Zeremii 27:5 - LAWA A BOO SONBORE

⁵ Ma din ni má tán zɛnaa, minbuiinin ni ka tɔɔn tumaa-n tán la. Man má ǹ zɛnaa ka ma pàã gole kɛ laanka maa boo sii la gole kɛ nɛ. Bɛ̀ min mɛn kɔɔ̃n kɔ ma ganaa, ma mànan mɛnɛn zɛnaa ma ǹ koe bɛa dɛnaa la.

LAWA A BOO SONBORE 2011

⁵ Ma din ni má tán zɛnaa, minbuiinin ni ka tɔɔn tumaa-n tán la. Man má ǹ zɛnaa ka ma pàã gole kɛ laanka maa boo sii la gole kɛ nɛ. Bɛ̀ min mɛn kɔɔ̃n kɔ ma ganaa, ma mànan mɛnɛn zɛnaa ma ǹ koe bɛa dɛnaa la.

Zeremii 27:5 ပူးပေါင်းရင်းမြစ်များ

Siin Giala 1:25

Lawa bɛa màn yiikoonaan lɛn tɔrɔ tumaa da miɛ̃. Lawa yɛ màn siĩn lɛa.

Siin Giala 9:6

Bɛ̀ min min nyin bɔ, min kɔsɔ á die bɛa dɛnaa dɔ nyin boe. A giala, Lawa na á minbuiin nɛ zɛnaa a din a kɔnboe lɛa.

Ɛsidrasi 1:2

mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

Nehemii 9:22

Ń gánan laanka tɔrɔn wɔ ǹ gɔn, ń bɛn bǎãn nana kɔn ǹ biin ni. Ɛsibɔn gána ke, kii Sihɔn a gána lɛa, ǹ nə́ bɛ si ǹ nə́ baa ǹ wɔ lɛa, ka Basan gána kɛ nɛ, Ɔgu a gána lɛa.

Loen 102:25

Bɛ lɛ nɛ, má tɔn pɛ: máa maa Lawa, n baran ma dɛ fufuu kɛnɛn wa. Dɛnaa Lawa, nsɛ nə n tan yǎa duduu.

Loen 96:5

Tɔrɔ kɔsɔn bɛ́ mànan mɛnɛn guguru koe, bɛn man màn kooron lɛa. Sɛnɛ, wɔsɛn Dɛnaa Lawa lɛ na á lon zɛnaa.

Bɔ bɛ̀rɛbaa nɛ 20:11

A giala, lɛawaa sɔrɔ gɔ́ɔ̃ nɛ, Dɛnaa lon laanka tán zɛnaa, ka yìsi mu ni, ka ǹ gɔ́ɔ̃gɔ́ɔ̃ ǹ mànan tumaa nɛ. Sɛnɛ, a na á n susu lɛawaa sɔbaabaa ǹ wɔ pinaa. Bɛ lɛ taman yii ni, Dɛnaa barka wɔ bɛa susu ǹ pii kɛ lɛ nɛ, á baa a din wɔ lɛa.

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Izayii 48:13

Ma din ni ma tán giala koa. Ma din ni ma lon lɛ bɔ. Bɛ̀ má ǹ bíi lɔn, maǹ die kun.

Izayii 51:13

N yiri bɔ ka Dɛnaa Lawa nɛ, a da yaa a din na á n da. A din ni á lon lɛ bɔ, á tán zɛnaa. Biikoo tumaa li, n gɔ̀nɔn nə bìn diɛ nyɛ́ɛ gɔn pàã-zɛnaali kɛa foo-yoo nyɛɛnɛ, ka n pɛ mà a n die n nyin boe. Sɛnɛ, bɛa pàã zɛnaali lɛ a foo-yoo á maa kəni?

Zeremii 27:4

N die n kɛ laa ǹ ganaa ǹ kiin wɔ lɛa mà Dɛnaa Lawa Pàãyiidɛnaa, Izirayeli a Lawa n kɛ pii:

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 51:15

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 17:24

Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa.

Nya ǹ dín 17:26

A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa.

Timəə dí-pɛn 2:19

«Ka wo dɔ Amɔn tɔrɔn kɛn bǎã yɔrɔ-a. Ka baran yoo ǹ gialaa, ka zia baa ǹ ganaa wa. Ma a re Amɔn tɔrɔn lɛn gána lɛ a màn kɔn koe ka la, kaa wɔ lɛa wa. A giala, ǹ dɔn man Lɔti tɔrɔn lɛa, má bǎã lɛ kɔ ǹ la ǹ wɔ lɛa.»

Timəə dí-pɛn 2:21

Pàã na á goã ǹ lon, ǹ nə́ gigiã, sɔsɔrɔ ka Anaaki tɔrɔn kɛn bɛ́ lɔn. Sɛnɛ, Dɛnaa Lawa nə́ ǹ dɛ, á ǹ bɔ Amɔn tɔrɔn lɛn nyɛɛnɛ. Bɛn nə́ ǹ bǎã si, ǹ nə́ giã a nɛ.

Timəə dí-pɛn 2:7

A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

Timəə dí-pɛn 2:9

Dɛnaa Lawa tɔ́n pɛ ma nɛ: «Ka baran yoo Moabu minin kɛn gialaa wa, ka baran zia baa ǹ ganaa wa. Ma a re màn kɔn koe ka la ǹ gána lɛ-n wa. A giala, man má Aara gána lɛ kɔ Lɔti tɔrɔn lɛn la ǹ wɔ lɛa.»

Timəə dí-pɛn 32:8

Lon a Lawa bɛ́ minbuiinin niniɛ kɔn, a bɛ́ bǎã tatalɛ koe tɔrɔn la, a n gèlè koɛ tɔrɔn bii, á n yiri koa Izirayeli minin dɔn li.

Timəə dí-pɛn 4:17

màn yiikoonaan mɛnɛn bɛ́ tán la, bàanan mɛnɛn bɛ́ piɛ̃ lon,

Timəə dí-pɛn 4:25

Bɛ̀ ká giã gána lɛ nɛ á belebɔ, yǎa ka nɛnyaanan laanka nɔ̀ɔnɔn yɛ, ka nyan màn nyín zɛnaa ka ka dinin ziziɛ̃-n wa, haalɛ ta màn mɛn din nyín ni. Sii mɛn bɛ́ baraa kaa Lawa, Dɛnaa Lawa yii li, ka nyan bɛ zɛnaa, ka a foo yoo-n wa.

Timəə dí-pɛn 4:32

Siin mɛnɛn nə n zɛnaa lɛlɛ, bɛ̀ ka bɛ́ ka tɔn yɛ bɔrɔ wa, Lawa bɛ́ minbuiin nɛ zɛnɛɛ tán la ǹ mɛn pinaa, ka n taasɛ ka bɛ nɛ. Ka nɔ̀n da kanaa paǹ tumaa nɛ, bɛ̀ bɛ miã sii gole kɛ bin tɔ́n nə n zɛnaa, bɛ̀ min bin nə́ ǹ miã ma.

Timəə dí-pɛn 4:35

Bɛ na á n nyaa ka nɛ, màn mɛn bɛ́ toɛ ka dɔ̃, mà Dɛnaa Lawa n Lawa lɛa, bɛ̀ á n bɔ a din ni, lawa kɔsɔ banban.

Timəə dí-pɛn 5:16

N díi laanka n náa guguru kɔ, ka masɛ Dɛnaa Lawa, kaa Lawa lɛ pɛ má laa ka ganaa lɔn, màn mɛn bɛ́ toɛ n nyin sasa yɛ, n yii-nyɛɛ dɔ yɛ gána kɛ nɛ, kaa Lawa, Dɛnaa Lawa n koe ka la.

Timəə dí-pɛn 9:29

A da yaa, tɔrɔn kɛn lɛn, n din a minin manɛ, ń sii kakan zɛnaa, ń nə́ ǹ waa ka pàã gole ne, ń soo ǹ ne.»

Kolɔɔsi minin 1:16

Lawa na á màn tumaa zɛnaa ka a din lɛ barka nɛ, lon mànan laanka tán wɔn nɛ, a yii a yɛ wolen laanka a yii a yɛbaã wolen dɔn dinin ni, ka lon màn pàãdɛnan bɛ́ lɔn ka ǹ goledɛnan nɛ. Lawa na á màn tumaa zɛnaa a din lɛ barka nɛ, a na á ǹ zɛnaa a din dɔ a lɛa.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.

Sii-nyaan 4:11

«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»