giala, ń zaman lɛ da gòãn dii ganaa Dɛnaa Lawa-a.»

LAWA A BOO SONBORE 2011

¹⁶ Bɛ lɛ nɛ, Dɛnaa Lawa á kɛ pii: «Man die n lui ma n bɔ tán la. N tá re giɛ̃ miɛ̃la a lɛ̀ kɛ lɛ nɛ, a giala, ń zaman lɛ da gòãn dii ganaa Dɛnaa Lawa-a.»

Zeremii 28:16 ပူးပေါင်းရင်းမြစ်များ

Siin Giala 7:4

A giala, kànaa ka lɛawaa sɔbaa, ma á re la kiɛ, yǎa lɛawaa pusi ka tèlò pusi ni. Ma màn yiikoonaa mɛn tumaa zɛnaa má da tán, ma á re bɛn tumaa papaɛ̃, ma bɔ kanaa.»

Kiin1 13:34

Bɛa tɔ wɔ ǹ gɔn kɛ lɛ Zeroboamu a kion minin yii kaa sii baraa nɛ. Bɛ lɛ na á toa ǹ nə́ ǹ bɔ̀n baa ǹ nə́ papaã ǹ nə́ n bɔ kanaa.

Bɔ bɛ̀rɛbaa nɛ 32:12

Dɛnaa, bɛ̀ ń zɛnaa miɛ̃, Ezipti gána minin kɛn tá re pii, mà baraabaa a lɛa nɛ, n soo ǹ ne, màn mɛn bɛ́ toɛ, n nə ǹ dɛ kelen la, n nə ǹ tɔ papaã n bɔ kanaa. Dɛnaa, sabara baa n toa n foo basã, n baran baraa zɛnaa n din a zaman kɛ-n wa.

Zeremii 20:6

Nsɛ Pasewuru, n laanka min mɛn tumaa bɛ́ kion kun, ǹ tá re ka goɛ. Bɛ̀ n dɔ Baabilonii, n tá re giɛ̃. Ǹ tá re n biĩ walan, kun ka n giaáran kɛn tumaa nɛ, ń Lawa a boo gii-dali soɛ-bɔle baa ǹ nɛ.»

Zeremii 28:17

Lawa a boo gii-dali Anania gã bɛa lɛ̀ lɛ a mui sɔbaabaa ǹ wɔ li.

Zeremii 28:3

Baabiloniin kii Nebukadenezɔɔrɔ mànan mɛnɛn goa Lawa a kion á woo ǹ ne Baabilonii, kànaa ka lɛ̀ paa ka te, ma á re wusii ma da ka bɛa mànan lɛn nɛ kànaa.

Zeremii 29:32

Kanna, masɛ Dɛnaa Lawa n kɛ pii: Man die yui Nehelamu min Semayia gialaa, a nɛnyaanan nɛ ka a nɔ̀ɔnɔn nɛ. A sumu min kɔ́n ba re goɛ̃ maa zaman lɛ bii wa. Ma bɛ́ re bǐɛ̃ mɛn zɛnɛɛ maa zaman nɛ, Semayia a sɔmɔ min kɔn ba re bɛ yii wa. A giala, Semayia na á maa zaman sɔsɔmɔ ǹ nə́ n gòãn dii ma ganaa.» Dɛnaa Lawa a da ǹ boo ne.

Amɔɔsi 7:17

Bɛ lɛ na á toa Dɛnaa Lawa á kɛ pii: N lɔ á re kɔrɔbaa zɛnɛɛ kiwi lɛ gɔ́ɔ̃ nɛ, ǹ tá re n nɛgiĩn laanka n nɛlɔn dii zia la, ǹ tá re n tán zoɛ̃ ka biɛ nɛ, ǹ gii min kɔsɔn bii. N dinmaa kɛ á re giɛ̃ Lawa doɛ̃baã wolen gána nɛ. Ǹ tá re Izirayeli minin kɛn goɛ ǹ wo ǹ ne bɛ̀rɛbaa ǹ bǎã nɛ, ǹ wɔlɔ á re lui ǹ gána kɛ ganaa.»

Amɔɔsi 9:8

Á ke, Izirayeli gána lɛ na á sii baraa zɛnaa, Dɛnaa Lawa na á n yii soo a ganaa á pɛ kɛnɛn: «Man die ǹ dii lenlen ma ǹ bɔ kanaa. Sɛnɛ, Zakɔba tɔrɔn kɛn, ma a die bɛn tumaa dii wa.» Dɛnaa Lawa a da ǹ boo ne.

Minin nimi 14:37

bɛa minin lɛn nə́ gɛ̀ kaka wɔ Dɛnaa Lawa yɔrɔ-a, kɛn lɛn ǹ nə́ goã ǹ nə́ gána lɛ piɛ̃ bɔ.

Timəə dí-pɛn 6:15

A giala, kaa Lawa, Dɛnaa Lawa mɛn lɛ á ke ka bii ke, a lɛ koe lawa kɔsɔ-a wa. A bɛ́ miɛ̃, ka ka dinin kũ, ka baran a foo yoo ǹ sii zɛnaa wa. A giala, á boe la a ka dɛ, a ka bɔ kanaa.