Zeremii 25:27 - LAWA A BOO SONBORE

²⁷ Dɛnaa Lawa mà ma pɛ ǹ nɛ: «Dɛnaa Lawa Pàãyiidɛnaa Izirayeli a Lawa a da ǹ boo á ke: Ka mi, a ka yii kũ, ka pisəə! Ma bɛ́ re sii mɛn tumaa zɛnɛɛ ka bii, bɛ̀ ká bɛ yɛ, ka á re mɛnɛɛ ka goã tán goon lɛa.»

LAWA A BOO SONBORE 2011

²⁷ Dɛnaa Lawa mà ma pɛ ǹ nɛ: «Dɛnaa Lawa Pàãyiidɛnaa Izirayeli a Lawa a da ǹ boo á ke: Ka mi, a ka yii kũ, ka pisəə! Ma bɛ́ re sii mɛn tumaa zɛnɛɛ ka bii, bɛ̀ ká bɛ yɛ, ka á re mɛnɛɛ ka goã tán goon lɛa.»

Zeremii 25:27 ပူးပေါင်းရင်းမြစ်များ

Izayii 51:21

Bɛ lɛ nɛ, nsɛ koe-yɛli, n too kɔ sɔnbɔraa nɛ. Ma n ka min mɛn bɛ́ duvɛ̃ ná a yii kũ, a da yaa n duvɛ̃ dɔ mi wa.

Izayii 63:6

Maa foo-yoo lɛ gɔ́ɔ̃ nɛ, má tɔrɔn yɔyɔrɛ ma gòã li. Má ǹ kã ka maa foo-yoo kɛ nɛ, má ǹ mà kaa tán furu-n.

Zeremii 12:12

Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

Zeremii 13:13

n pɛ ǹ nɛ kɛnɛn: – Dɛnaa Lawa a da ǹ boo á ke: «Maa foo-yoo kɛ n die gána kɛa min tumaa yii kuĩ ka yɔ bɛ min yii kuĩ lɔn, ǹ kiin mɛnɛn bɛ́ giã-n Davida a kii dankan la, ǹ Lawa a wúlu-bɔlen ne, ǹ Lawa a boo gii-dalin ni, ka Zeruzalɛmu min tumaa nɛ.

Zeremii 22:10

Zudaa minin lɛn, min mɛn bɛ́ á gã, ka nyan wuu pɛ bɛ la wa. Ka nyan wuu pɛ kii Zoziasi la wa. Sɛnɛ, min mɛn bɛ́ woe a ná a die doo wa, ka wuu pɛ bɛa dɛnaa la. A giala, a yɛ gána mɛn nɛ, a yii á re miɛ̃ bɛ ganaa doo wa.

Zeremii 25:16

Ǹ tá re mii, ǹ bɔ ǹ mɛnaa. Ma bɛ́ re basaã mɛn koe ǹ bii, bɛ̀ ǹ yii bɛ yɛ, gàãn tá re yui ǹ li.»

Zeremii 46:10

Sɛnɛ, bɛa lɛawaa lɛ n dɔlɔ lɛawaa lɛa Dɛnaa Lawa Pàãyiidɛnaa din yii li. A n die a gɛ̀ dòo boe a zɔ́ɔn ganaa. Gɔya sa n gɛ̀ dii, yǎa a kã kiɛ̃ ka mà nɛ. Bɛ n *wúlu màn lɛa Dɛnaa Lawa Pàãyiidɛnaa wɔ lɛa, gɔsɛ a lɛ̀gɔn la ǹ gána nɛ, Efrati tà lɛ-a.

Zeremii 46:14

Ka boo kɛ da Ezipti gána nɛ, ka a boo da Migdɔli kiwi, Mɛmifisi ka Tapanɛsi kiwin ni, ka pɛ ǹ nɛ: «Ka yoo! Ka n yɔrɔ bɔ! Zia ka miãkɛnɛn bɔ̀nbaa!»

Zeremii 50:35

Dɛnaa Lawa a da ǹ boo á ke: Ka zia baa Baabilonii minin ganaa, Baabilonii a zaman nɛ, a kiãn nɛ ka a sii-dɔ̃len ne!

Zeremii 51:39

Ǹ la n kakaɛ̃, sɛnɛ bɛa biikoo li, ma màn-bii zɛnaa ǹ wɔ lɛa. Man die mi ǹ màn koe ǹ la ǹ mi a ǹ yii kũ. Ǹ tá re nyuù we, ǹ yii ná a kiɛ doo duduu wa. Ma din Dɛnaa Lawa a da ǹ boo ne.

Zeremii 51:57

«Baabilonii gána a dí-nyali dadaran kɛn nɛ, a sii-dɔ̃len ne, a gánadɛnan nɛ, bɛn kiodɛnan nɛ, ká a zia-baali zanbian nɛ, ma á re mi ǹ màn koe ǹ la a ǹ yii kũ. Ǹ tá re nyuù we, ǹ yii ná a kiɛ doo duduu wa.» Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo ne.

Busii pɛ 4:21

Ka á boe la ka n nyɛnyaa ka bɛ̀ baa, Edɔmu a zaman, nsɛ mɛn bɛ́ giã nɛ Usu gána nɛ. Sɛnɛ n dɔ á re Dɛnaa Lawa a foo yoo ǹ paan mu kɛ mii, a n yii kũ, n nə n tontoro da.

Amɔɔsi 8:14

Min mɛnɛn bɛ́ n liɛ ka Samarii kiwi a dì kɛ tɔ nɛ, ǹ mɛnɛn bɛ́ pii mà Dan tɔrɔn dì kɛ yii die a goã koo, ǹ mɛnɛn bɛ́ mà Bɛɛr-Sebaa a wùlu-bɔ kɛ a sii die a goã a gòãn la miɛ̃, bɛn tá re boe ǹ kaa, ǹ nə́ ǹ ba re boe la ǹ yoo doo duduu wa.

Nahumu 3:11

Á dɔ n dɔ ganaa kanna Ninivu, fuu á re liɛ n yii ni. Bɛ̀ á dɔ n dɔ ganaa, n tá re giɛ duru ǹ bǎã li, n zɔ́ɔn nyɛɛnɛ.

Abakuku 2:16

Sɛnɛ, kaa wɔ ǹ die goɛ̃ ka sìi ni, gugurubaa ná a bie wa. A mii dɔ ka dɔn ganaa kanna. Ka dɔn tontoro á re goɛ̃, ǹ kaa soromabaa nyaa. Dɛnaa Lawa n die a foo-yoo baraa kɛ kiɛ ka la taãn-taãnɛ. Kaa gugurubaa kɛ á re n bɔyɛɛ a sìi baa.

Timəə dí-pɛn 32:42

Bɛ̀ maa gɔya sa kɛ tá ǹ siĩ gialaa ǹ mɛn waáraa, ma á re maa kiɛn kɛn goe ka mà nɛ ǹ mi, ǹ yii tii. Ma á re maa zɔ́ɔn lɛn goledɛnan mìi wɔsɛ kɔn. Gɔn nə min mɛnɛn kũ, ka kòso nɛn nɛ, ma á re bɛn mà kiɛ.»

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.