Zeremii 25:11 - LAWA A BOO SONBORE

¹¹ Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

LAWA A BOO SONBORE 2011

¹¹ Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 25:11 ပူးပေါင်းရင်းမြစ်များ

KZS2 36:20

Gɔya sa bɛ́ á min mɛnɛn tumaa kaa bii, ǹ nə́ bɛn goa ǹ nə́ woo ǹ ne Baabilonii. Bɛn man a din laanka a nɛgiĩn bɛ̀rɛn lɛa, yǎa Pɛrsin kii daa pàã saa.

Izayii 5:6

Man die biɛ don lɛa. Min kɔn ba re a da gùrùn boe wa, min kɔn ba re a buu woɛ̃ wa. Nyɛn dan tá re boe a nɛ. Ma á re labaran kurii ǹ baran la kaa a ganaa wa.

Zeremii 25:12

Dɛnaa Lawa a da ǹ boo á ke: «Bɛ̀ bɛa lɛ̀ pɔsɔbaa lɛ lɛ pã, man die yui Baabiloniin kii gialaa, ǹ gɛ̀-dɛ kɛa lɛa. Man die yui *Baabilonii minin gána gialaa, ma baa diə gole lɛa yǎa duduu.

Zeremii 25:38

Lawa n soe n boe a bǎã nɛ ka yàra bɛ́ soe n boe daã-n lɔn. Zia baraa kɛ taman yii ka Dɛnaa Lawa a foo-yoo gole kɛ nɛ, gána lɛ diə gole baa.

Zeremii 27:22

«Bɛa mànan lɛn tumaa tá re n goɛ, ǹ wo ǹ ne Baabilonii gána nɛ. Maǹ die goɛ̃ walan, yǎa ǹ mɛn pinaa bɛ̀ ma yiri daa ǹ nɛ, má n die ǹ ne kànaa.» Dɛnaa Lawa a da ǹ boo ne.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Zeremii 28:14

Dɛnaa Lawa Pàãyiidɛnaa Izirayeli a Lawa n kɛ pii: «Man die zǔu fɔlɔdɛnaa kiɛ kanaa a tɔrɔn tumaa wìi li. Ǹ tumaa á re goɛ̃ Baabiloniin kii Nebukadenezɔɔrɔ a pàã giulun, ǹ dí nya nɛ. Haalɛ gòon mànan dinin, man die ǹ kiɛ a pàã giulun.»

Zeremii 29:10

Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Zeremii 4:26

Man giɛ, á ke, gána sonbore lɛ diə gole baa. Ǹ ná a kiwin tumaa ziziɛ̃. Dɛnaa Lawa a lɛa nɛ, ka a foo-yoo baraa kɛ nɛ.

Zeremii 4:27

Dɛnaa Lawa bɛ́ boo mɛn diɛ, á ke: Gána lɛ tumaa á re n bɔyɛɛ a diə gole baa, sɛnɛ, ma a re ziziɛ̃ lenlen wa.

Zeremii 43:10

Bɛ kio, n tɔn pɛ ǹ nɛ: «Dɛnaa Lawa Pàãyiidɛnaa, Izirayeli a Lawa n kɛ pii: Á ke, man die lɛ diɛ maa dí-nyali Baabiloniin kii Nebukadenezɔɔrɔ la. N kɔlɔn mɛnɛn lɛn wɔ tán, man die a kii dankan koɛ bɛn lɛn la. A n die a kiibaa ǹ zìã doe walan.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Ezekieli 12:19

Bɛ kio, n pɛ gána lɛ a minin manɛ: «Dɛnaa Lawa n kɛ pii Zeruzalɛmu minin wɔ paǹ li, ǹ mɛnɛn bɛ́ Izirayeli gána nɛ: Ǹ tá re ǹ màn bii ka gɔ́ɔ̃-bii ni, ǹ nə ǹ mu mi ka sùsù ni. A giala, gána lɛ á re ziziɛ̃ kun ka a gɔ́ɔ̃gɔ́ɔ̃ ǹ màn tumaa nɛ, gána minin lɛn tumaa a kakaarɛbaa taman yii.

Ezekieli 29:11

Minbuiin nɛ a re boe a-n doo a kiɛ̃ wa, tɔɔ dɔ a re boe a-n doo a kiɛ̃ wa. Màn yiikoonaa kɔn ba re giɛ̃ a-n wa, yǎa lɛ̀ pusi.

Ezekieli 6:14

Man die yui ǹ gialaa, ta maǹ giã-n bǎã mɛn nɛ gána lɛ nɛ, ma á re ǹ tumaa lui, a saa diə gole kɛ ganaa, a wo Dibla kiwi yaa. Ǹ tá re doɛ̃ ka bɛ lɛ-n kəni, mà ma din nə Dɛnaa Lawa lɛa.

Lawa a wúlu-bɔlen 26:32

Masɛ dinmaa n die ka lui lenlen ma ka bɔ gána lɛ nɛ. Kaa zɔ́ɔn mɛnɛn bɛ́ re die giɛ̃ a nɛ, bɛn dinin tá re n kaãbiɛ.

Misee 7:13

Sɛnɛ, kanaa lɛ gɔ́ɔ̃ kooro á die goɛ̃, kanaa minin lɛn dinin zɛnaa ǹ sii taman yii, ǹ nya ǹ dín lɛn saraa nɛ.

Zakarii 1:12

Dɛnaa Lawa a Lon a dia dí-a wole lɛ tɔn pɛ: «Dɛnaa Lawa Pàãyiidɛnaa, a lɛ̀ pɔsɔbaa n ke n foo n yoo ne Zeruzalɛmu li kɔnlɛ ka Zudaa kiwi tɛnɛn nɛ. Yǎa biĩ n tɔn makara bɔ ǹ ganaa?»

Zakarii 7:5

«Boo da zaman tumaa nɛ ka Lawa a wúlu-bɔlen ne n pɛ ǹ nɛ: A lɛ̀ pɔsɔbaa n ka kɛ nɛ, ka nə n lɛ-sɔɔ, ka n gɛ̀ loen loe, mui sooro laanka a sɔbaabaa ǹ wɔ li. Taãn nə n pɛ, ka n bɛa lɛ soɛ lɛ zɛnɛɛ masɛ tɔ la?