Zeremii 25:38 - LAWA A BOO SONBORE

³⁸ Lawa n soe n boe a bǎã nɛ ka yàra bɛ́ soe n boe daã-n lɔn. Zia baraa kɛ taman yii ka Dɛnaa Lawa a foo-yoo gole kɛ nɛ, gána lɛ diə gole baa.

LAWA A BOO SONBORE 2011

³⁸ Lawa n soe n boe a bǎã nɛ ka yàra bɛ́ soe n boe daã-n lɔn. Zia baraa kɛ taman yii ka Dɛnaa Lawa a foo-yoo gole kɛ nɛ, gána lɛ diə gole baa.

Zeremii 25:38 ပူးပေါင်းရင်းမြစ်များ

Loen 76:2

Lawa nə́ n din nyaa Zudaa gána nɛ, ǹ nə́ dɔ̃. A tɔ á gole Izirayeli gána nɛ.

Zeremii 12:10

Tɔɔ-lɛduə̃li gigiã maa rezɛ̃ wuru ziziɛ̃. Ǹ nə́ maa wuru tɔtɔrɔ. Maa bǎã kɔɔ̃n ke, ǹ nə́ bɛ bɔyaa ǹ nə́ baa diə gole lɛa.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Zeremii 25:11

Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 25:30

Dɛnaa Lawa pɛ ma-n doo: Maa boo kɛ da ǹ nɛ, n pɛ kɛnɛn: Dɛnaa Lawa nə n toɛ lon wɔɔsaa we. A kion mɛn bɔ á koa a wɔ lɛa, a nə n toɛ walan n lɛn siɛ lon. A din a bǎã ke, a n paraa we bɛ li. A n paraa we gána lɛ a min tumaa li, ka rezɛ̃ tɔrɛɛ wolen bɛ́ n lɛ dii lɔn.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 50:16

Min mɛn tumaa bɛ́ màn diɛ, ka min mɛn tumaa bɛ́ màn kuri kaa piɛ waáraa, ka ǹ tumaa dɛ. Didie baa si zia baraa kɛ nyɛɛnɛ, a wo piɛ, a wo a gána nɛ.

Zeremii 50:44

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎã nɛ. Man die min tumaa goɛ bǎã goon ne ma wo ǹ ne. Bɛ kio, ma á re giĩ goon boe ma koa Baabilonii gána mìi la. Die n ka ma bɛ́ lɔn? Die n boe la a maa sii zɛnaa a nɔ̀n da ma la? Kiã mɛn nə boe la a n gòãn dii ma ganaa?

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Amɔɔsi 8:8

Bɛ lɛ n ke, tán tá re bìn diɛ. Gána lɛ a minin tumaa á re gɛ̀ wuu pii. Tán tumaa á re yui lon bɛ̀ a gisĩ, ka Niili tà kɛa mu bɛ́ lɔn, bɛ̀ a pã a toɛ̃. Tán tá re wusii a da a bǎã nɛ ka bɛa tà kɛ lɛ a mu bɛ́ lɔn.

Zakarii 2:3

Bɛ kio, Dɛnaa Lawa fuũ màn sii nyaa ma nɛ.