Zeremii 25:15 - LAWA A BOO SONBORE

¹⁵ Dɛnaa Lawa, Izirayeli a Lawa boo mɛn da ma nɛ, á ke: «Paan kɛ si ma gɔn, piɛ̃-n ka maa foo-yoo ne. Ma bɛ n diɛ tɔrɔn mɛnɛn tumaa li, n kɔ ǹ la ǹ mi.

LAWA A BOO SONBORE 2011

¹⁵ Dɛnaa Lawa, Izirayeli a Lawa boo mɛn da ma nɛ, á ke: «Paan kɛ si ma gɔn, piɛ̃-n ka maa foo-yoo ne. Ma bɛ n diɛ tɔrɔn mɛnɛn tumaa li, n kɔ ǹ la ǹ mi.

Zeremii 25:15 ပူးပေါင်းရင်းမြစ်များ

Zɔbu 21:20

A din nə siĩni a na a nɔmaa lɛ yɛ ka a din yii ni, a dɔ din Pàãyiidɛnaa a foo-yoo kɛ lɛ a sii nɛ̀n da.

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Loen 60:3

Lawa, ń wɔ daa, ń wɔ nana kɔn. N laanka n foo-yoo lɛ tumaa nɛ, wusoo n nə n yɔrɔ da wɔ la.

Loen 75:8

Lawa n kiri kuri. A din nə min goon gisĩ, a min goon saa lon.

Loen 75:9

Dɛnaa Lawa n paan goon guĩ a gɔn, a n yɔ kaka kakaarɛ kɔn kiɛ a nɛ, bɛ n ka a din a foo-yoo kɛ nɛ. A n bɛ kiɛ kanaa a min baraan tumaa lon, ǹ doamaa nɛ ǹ mi dɔn, yǎa a doe a bù ganaa.

Izayii 14:26

Kɛ n gɔn waa ǹ boo lɛa kanaa tumaa wɔ lɛa, a gɔn munii n lon, tɔrɔn tumaa wɔ lɛa.

Izayii 34:2

Dɛnaa Lawa foo n yoo-n tɔrɔn tumaa li. A foo n yoo ne ǹ zia kurun tumaa li. A n li a ǹ tumaa bɔ̀n baa ka lenlen. A n woe ǹ ne bɔlɔ kuru ǹ bǎã nɛ.

Izayii 51:17

Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

Izayii 51:22

N Lawa, n Dɛnaa Lawa n kɛ pii asɛ mɛn bɛ́ a zaman a zia gii diɛ: Hiĩ, maa foo-yoo ǹ paan ke n ná a mu mi, á n yii tii, ma á re bɛ sii ma bɔ n gɔn. N ba re a mu mii doo duduu wa!

Izayii 51:23

Min mɛnɛn bɛ́ boe n yii ni, man die paan lɛ we bɛn gɔn. Maǹ nə́ goã pii n ganaa kɛnɛn: «Waa tán, wɔ tɔ wɔ n la!» N dɔ̀ɔ̃ na á goã kiɛ̃ ǹ bǎã lɛa, zii lɛa ǹ nə́ tɔ we la.

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Zeremii 36:2

«Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

Zeremii 43:11

Bɛ̀ á daa, á re yui Ezipti gána gialaa. Min mɛnɛn doamaa bɛ́ nɛ ǹ gã, bɛn tá re giɛ̃, ǹ mɛnɛn doamaa bɛ́ ka goa nɛ, ǹ tá bɛn goɛ, ǹ mɛnɛn doamaa bɛ́ ka gɔya sa gɛ̀ nɛ, gɔya sa á re bɛn dii.

Zeremii 45:5

Sɛnɛ nsɛ n nɔ̀n diɛ sii dadaran li n din wɔ lɛa! N nyan màn kɔn nyankɔ wa. Á ke, man koe boe màn yiikoonaa tumaa ganaa, Dɛnaa Lawa a da ǹ boo ne. Sɛnɛ nsɛ, n bɛ́ re màn mɛn yii, bɛ á ke: N bɛ́ re woe bǎã woo bǎã nɛ, n yii á re goɛ̃ koo.

Zeremii 46:1

Dɛnaa Lawa boo mɛn da Zeremii ni tɔrɔ kɔsɔn wɔ paǹ li, á ke.

Zeremii 48:26

Moabu na á taasɛ, mà asɛ a golebaa la Dɛnaa Lawa nɛ. Ka duvɛ̃ kɔ la a mi, yǎa a pisii. Bɛa biikoo li kəni, min tumaa á re yaa we a ganaa.

Zeremii 49:12

Dɛnaa Lawa n kɛ pii: «Ka n too kɔ: Min mɛnɛn doamaa bɛ́ ǹ bie ǹ maa foo-yoo ǹ paan lɛ a mu mi wa, n dɔn nə́ mi. Edɔmu, nsɛ n die goɛ̃ dɔlɔ baã? Haayii! Kɛa foo-yoo ǹ paan lɛ, n tá re a mu mii, sàabaa ba la wa.

Zeremii 51:7

Baabilonii na á goã ka mu mi ǹ kaaran bɛ́ lɔn, sana lɛa Dɛnaa Lawa gɔn. A n gàãn yui kanaa a tɔrɔn tumaa li. Kanaa a tɔrɔn man nə́ goã a duvɛ̃ mii, yǎa a ǹ yii kuĩ.

Ezekieli 23:32

Masɛ Dɛnaa Lawa n kɛ pii: «N dɔɔ̃nlɔ lɛ a dɔlɔ lɛ, a din lɛ n die n boe n dɔ ganaa, dɔlɔ gole ne, dɔlɔ kaka nɛ. A din lɛ n die toɛ, minin nə yaa wɔ n ganaa, minin nə n da yaa lɛa, dɔlɔ lɛ a golebaa taman yii.

Ezekieli 23:33

Là-paparɛɛ laanka foo-ziziɛ̃ á re n gɔ̀nɔn boe. Dɔlɔ mɛn nə n da n dɔɔ̃nlɔ Samarii mìi ni, a din lɛ tɔrɔ nɛ, dɔlɔ mɛn bɛ́ nyɛ́ɛ diɛ, nɔmaa ná a nɛ, bɛ nɛ.

Ezekieli 29:12

Ma á re Ezipti gána kɛ gɔ́ɔ̃ kooro diɛ, a la diə golen kɛn tumaa nɛ. Masɛ á re a kiwin kɛn biɛ kɛbɔlɔ lɛa, a la kiwi kɔsɔn kɛn manɛ. A n die goɛ̃ miɛ̃, yǎa lɛ̀ pusi. Masɛ á re Ezipti minin kɛn sasawɛɛ ma ǹ kaa tɔrɔ kɔsɔn bii, masɛ á re ǹ pɛsɛ̃, ma ǹ kaa gána kɔsɔn nɛ.»

Ezekieli 36:5

Bɛ lɛ na á toa, masɛ Dɛnaa Lawa á kɛ pii: Bɛ̀ ma foo kɛ yoo, a n ka tɛ bɛ́ lɔn. Man ma foo pii tɔrɔ kɔsɔn kɛn tumaa nɛ, sanparɛ Edɔmu minin kɛn dinin. A giala, ǹ nə́ maa gána lɛ baa ǹ dinin wɔ lɛa. Ǹ foo yii na á goã kɔɔ̃nɛ, busii nə́ ǹ gɔ́ɔ̃ nɛ, maa gána lɛ wɔ paǹ li. Maǹ nə́ goã giɛ li, ǹ na a mànan goa, ǹ na a gɔ́ɔ̃ kooro toa.

Abdiasi 1:16

Kasɛn Izirayeli minin kɛn, ká ma gɔn lɛ yɛ maa kele sonbore kɛ la. Man die boe tɔrɔ kɔsɔn lɛn dɔn yii-n miɛ̃ duduu. Ma gɔn tá re miɛ̃ ǹ ganaa, á re doe ǹ yii li. Min din ba re doɛ̃, mà ǹ nə́ goã ǹ tan wa.

Abakuku 2:16

Sɛnɛ, kaa wɔ ǹ die goɛ̃ ka sìi ni, gugurubaa ná a bie wa. A mii dɔ ka dɔn ganaa kanna. Ka dɔn tontoro á re goɛ̃, ǹ kaa soromabaa nyaa. Dɛnaa Lawa n die a foo-yoo baraa kɛ kiɛ ka la taãn-taãnɛ. Kaa gugurubaa kɛ á re n bɔyɛɛ a sìi baa.

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.

Sii-nyaan 14:19

Lon a dia dí-a wole lɛ ná a sɛ̌n gɔya lɛ saa, á lɔɔraa tán ganaa, á rezɛ̃ a nɛ kɔ ǹ gɔnɔn lɛn tumaa kuru, á kaa rezɛ̃ mu bɔ ǹ yala gole kɛ nɛ, bɛ n Lawa a dɔlɔ bɔ ǹ bǎã kɛ giala pii.