Zeremii 27:10 - LAWA A BOO SONBORE

¹⁰ Ǹ bɛ́ boo mɛn diɛ ka nɛ, soɛ nɛ. Bɛ̀ ka n too kɔ ǹ lon, ka wɔlɔ á re sɔsɔɔ koe kaa gána ganaa. Hiĩ, man die ka pɛsɛ̃ bǎã yii ni, ka gã walan.

LAWA A BOO SONBORE 2011

¹⁰ Ǹ bɛ́ boo mɛn diɛ ka nɛ, soɛ nɛ. Bɛ̀ ka n too kɔ ǹ lon, ka wɔlɔ á re sɔsɔɔ koe kaa gána ganaa. Hiĩ, man die ka pɛsɛ̃ bǎã yii ni, ka gã walan.

Zeremii 27:10 ပူးပေါင်းရင်းမြစ်များ

Bɔ bɛ̀rɛbaa nɛ 22:18

«Bɛ̀ min mɛn waa kun ka tɔɔ nɛ, ǹ bɛ dɛ a gã.

Zeremii 14:14

Dɛnaa Lawa ma lɛ si á pɛ: – Lawa a boo gii-dalin kɛn bɛ́ boo mɛn diɛ ka ma tɔ nɛ, soɛ nɛ. Ma ǹ dia wa. Ma boo goon din da ǹ nɛ wa. Ǹ sii yɛn lɛn man soɛ lɛa. Ǹ bɛ́ boo mɛn diɛ, boo kooron manɛ. Ǹ dinin taasiɛ boon manɛ.

Zeremii 23:16

Dɛnaa Lawa Pàãyiidɛnaa pɛ: Ka nyan nə n too kɔ Lawa a boo gii-dalin kɛn lon wa. Maǹ ka yiri siɛ̃. Ǹ bɛ́ boo mɛn diɛ, ǹ dinin taasiɛn manɛ. Masɛ a boon bie wa.

Zeremii 23:25

Lawa a boo gii-dalin bɛ́ soɛ boon mɛnɛn diɛ ka ma tɔ nɛ, ma á miɛ. Maǹ pii: «Má n narɛ, má n narɛ!»

Zeremii 27:14

Lawa a boo gii-dali tɛnɛn man pii ka nɛ: «Ka a re goɛ̃ Baabiloniin kii a pàã giulun wa.» Ǹ bɛ́ boo mɛn diɛ, soɛ nɛ. Ka nyan nə n too kɔ ǹ lon wa.

Zeremii 27:15

Masɛ bie má ǹ dia wa. Maǹ pii mà ǹsɛn man boo diɛ ka masɛ tɔ nɛ, sɛnɛ, soɛ nɛ. Bɛ̀ ka n too kɔ ǹ lon, ka ǹ die giɛ̃, man die ka lui ma ka bɔ kànaa, ka dinin ni ka kaa Lawa a boo gii-dalin kɛn nɛ bɛa boon lɛn pii ka nɛ. Dɛnaa Lawa a da ǹ boo ne.

Zeremii 27:16

Masɛ Zeremii, má boo da Lawa a wúlu-bɔlen manɛ ka minin kɛn tumaa nɛ ǹ nə́ goã ǹ tan. Má pɛ ǹ nɛ kɛnɛn: – Dɛnaa Lawa a da ǹ boo á ke: «Ka nyan nə n too kɔ Lawa a boo gii-dalin kɛn lon pii mà kànaa ka boɛɛn mà Lawa a kion a dí-nya ǹ mànan kɛn tá re wusii ǹ bɔ *Baabilonii gána nɛ ǹ daa. Maǹ soɛ boe.

Zeremii 28:11

Bɛ kio, á pɛ zaman tumaa yɔrɔ-a mà Dɛnaa Lawa n kɛ pii: «Kànaa ka lɛ̀ paa ka te, Baabiloniin kii Nebukadenezɔɔrɔ a pàã ke tɔrɔn tumaa wìi li ka zǔu bɛ́ lɔn, man die bɛ yiɛ kɛnɛn.» Bɛ kio, Lawa a boo gii-dali Zeremii kiɛ̃.

Zeremii 28:16

Bɛ lɛ nɛ, Dɛnaa Lawa á kɛ pii: «Man die n lui ma n bɔ tán la. N tá re giɛ̃ miɛ̃la a lɛ̀ kɛ lɛ nɛ, a giala, ń zaman lɛ da gòãn dii ganaa Dɛnaa Lawa-a.»

Zeremii 32:31

Taãn nɛ, a kũ Zeruzalɛmu a giala kɔ ganaa a da kaa pelo lɛ, bɛa kiwi kɛ ma foo yoo. Bɛ lɛ nɛ, ma ba li ma yɛ ma yɔrɔ-a doo wa.

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.