Zeremii 28:15 - LAWA A BOO SONBORE

¹⁵ Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.

LAWA A BOO SONBORE 2011

¹⁵ Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.

Zeremii 28:15 ပူးပေါင်းရင်းမြစ်များ

Kiin1 22:23

Misee tɔ́n pɛ: «Á ke! Dɛnaa Lawa yiri goon dia á daa Akaabu a Lawa a boo gii-dalin lɛn kaa soɛ bɔ ganaa, bɛ giala, mà Dɛnaa Lawa din ni mà a n koe boe Akaabu ganaa.»

Zeremii 20:6

Nsɛ Pasewuru, n laanka min mɛn tumaa bɛ́ kion kun, ǹ tá re ka goɛ. Bɛ̀ n dɔ Baabilonii, n tá re giɛ̃. Ǹ tá re n biĩ walan, kun ka n giaáran kɛn tumaa nɛ, ń Lawa a boo gii-dali soɛ-bɔle baa ǹ nɛ.»

Zeremii 23:21

Bɛa Lawa a boo gii-dalin lɛn, ma ǹ dia wa, sɛnɛ maǹ baa sii. Ma boo da ǹ nɛ wa, sɛnɛ maǹ Lawa a boo gii diɛ.

Zeremii 23:31

Hiĩ, bɛa Lawa a boo gii-dalin lɛn, soɛ boe ka masɛ tɔ nɛ, ma á re yui ǹ gialaa, ǹsɛn mɛnɛn bɛ́ pii: «Dɛnaa Lawa a da ǹ boo ne.»

Zeremii 27:15

Masɛ bie má ǹ dia wa. Maǹ pii mà ǹsɛn man boo diɛ ka masɛ tɔ nɛ, sɛnɛ, soɛ nɛ. Bɛ̀ ka n too kɔ ǹ lon, ka ǹ die giɛ̃, man die ka lui ma ka bɔ kànaa, ka dinin ni ka kaa Lawa a boo gii-dalin kɛn nɛ bɛa boon lɛn pii ka nɛ. Dɛnaa Lawa a da ǹ boo ne.

Zeremii 28:11

Bɛ kio, á pɛ zaman tumaa yɔrɔ-a mà Dɛnaa Lawa n kɛ pii: «Kànaa ka lɛ̀ paa ka te, Baabiloniin kii Nebukadenezɔɔrɔ a pàã ke tɔrɔn tumaa wìi li ka zǔu bɛ́ lɔn, man die bɛ yiɛ kɛnɛn.» Bɛ kio, Lawa a boo gii-dali Zeremii kiɛ̃.

Zeremii 29:23

Kɛa sii kɛ n die ǹ yii, a giala, maǹ nə́ sii bɔbɔnɛɛ zɛnaa Izirayeli gána nɛ, maǹ nə́ naarɛbaa zɛnaa ka ǹ miãn lɔn nɛ. Maǹ nə́ goã mà maǹ boo diɛ ka masɛ tɔ nɛ, sɛnɛ soɛ nɛ. A da yaa, ma màn kɔn pɛ ǹ nɛ wa. Ma tá a tumaa doɛ̃ ma tá a siére-a dɔn. Dɛnaa Lawa a da ǹ boo ne.

Zeremii 29:8

Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.

Zeremii 7:8

Sɛnɛ, ka foo n doa-n soɛ boon ganaa, là goon ná a ba ǹ ganaa wa.

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Ezekieli 13:6

Sii-nyaa kooron manɛ ǹ tá yii, maǹ nə n gɔn noɛ̃: «Dɛnaa Lawa a da ǹ boo ne.» A da yaa, masɛ Dɛnaa Lawa nə ǹ dia wa. Maǹ nə n yii diɛ kəni, mà masɛ sii lɛ zɛnaa a kɔnpɛ ka ǹ da ǹ boo ne.

Ezekieli 13:9

Lawa a boo gii-dalin mɛnɛn bɛ́ sii-nyaa kooron yii, ǹ nə́ soɛ boon didiɛ, masɛ á re goɛ̃ kɔn ka bɛn nɛ. Ǹ ba re goɛ̃ kun ka maa zaman nɛ doo wa. Izirayeli tɔrɔn tɔ bɛ́ kiɛ̃-n sɛ́wɔ mɛn nɛ, ǹ tɔ dɔ a re n kiɛ̃ walan doo wa, ǹ ba re we Izirayeli gána-n doo wa. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.

Ezekieli 22:28

Kiwi lɛ dɔ a Lawa a boo gii-dalin man pìi koe bɛa siin lɛn lɛ. Taásiɛ kokooron laanka soɛ boon manɛ, ǹ tá ǹ pii minin manɛ: «Dɛnaa Lawa gole n kɛ pii,» a da yaa masɛ Dɛnaa Lawa boo da wa.

Zakarii 13:3

Min woo min bɛ́ re yui mà asɛ n Lawa a boo gii diɛ, a din a yɛ ǹ di laanka a yɛ ǹ dan tá re yui a gialaa ǹ pɛ nɛ: «N doamaa-n ka gɛ̀ nɛ, a giala, n nə́ n soɛ bɔ ka Dɛnaa Lawa tɔ nɛ.» A toa a n soɛ boe ka masɛ tɔ nɛ, a din a yɛ ǹ di laanka a yɛ ǹ dan tá re dii a gã.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 18:20

Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»