Zeremii 25:5 - LAWA A BOO SONBORE

⁵ Maǹ nə́ pɛ ka nɛ: «Didie doamaa nɛ a na a giã ǹ gɔn baraa laanka a sii baraan kaa. Ka bɛ nɛ, ka á re boe la ka giã gána kɛ nɛ má kɔ ka laanka ka digolon la, duduu, yǎa duduu.

LAWA A BOO SONBORE 2011

⁵ Maǹ nə́ pɛ ka nɛ: «Didie doamaa nɛ a na a giã ǹ gɔn baraa laanka a sii baraan kaa. Ka bɛ nɛ, ka á re boe la ka giã gána kɛ nɛ má kɔ ka laanka ka digolon la, duduu, yǎa duduu.

Zeremii 25:5 ပူးပေါင်းရင်းမြစ်များ

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Loen 139:24

N din ga a ganaa bɛ̀ má zii baraa saa. N din ma da n zii kɛ la yǎa duduu.

Loen 37:27

N bɔ sii baraa wɔlɔ li, n sii bǐɛ̃ zɛnaa. N tá re giã ǹ bǎã yii gána lɛ nɛ biikoo tumaa li.

Izayii 1:16

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Zeremii 17:25

Ka bɛ nɛ, kiin laanka ǹ gána mìilandɛnan mɛnɛn bɛ́ giã-n Davida a kii dankan la, ǹ nə́ dii sùi hinlaa ziabaa ǹ wotoro la, bɛn tá re boe ka bɛa kiɛnlɛn lɛn nɛ duduu. Ǹ gána nyɛɛnaandɛnan nɛ, Zudaa minin ni, ka Zeruzalɛmu minin ni, bɛn man die boe ka walan nɛ. Minin man die goɛ̃ bɛa kiwi lɛ nɛ yǎa duduu.

Zeremii 18:11

Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 4:1

Izirayeli, bɛ̀ n wusoo ń daa, n doamaa nɛ n wusoo n da masɛ li. N màn nyín bɔbɔnɛɛn kɛn, bɛn bɔ n nə ǹ bɔ n yɔrɔ-a, n ba re n bibiĩ n mìi gialaa doo wa.

Zeremii 7:7

Ka bɛ nɛ, ka á re giɛ̃ gána kɛ nɛ ma kɔ ka digolon la duduu, duduu wɔ lɛa.

Ezekieli 18:30

Bɛ lɛ na á toa, Izirayeli tɔrɔn lɛn, ma á re kiri kuri didie la a kɔnpɛ ka a nya ǹ dín ni. Ma din Dɛnaa Lawa a da ǹ boo ne. Ka kaa giã ǹ gɔn bɔyaa, ka kaa zɛnaa ǹ sii baraan kɛn kaa, bɛ n die toɛ, ka nyan mɛnaa sii baraa n doo wa.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.