Zeremii 26:5 - LAWA A BOO SONBORE

⁵ Ka n too kɔ maa dí-nyali, Lawa a boo gii-dalin kɛn lon. Má goã má ǹ dia ka la gunyin damata sɛnɛ, ka n too kɔ ǹ lon wa.

LAWA A BOO SONBORE 2011

⁵ Ka n too kɔ maa dí-nyali, Lawa a boo gii-dalin kɛn lon. Má goã má ǹ dia ka la gunyin damata sɛnɛ, ka n too kɔ ǹ lon wa.

Zeremii 26:5 ပူးပေါင်းရင်းမြစ်များ

Kiin2 17:13

Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

Kiin2 17:23

yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Kiin2 24:2

Dɛnaa Lawa tɔ́n Kalde minin dia Zoakiimu gialaa, basaã-kɔlen lɛa, ka Siirii minin wɔn nɛ, ka Moabu minin laanka Amɔn tɔrɔn wɔn nɛ, mà ǹ wo Zudaa gána gialaa. A na á ǹ dia woe Zudaa gána lɛ gialaa, màn mɛn bɛ́ toɛ, ǹ na a bɔ̀n baa a kɔnpɛ ka boo kɛ nɛ, Dɛnaa Lawa goã a ná a dí-nyalin, a boo gii-dalin kɛn kaa a pɛ ganaa.

Kiin2 9:7

N dɛnaagiĩ Akaabu lɛ, n die n bɛa kion minin dɛ. Masɛ a dí-nyalin kɛn maa boo gii diɛ, Zezabɛli bɛn mà mɛn kaa tán, ma á die bɛa dòo boe. A maa dí-nyali gialakunun mɛnɛn dɔn mà kaa tán, ma á die bɛ dɔ dòo boe.

Ɛsidrasi 9:11

A giala, n dí-nyalin kɛn, n boo gii diɛ, bɛn nə n gɔn waa ǹ boon mɛnɛn pɛ wɔ nɛ, wɔ́ n piã ka bɛn nɛ. N nə n goã pii wɔ-n kɛnɛn: «Gána ke, ka n die we a nɛ, ka n die biɛ kaa wɔ lɛa, a minin sii baraan man ná a gɔgɔrɛ kɔ, ǹ nə́ sii bɔbɔnɛɛn zɛnaa ǹ gɔgɔrɛbaa lɛ gɔ́ɔ̃ nɛ, ǹ ná a gɔ́ɔ̃ yii pã nɛ.

Zeremii 11:7

Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.

Zeremii 29:19

Man bɛ zɛnɛɛ a giala, ǹ nə n too kɔ maa boon ganaa wa. Masɛ Dɛnaa Lawa a da ǹ boo ne. A da yaa, má maa dí-nyalin, maa boo gii-dalin dia ǹ la gunyin damata, sɛnɛ ǹ nə n too kɔ ǹ lon wa. Masɛ Dɛnaa Lawa a da ǹ boo ne.»

Zeremii 32:33

Màn mɛn tá-a ǹ nə n bɔyaa ǹ da masɛ li, maǹ nə́ n dɔ̀ɔ̃ wɔ ma nɛ. A da yaa, biikoo tumaa li, má ǹ daraa, sɛnɛ, ǹ nə n too kɔ ma lon wa, ǹ lɛ kɔ maa daraan ganaa wa.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Zeremii 7:13

Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Zeremii 7:25

A kũ ka digolon soo Eziptin pinaa ganaa a da pelo yaa, baraabaraa, ma maa dí-nyalin, maa boo gii-dalin dia ka la dí lɛa.

Ezekieli 38:17

Masɛ Dɛnaa Lawa n kɛ pii: «Man má n din lɛ boo da maa dí-nyali Izirayeli a Lawa a boo gii-dalin kɛn manɛ haalɛ bibi. A kũ bɛa biikoo lɛ ganaa, bɛn nə́ n boo da lɛ̀ damata gɔ́ɔ̃ nɛ. Man die n din lɛ diɛ, n wo maa minin lɛn gialaa.

Amɔɔsi 3:7

A din goon ne: A dí-nyalin kɛn a boo gii diɛ, Dɛnaa Lawa a sii kɔn zɛnɛɛ, bɛ̀ a ná a n gɔ́ɔ̃ pii bɛn ma-n wa.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Sii-nyaan 10:7

Sɛnɛ, bɛ̀ lon a dia dí-a wole sɔbaabaa ǹ wɔ ná a bɛn kɛ pɛ pin mɛn-a, ka bɛ nɛ, Lawa bɛ́ a ná a sii-duriin yɔrɔ bɔ, á kɔ a boo gii-dalin la, mà ǹ pɛ lɔn, bɛa biikoo lɛ na á dɔ.»

Sii-nyaan 11:18

Tɔrɔn foo yoo, sɛnɛ, n din a foo-yoo na á daa. Sisia, n geren kiri-wɔ biikoo na á dɔ, n dí-nyalin saraa biikoo dɔ na á dɔ, ǹ mɛnɛn bɛ́ n boo gii-dalin lɛa ka ǹ mɛnɛn tumaa bɛ́ n din wɔn lɛa, ǹ nə́ nyɛ́ɛ biɛ n nɛ, ta a boɛɛn nɛ, ta a gole ne. Min mɛnɛn dɔn bɛ́ ǹ nə́ goã tán-ziziɛ̃lin lɛa, ǹ dɔn ziziɛ̃ biikoo na á dɔ!»