Zeremii 23:6 - LAWA A BOO SONBORE

⁶ Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

LAWA A BOO SONBORE 2011

⁶ Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Zeremii 23:6 ပူးပေါင်းရင်းမြစ်များ

Loen 45:5

N sa dii, n kiɛ da la. Zia baa sonbore a lɛa, foo-basiɛ̃ a lɛa, peperebaa a lɛa. Wo ka pàã nɛ, n gɔ̀lɔ̀baa yɛ.

Bɔ bɛ̀rɛbaa nɛ 9:26

La gii lɛ na a kaa Gosɛnɛ bǎã dinsɔɔ̃-n wa, Izirayeli nɛnyaanan man nə́ goã walan.

Izayii 2:4

A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 32:1

Á ke kii á re yii, a kiibaa zɛnaa ka peperebaa nɛ, kiãn tá re nyɛɛnaan boe ka sonborebaa nɛ.

Izayii 32:18

Dɛnaa Lawa a zaman tá re giɛ̃ là nyantoro bǎã nɛ, kionən ne, foo n doa nɛ ǹ ganaa, ka susu ǹ bǎã nɛ.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 33:5

Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

Izayii 35:9

Yàra laanka don siĩn ba re yii walan wa. Ǹ kɔn ba re die walan wa. Dɛnaa Lawa bɛ́ re min mɛnɛn sii a ǹ kaa, bɛn dininsɔɔ̃nɔn man die zii kɛ siɛ.

Izayii 42:6

«Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 45:17

Sɛnɛ, Dɛnaa Lawa n Izirayeli a zaman kirisibiɛ. A na a kirisibiɛ yǎa duduu. Sìi á re koe ka lɛ wa sɔ a re n koe ka-a doo wa. Haayii, duduu wa.

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 29:11

Hiĩ, masɛ Dɛnaa Lawa, ma sii mɛn yɔrɔ bɔ kaa wɔ lɛa, ma á bɛ doɛ̃: «Baraa bie wa, bǐɛ̃ lɛ piɛ̃ nɛ. Ma á re toɛ kaa biɛ̃ ǹ n biɛ̃ kɔ.» Dɛnaa Lawa a da ǹ boo ne.

Zeremii 30:10

Dɛnaa Lawa a da ǹ boo á ke: Nsɛ Zakɔba, maa dí-nyali, nyɛ́ɛ nyan nə n kũ wa, N gɔ̀nɔn nyan bìn da wa nsɛ Izirayeli. Taãn nɛ, ma á re n kirisibiɛ, ma n bɔ ma n bɔ gána sɔsɔɔn kɛn nɛ, ma n nɛnyaanan kɛn waa bɛ̀rɛbaa ǹ bǎã nɛ, ma da ǹ nɛ. Zakɔba, n tá re n bɔyɛɛ n daa, n giã kiĩ ni, yii-nyɛɛ gɔ́ɔ̃ nɛ. Min kɔn ba re nyɛ́ɛ diɛ n ganaa doo wa.

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Zeremii 32:37

Ma foo goã á yoo a zaman li. Bɛ lɛ nɛ, maa foo-yoo gole lɛ gɔ́ɔ̃ nɛ, má ǹ loo paǹ tumaa li gána gigiã nɛ. Sɛnɛ, ma á re wusii ma da ǹ nɛ kànaa, ǹ wusoo ǹ goã yii-nyɛɛ la.

Zeremii 33:15

Bɛa waáraa, bɛ̀ a biikoo dɔ, ma á re toɛ Davida tɔrɔ taãn goon yɛ. Bɛ n die peperebaa laanka sonborebaa zɛnɛɛ gána lɛ nɛ.

Zeremii 33:16

Bɛa waáraa, Zudaa gána á re goɛ̃ a din gɔn wìi a lɛa, Zeruzalɛmu minin yiri á re goɛ̃ bǎã goon ne. Zeruzalɛmu tɔ n die goɛ̃: "Dɛnaa Lawa n wɔ kirisibaali lɛa".

Ezekieli 21:27

Kiɛ lɛ na á mɛnaa a gusin, á nyaa mà Zeruzalɛmu ni. Kii lɛ maǹ ziabaa ǹ lɛ-dɛ wɔ kɔsɛkɔsɛ, ǹ minin dɛ lɛ a gú da ǹ ziabaa ǹ màn dadaran doa kiwi lɛ a kiɛnlɛ-a, ǹ bèlèn dɔ, ǹ nyankɔrɔ fɔ̃!

Ezekieli 28:26

Ǹ tá re giɛ̃ a nɛ ka là nyantoro ne, ǹ kionən dɔdɔ, ǹ *rezɛ̃ da zuzumu. Ǹ tá re giɛ̃ a nɛ ka là nyantoro ne, a giala, ǹ lɛkoro lɛ-a minin mɛnɛn tumaa bɛ́ ǹ puusə koe, masɛ á re dɔlɔ boe bɛn ganaa. Ǹ tá re doɛ̃ kəni, mà masɛ din Dɛnaa Lawa nə ǹ Lawa lɛa.»

Ezekieli 38:14

Bɛ lɛ taman yii, nsɛ minbuiin a nɛ, a pɛ Gɔgu ni mà masɛ Dɛnaa Lawa n kɛ pii: Bɛ̀ maa minin Izirayeli tɔrɔn lɛn tá là nyantoro la ǹ mɛn waáraa, n tá re a boo miɛ.

Ezekieli 48:35

Kungɔn mɛn bɛ́ re kiwi lɛ lɛnpɛnɛ, a sasabaa n die goɛ̃ gùrù yii duu fulukiwisi (18 000). A kũ bɛa pinaa lɛ ganaa, kiwi lɛ tɔ n die goɛ̃ ka kɛ nɛ: "Dɛnaa Lawa tá kànaa".

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Ozee 2:18

Ma din Dɛnaa Lawa a da ǹ boo á ke: «Bɛa pinaa kɛ nɛ, N tá re ma bii "n zuũ", n ba re "Baali" tɔ kɛ koe ma-a doo wa.

Abdiasi 1:17

Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Abdiasi 1:21

Min mɛnɛn nə kirisibaa bɛn tá re dii Siɔn kele kɛ la, ǹ giã Ezawu gána mìi la. Kiibaa á die goɛ̃ Dɛnaa Lawa nɛ!

Sofonii 3:13

Izirayeli minin mɛnɛn yii bɛ́ re goɛ̃ koo, bɛn ba re sii baraa zɛnɛɛ doo wa, ǹ ba re soɛ boe doo wa, ǹ ba re ǹ miãn yiri siɛ̃ ka ǹ da ǹ boo n doo wa, ǹ tá re màn bii, ǹ nyuù wɔ, min kɔn ba re nyɛ́ɛ diɛ ǹ ganaa wa.

Zakarii 10:6

Ma á re Zudaa a zaman foo kaka koe, ma Zozɛfu a zaman kirisibaa. Ma á re wusii ma da ǹ nɛ piɛ, a giala, ǹ makara ma kũ. Maǹ die n biɛ ka ma bie má goã má n la bɔ ǹ ganaa wa. Hiĩ, ma din nə Dɛnaa Lawa, ǹ Lawa lɛa, ma á re ǹ nyankɔ lɛ sii.

Zakarii 3:10

Bɛa pinaa lɛ nɛ, ka á re kɔn bíi kaa rezɛ̃ wurun ni ka kaa gɔ́rɔ dan giulun ni. Dɛnaa Lawa a da ǹ boo ne.»

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.