Zeremii 25:18 - LAWA A BOO SONBORE

¹⁸ A na á n giala kɔ Zeruzalɛmu ganaa, ka Zudaa kiwi kɔsɔn nɛ, ǹ kiin laanka ǹ nyɛɛnaandɛnan nɛ. Bɛa kiwin lɛn nə́ kɛbɔlɔn baa, bǎã bɔbɔnɛɛn lɛa. Kɛ doamaa nɛ a ǹ kaa nyɛ́ɛbaa ǹ lɛ-dɛ gole ganaa, a sii a kɔnboe baa lɛ ǹ baraa bíi a paǹ li. Bɛ lɛ n ke n zɛnɛɛ pelo.

LAWA A BOO SONBORE 2011

¹⁸ A na á n giala kɔ Zeruzalɛmu ganaa, ka Zudaa kiwi kɔsɔn nɛ, ǹ kiin laanka ǹ nyɛɛnaandɛnan nɛ. Bɛa kiwin lɛn nə́ kɛbɔlɔn baa, bǎã bɔbɔnɛɛn lɛa. Kɛ doamaa nɛ a ǹ kaa nyɛ́ɛbaa ǹ lɛ-dɛ gole ganaa, a sii a kɔnboe baa lɛ ǹ baraa bíi a paǹ li. Bɛ lɛ n ke n zɛnɛɛ pelo.

Zeremii 25:18 ပူးပေါင်းရင်းမြစ်များ

Kiin1 8:24

Má di Davida lɛ, n dí-nyali lɛa, n lɛ-kɔn mɛnɛn wɔ bɛ nɛ, ń nə́ ǹ lɛ pã. N goã n màn mɛn pɛ ka n lɛ nɛ, ń bɛ lɛ pã ka n pàã nɛ ka yii bɛ́ a ganaa lɔn pelo.

Kiin2 22:19

a giala, boon lɛn nə́ dí nya n foo ne. Ma bɛ́ má màn mɛn pɛ bǎã kɛ lɛ laanka a minin wɔ paǹ li máa bɔ̀n tá re bǎã lɛ yii, koe dɔ bɔ bɔ-a, n bɛ́ ń bɛa boo lɛ ma, man nə́ n din gisĩ masɛ Dɛnaa Lawa yɔrɔ-a, n nə́ n mɔnaan tɔtoɛ̃, ń wuu pɛ ma yɔrɔ-a, ma dɔ tɔ́n nə n nyankɔ lɛ ma. Dɛnaa Lawa a da ǹ boo ne.

KZS2 29:8

Bɛ lɛn nɛ Dɛnaa foo yoo Zeruzalɛmu kiwi li ka Zudaa gána tumaa nɛ. Á ǹ baa nyɛ́ɛ da ǹ sii a kɔnboe lɛa, foo saa ǹ màn lɛa, foo ziziɛ̃ ǹ màn lɛa ká yii bɛ́ a ganaa lɔn pelo.

Ɛsidrasi 9:7

A kũ wɔ digolon biikoo kɛ ganaa, zɛ̀rɛ gole n wɔ ganaa, yǎa á daa pelo kɛ yaa. Wɔa sii baraan taman yii, wɔsɛn nɛ, wɔa kiin ni, ka wɔa Lawa a wúlu-bɔlen ne, kanaa a kiin nə́ pàã nyaa wɔ nɛ, ǹ nə́ zia da wɔ-a, ǹ nə́ wɔ baa bɛ̀rɛn lɛa, ǹ nə́ wɔa mànan kokoo, ǹ nə́ sìi da wɔ-a, sìi mɛn lɛ á ke tɔn wɔ gialaa pelo.

Nehemii 9:36

Pelo wɔ́ á ke bɛ̀rɛn lɛa! N gána mɛn kɔ wɔ digolon la, màn mɛn bɛ́ toɛ ǹ na a da nɛn laanka a gɔn mànan bii, wɔ́ á ke bɛ̀rɛn lɛa bɛ nɛ.

Loen 60:3

Lawa, ń wɔ daa, ń wɔ nana kɔn. N laanka n foo-yoo lɛ tumaa nɛ, wusoo n nə n yɔrɔ da wɔ la.

Izayii 40:23

A n kanaa nyɛɛnaandɛnan ziziɛ̃. Min mɛnɛn bɛ́ kanaa mìilandɛnan lɛa, a n bɛn biɛ màn kooro lɛa.

Izayii 65:15

Ma min mɛnɛn bɔ má ǹ koa, ka tɔ n die goɛ̃ lɛn baraa bíi ǹ màn lɛa bɛn gɔn: «Dɛnaa Lawa toa n gã ka min kɛ bɛ́ lɔn!» Sɛnɛ, min mɛnɛn bɛ́ dí nyɛɛ ma nɛ, tɔ kɔsɔ n die n koe bɛn ganaa.

Zeremii 1:10

A dɔ̃ mà pelo, mà man pàã koe n la, tɔrɔn laanka gánan mìi la: N tá re màn woɛ̃, n màn dɛ n kaa. N tá re ziziɛ̃, n wuru. N tá re doe, n zumu.

Zeremii 13:3

Dɛnaa Lawa wusoo á boo da ma-n doo á pɛ:

Zeremii 13:9

«Masɛ Dɛnaa Lawa a da ǹ boo á ke: A din yɔrɔ goon la, man die Zudaa a din koa kɛ ziziɛ̃, kɔnlɛ ka Zeruzalɛmu dɔ a din koa gole kɛ nɛ.

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 25:11

Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 26:6

Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Ezekieli 30:7

Ezipti á re diə gole biɛ, a la diə gole tumaa nɛ. A kiwin tá re kɛbɔlɔ dinsɔsɔɔ̃ biɛ.

Amɔɔsi 2:5

Ma á re tɛ diɛ Zudaa gána kɛ ganaa, tɛ á re Zeruzalɛmu a duru ǹ bǎã kakan kɛn kuĩ.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Misee 6:16

Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.

Zozoe 6:18

Sɛnɛ, kasɛn kɛn nə n dinin kũ. Ka doamaa bɛ́ nɛ ka mànan mɛnɛn ziziɛ̃ lenlen, ka nyan toa ka yii bɔ bɛ kɔn li ka saa wa. Bɛ̀ ká bɛ mɛn saa, ka n ka koe bɔ Izirayeli zaman ganaa, ka sii dɛ ka kaa ǹ ganaa.

Piɛrɛ1 4:17

Sonbore, kiri lɛ a wɔ giala-kɔ biikoo dɔ, a n die n giala koe Lawa a zaman lɛ din ganaa. Haya, bɛ̀ á re n giala koe wɔ dinin ganaa, minin mɛnɛn bɛ́ n piɛ̃ ka Lawa a Boo Tii Kɔɔ̃n lɛ nɛ, ǹ nə́ ǹ ba golee li wa, bɛn wɔa giala-nyɔmiɛ á die baraa koe!