Zeremii 23:24 - LAWA A BOO SONBORE

²⁴ Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

LAWA A BOO SONBORE 2011

²⁴ Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Zeremii 23:24 ပူးပေါင်းရင်းမြစ်များ

Siin Giala 16:13

Agaara tɔ́n nɔ̀n da a din la kɛnɛn: «Min mɛn yii bɛ́ á masɛ yɛ, masɛ yii bɛa Dɛnaa lɛ yɛ sonbore?» Dɛnaa Lawa mɛn boo da nɛ, á tɔ kɔ a ganaa kɛnɛn: «A n Lawa lɛa, Lawa mɛn yii bɛ́ masɛ ganaa.»

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

KZS2 2:6

Kanna, giĩ mɛn bɛ́ sana, wɔrɔ, zan ka fɔlɔ dí yɔrɔ doɛ̃ parasiini, a n boe la dɔn a mɔnaa wɔ, tã, tã bonbon, tã korebore hinlaa bɔlɔn lɛa, a doamaa nɛ á boe da sɛlɛ dɔ la, bɛ dia ma la. Á re dí nyɛɛ kun maa gɔn dí-nyalin kɛn nɛ, ma di Davida nə ǹ mɛnɛn bɔ ǹ nə́ giã-n Zeruzalɛmu hinlaa bǎã kɔsɔn nɛ Zudaa gána nɛ.

KZS2 6:18

Lawa á die boe la sonbore a tán baa a giã ǹ bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

Zɔbu 34:21

A giala, Lawa n giɛ minbuiin nɛ a tɔ wɔ ǹ gɔn ganaa, a gòã saa gogoonmaa yii, Lawa nə n yiri koɛ li.

Zɔbu 34:22

Wɔlɔ tì biribiri banban, sii baraa-zɛnaalin nə́ boe la ǹ nə duru a-n wa.

Loen 10:11

A n taasɛ mà Lawa yiri n boe, mà a giɛ kɛ ganaa wa, mà a yii ba kɛ ganaa wa.

Loen 139:7

Man die woe maa, ma wɔlɔ tɔn lui n ganaa? Man die baa sii ma wo maa, n nə́ n ba ma yii wa?

Loen 139:8

Bɛ̀ má dii má woo lon, n bɛ́ walan. Bɛ̀ má gisĩ tán geren piɛ, ń ke!

Loen 148:13

Kasɛn tumaa loe lɔ ka Dɛnaa Lawa tɔ bɔ nɛ, a giala, a dinsɔɔ̃ tɔ n gole. A siĩnbaa kɛ tán laanka lon si, á n kɔ lɛ.

Loen 90:8

Ń wɔa sã ǹ siin lɛn koa n din yɔrɔ-a, ń wɔa sii duriin lɛn koa n din yii giulun.

Suusun 15:3

Dɛnaa Lawa yii n bǎã tumaa nɛ, a yii n min baraan ganaa ka min sonboren ne.

Izayii 29:15

Min mɛnɛn bɛ́ sii zɛnɛɛ ka durii ni, ǹ nə́ ǹ taasiɛn duri Dɛnaa Lawa la, ǹ nə́ ǹ siin yɔrɔ boe tèlò basa li, bɔ̀n nə bɛn wɔ lɛa. Maǹ pii: «Die yii n wɔa sii zɛnaan ganaa, die n wɔ doɛ̃?»

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 66:1

Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Zeremii 16:17

Ǹ bɛ́ sii mɛn yii zɛnɛɛ, ma yii tá a ganaa. Ǹ kɔn ba durii-n ma ganaa wa. Ma yii tá ǹ siɛ̃n ganaa.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Zeremii 49:10

Sɛnɛ, ma dinmaa n die Ezawu a kion minin lɛn lon dudui. Ma á re toɛ ǹ nə ǹ duru ǹ bǎãn kɛn wɔlɔ yɛ. Ǹ ba re boe la ǹ wo walan doo wa. Ǹ tá re ǹ nɛnyaanan dii, ǹ dɔɔ̃nɔn nɛ, ka ǹ miãkɛnɛn tumaa nɛ. Min kɔn ba re pii ǹ ni:

Ezekieli 8:12

Dɛnaa Lawa tɔ́n pɛ ma nɛ: «Nsɛ minbuiin a nɛ, Izirayeli tɔrɔn lɛn min golen bɛ́ sii mɛn zɛnɛɛ wɔlɔ tì li, n yii tá a ganaa ke? Didie na a dì kion. A giala, maǹ pii mà Dɛnaa Lawa yii ba ǹsɛn ganaa wa, mà Dɛnaa Lawa gána lɛ din toa walan.»

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Efɛɛzi minin 1:23

Lawa a sɔmɔ lɛ n Krita gɔ̀nɔn lɛa, Krita lɛ na á pã a din lɛ nɛ, a lɛ pã kanaa tumaa dɔ nɛ.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.