Zeremii 24:1 - LAWA A BOO SONBORE

¹ Baabiloniin kii Nebukadenezɔɔrɔ Zudaan kii Zoakimu a nɛgiĩ Yekonia laanka a nyɛɛnaandɛnan goa Zeruzalɛmu á woo ǹ ne *Baabilonii kɔnlɛ ka a fuũn ni, ka a gɔn dí-nyalin ni. Bɛ kio, Dɛnaa Lawa gɔ́rɔ nɛ káka màn paa nyaa ma nɛ koa-n tán Lawa a kion yɔrɔ-a.

LAWA A BOO SONBORE 2011

¹ Baabiloniin kii Nebukadenezɔɔrɔ Zudaan kii Zoakimu a nɛgiĩ Yekonia laanka a nyɛɛnaandɛnan goa Zeruzalɛmu á woo ǹ ne *Baabilonii kɔnlɛ ka a fuũn ni, ka a gɔn dí-nyalin ni. Bɛ kio, Dɛnaa Lawa gɔ́rɔ nɛ káka màn paa nyaa ma nɛ koa-n tán Lawa a kion yɔrɔ-a.

Zeremii 24:1 ပူးပေါင်းရင်းမြစ်များ

Kiin2 24:10

Bɛa biikoo lɛ li, Baabilonii gána a kii Nebukadenezɔɔrɔ a dí-nyalin nə́ woo Zeruzalɛmu kiwi gialaa, ǹ ná a lɛnpɛnɛ.

KZS2 36:10

Lɛ̀ a giala kɔ waáraa, Nebukadenezɔɔrɔ minin dia die Zoakini kuĩ woe ne Baabilonii kɔnlɛ ka Dɛnaa Lawa a kion màn sonboren kɛn nɛ. Á Zoakini n dɔɔ̃n Sedekiasi bɔ á koa kii lɛa Zeruzalɛmu laanka Zudaa.

Izayii 13:1

*Baabilonii minin boo gii, Amɔsi a nɛgiĩ Izayii nə ǹ mɛn lɛ yɛ sii-nyaa nɛ:

Zeremii 13:19

Negɛvu a kiwin kiɛnlɛn tiɛ̃maa nɛ. Min kɔn ba ǹ buĩ doɛ̃ wa. Sonbore, ǹ nə́ Zudaa minin goa, ǹ nə́ woo ǹ tumaa nɛ bɛ̀rɛbaa ǹ bǎã nɛ.

Zeremii 27:20

Taãn nɛ, Baabiloniin kii Nebukadenezɔɔrɔ bɛ́ Zozakimu a nɛgiĩ Zudaan kii Yekonia laanka Zeruzalɛmu ka Zudaa a kiãn goɛ, a bɛa mànan lɛn tumaa goa Zeruzalɛmu á woo ǹ ne Baabilonii wa.

Zeremii 28:4

A Zozakimu a nɛgiĩ Zudaan kii Yekonia laanka min mɛnɛn tumaa goa á woo ǹ ne Baabilonii, ma á re wusii ma da ǹ nɛ kànaa. Baabiloniin kii a pàã ke ka wìi li ka zǔu bɛ́ lɔn, ma á re bɛ yiɛ ma bɔ ka bɔlɔ-a. Masɛ Dɛnaa Lawa a da ǹ boo ne.»

Zeremii 29:1

Lawa a boo gii-dali Zeremii nə́ n toa Zeruzalɛmu, á sɛ́wɔ dia min golen la, Lawa a wúlu-bɔlen ne, Lawa a boo gii-dalin ni, ka min mɛn tumaa bɛ́ Nebukadenezɔɔrɔ nə́ ǹ goa Zeruzalɛmu á woo ǹ ne *Baabilonii.

Zeremii 29:2

Bɛ giala mà kii Yekonia nɛ, kii ǹ dan nɛ, kii a dí-nyali dadaran nɛ, Zudaa laanka Zeruzalɛmu a kiãn nɛ, fuũn ni ka gɔn dí-nyalin ni.

Zeremii 37:1

Baabiloniin kii Nebukadenezɔɔrɔ na á Zoziasi a nɛgiĩ Sedekiasi koa kii lɛa Zudaa gána mìi la. Sedekiasi na á Zozakimu a nɛgiĩ Konia bǎã saa.

Ezekieli 17:4

a gùrù mɛn bɛ́ sasa á bɛ yiɛ, á woo ne pii-kɔlen gána nɛ, á woo da tán màn-sãlin kiwi.

Ezekieli 19:9

Ǹ nə́ da màn nɛ, zan kɛ ná a nyin ni, ǹ nə́ woo kɔ Baabiloniin kii la. Ǹ nə́ woo da kele yala-n, màn mɛn bɛ́ toɛ, min baran a lɛ ma Izirayeli kelen kɛn la doo wa.

Amɔɔsi 3:7

A din goon ne: A dí-nyalin kɛn a boo gii diɛ, Dɛnaa Lawa a sii kɔn zɛnɛɛ, bɛ̀ a ná a n gɔ́ɔ̃ pii bɛn ma-n wa.

Amɔɔsi 7:1

Dɛnaa, maa Lawa màn mɛn nyaa ma nɛ, bɛ á ke: Man má yɛ á bisinin paã. Bɛ á zɛnɛɛ, ǹ buu mɛn kuru kii wɔ lɛa, bɛ̀ bɛ́ á ke a ná a giala kɔ á n wusii piɛ̃.

Amɔɔsi 7:4

Dɛnaa Lawa lɛ màn mɛn nyaa ma-n doo, bɛ á ke: Dɛnaa Lawa lɛ na á lɛ dia tɛ la, á n dɔlɔ boe ne. Tɛ lɛ a gusuũ tán mu gole kɛ piɛ̃, a n gána gialaa kuĩ.

Amɔɔsi 7:7

A màn mɛn nyaa ma-n bɛ kio, bɛ á ke: Maa Dɛnaa Lawa na á goã golee-n lon kungɔn pepere goon lalan, ka màn zɔɔ̃ ǹ biɛ ná a gɔn.

Zakarii 3:1

Dɛnaa Lawa wúlu-bɔlen kiã Yesuwa nyaa ma nɛ. A n golee-n lon Dɛnaa Lawa a lon a dia dí-a wole lɛ yɔrɔ-a. *Sɛtaan, zɛ̀rɛ da ma la wole kɛ n golee-n Yesuwa gusin, a n die a zɛ̀rɛ biɛ.