Zeremii 25:14 - LAWA A BOO SONBORE

¹⁴ Baabilonii minin sɛn tá re goɛ̃ gána pàãdɛnan giulun, ka kii dadaran nɛ. Ǹ sii mɛn tumaa zɛnaa, ka ǹ sii baraan nɛ, ǹ tá re bɛ tumaa sarɛɛ.»

LAWA A BOO SONBORE 2011

¹⁴ Baabilonii minin sɛn tá re goɛ̃ gána pàãdɛnan giulun, ka kii dadaran nɛ. Ǹ sii mɛn tumaa zɛnaa, ka ǹ sii baraan nɛ, ǹ tá re bɛ tumaa sarɛɛ.»

Zeremii 25:14 ပူးပေါင်းရင်းမြစ်များ

Loen 137:8

Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

Izayii 13:4

Ka n too kɔ màn wuu kɛ li boe kelen la: A n ka zaman gole gòã wuu ni. Ka n too kɔ tɔrɔn kɛn lɛ dɛ li, tɔrɔn sɔkɔn ke. Sɔraasin mɛnɛn bɛ́ re woe zia biɛ, Dɛnaa Lawa Pàãyiidɛnaa n giɛ bɛn ganaa.

Izayii 14:2

Tɔrɔ kɔsɔn tá re Izirayeli minin kuĩ ǹ wo ǹ koa ǹ gána nɛ. Dɛnaa Lawa a tán la walan, Izirayeli minin lɛn tá re n bɔyɛɛ ǹ bɛa minin lɛn baa bɛ̀rɛn lɛa, giĩn laanka lɔn nɛ. Min mɛnɛn nə ǹ baa bɛ̀rɛn lɛa lɛlɛ, ǹ dɔn tá re bɛn biɛ bɛ̀rɛn lɛa. Min mɛnɛn nə nɔmaa da ǹ mii-n lɛlɛ, ǹ dɔn tá re bɛn kiãn biɛ sisia.

Izayii 66:6

Ka n too kɔ bìn diɛ kɛ li boe kiwi, bìn diɛ ke boe Lawa a kion, Dɛnaa Lawa lɛn nɛ: A zɔ́ɔn nə kɔnbɔ ka màn mɛn nɛ, a n bɛ lɛ koe ǹ la.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Zeremii 50:41

Á ke, Tɔrɔ goon nə boe gɔsɛ a lɛ̀gɔn li die. Zaman gole nə n toɛ kanaa lɛ dan ganaa die.

Zeremii 50:9

Taãn nɛ, man die bìn diɛ gána dadara gigiã ganaa, ma ǹ dia ǹ wo Baabilonii kũ. Bɛa tɔrɔn lɛn man die boe gɔsɛ a lɛ̀gɔn la. Maǹ nə n tele kɔn li, ǹ yoo gána lɛ gialaa, ǹ kũ. Ǹ kiɛn lɛn man ka zia-baali zanbia a kiɛn bɛ́ lɔn, a ba n bɔyɛɛ ka a gɔn kooro-n wa.

Zeremii 51:6

Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.