Zeremii 23:5 - LAWA A BOO SONBORE

⁵ Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

LAWA A BOO SONBORE 2011

⁵ Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 23:5 ပူးပေါင်းရင်းမြစ်များ

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Loen 45:4

Giĩ a nɛ, n gɔya sa saa n lɔɔ n ganaa, n siĩnbaa ǹ màn nɛ, n nyaǹ màn nɛ.

Loen 80:15

Lawa Pàãyiidɛnaa, wusoo n daa kəni, sii mɛn bɛ́ n zɛnɛɛ, n toa lon, n ga n bɛ yɛ. N din sii kɔn zɛnaa, n da nɛ-kɔle kɛa lɛa.

Loen 99:4

Pàã tá n lon koe! Nsɛ lɛ, kii lɛa, n nə́ sii pepere narɛ. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.

Izayii 33:5

Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 42:6

«Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Izayii 53:2

Dɛnaa Lawa yɔrɔ-a, a dí-nyali gole kɔ ka da ten bɛ́ lɔn, ka da gòon bɛ́ lɔn soe tán gere la. Siĩnbaa a paǹ ba a ganaa màn mɛn bɛ́ toɛ yii bɔ li wa. A gama-a sii a min kuĩ wa.

Izayii 9:5

A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 22:15

Ma ǹ zoɛ̃ li n nə n kiibaa nyaa bɛ lɛ a lɛa nɛ ń nə n kion dɔ ka Sɛdrə gɔn nɛ. A da yaa n díi goã màn bii, a n màn mii ka min tumaa bɛ́ lɔn, a n koe peperebaa lɛ, a n kiri pepere we. A sii tumaa goã bǐɛ̃ koe.

Zeremii 22:3

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Zeremii 22:30

A bɛ́ boo mɛn diɛ á ke: – Ka kɛ kiɛ̃ Konia a paǹ li: «Min ni a nɛnyaanan ba re goɛ̃ wa. Là goon din yɛ a ganaa a yiikoonaabaa gɔ́ɔ̃-n wa. Min kɔn ba re yii a sumu-n a giã Davida a kii dankan la, a Zudaa gána nyɛɛnaan bɔ wa.»

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Zeremii 29:11

Hiĩ, masɛ Dɛnaa Lawa, ma sii mɛn yɔrɔ bɔ kaa wɔ lɛa, ma á bɛ doɛ̃: «Baraa bie wa, bǐɛ̃ lɛ piɛ̃ nɛ. Ma á re toɛ kaa biɛ̃ ǹ n biɛ̃ kɔ.» Dɛnaa Lawa a da ǹ boo ne.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 30:9

Sɛnɛ, maǹ die dí nyɛɛ masɛ din Dɛnaa Lawa, ǹ Lawa nɛ. Ǹ tá re dí nyɛɛ ǹ kii Davida a kion min kɛ nɛ, ma á re koɛ ǹ mìi la.»

Zeremii 31:27

Kànaa ka boɛɛn, man die minbuiin nɛn laanka tɔɔn pɛsɛ̃ Izirayeli laanka Zudaa gána nɛ ká ǹ bɛ́ màn tɔrɔ pɛsɛ̃ wuru-n lɔn. Dɛnaa Lawa a da ǹ boo ne.

Ezekieli 21:27

Kiɛ lɛ na á mɛnaa a gusin, á nyaa mà Zeruzalɛmu ni. Kii lɛ maǹ ziabaa ǹ lɛ-dɛ wɔ kɔsɛkɔsɛ, ǹ minin dɛ lɛ a gú da ǹ ziabaa ǹ màn dadaran doa kiwi lɛ a kiɛnlɛ-a, ǹ bèlèn dɔ, ǹ nyankɔrɔ fɔ̃!

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 34:29

Ma á re toɛ da sonboren nə bɔ ǹ wɔ lɛa, bòo á re minin dii gána lɛ-n doo wa. Tɔrɔ kɔsɔn ba re sìi diɛ ǹ ganaa doo wa.

Ezekieli 45:8

Kii lɛ a bǎã n die goɛ̃ ka bɛ nɛ, Izirayeli gána nɛ. Bɛ̀ á n baa miɛ̃, kiin kɛn ba re mɛnɛɛ maa zaman kɛ la doo wa, ǹ tá re gána lɛ toɛ Izirayeli tɔrɔn lɛn gɔn.»

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 2:2

Ǹ nə́ nɔ̀n da ǹ nə́ pɛ: «Nɛnyaan mɛn bɛ́ á yɛ, a n die Zuifun kii biɛ, a n maa? Wɔ́ n toa wɔa gána nɛ, wɔ́ a leere yɛ á bɔ lɛ̀giala-n, wɔ n wɔ́ daa a guguru kɔ.»

Zaã a sɛ́wɔ 1:45

Filipi dɔ́ kiɛ̃ á woo dɔ Natanayeli li, á pɛ nɛ: «Muizu boo da min mɛn wɔ gɔn la landa sɛ́wɔ nɛ, Lawa a boo gii-dalin dɔn nə́ boo da a wɔ gɔn la, wɔsɛn nə́ yɛ: Yezu ni, Nazarɛtin Zozɛfu a nɛgiĩ ni.»

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Ebrəə 8:8

Sɛnɛ, Lawa ná a din a tɔrɔ lɛ a sãn pɛ kɛnɛn: «Lɛawaan tá die, ma din Dɛnaa n pii, ma á re lɛ kɔ kɔn la dii we, ka Izirayeli tɔrɔ minin kɛn nɛ, ka Zudaa tɔrɔ minin kɛn dɔn nɛ.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.