Zeremii 23:21 - LAWA A BOO SONBORE

²¹ Bɛa Lawa a boo gii-dalin lɛn, ma ǹ dia wa, sɛnɛ maǹ baa sii. Ma boo da ǹ nɛ wa, sɛnɛ maǹ Lawa a boo gii diɛ.

LAWA A BOO SONBORE 2011

²¹ Bɛa Lawa a boo gii-dalin lɛn, ma ǹ dia wa, sɛnɛ maǹ baa sii. Ma boo da ǹ nɛ wa, sɛnɛ maǹ Lawa a boo gii diɛ.

Zeremii 23:21 ပူးပေါင်းရင်းမြစ်များ

Izayii 6:8

Má tɔn Dɛnaa lɛ ma nɔ̀n diɛ kɛnɛn: «Man die die diɛ? Die n die maa boo gii-dali biɛ?» Má a lɛ si: «Má á ke, masɛ dia.»

Zeremii 14:14

Dɛnaa Lawa ma lɛ si á pɛ: – Lawa a boo gii-dalin kɛn bɛ́ boo mɛn diɛ ka ma tɔ nɛ, soɛ nɛ. Ma ǹ dia wa. Ma boo goon din da ǹ nɛ wa. Ǹ sii yɛn lɛn man soɛ lɛa. Ǹ bɛ́ boo mɛn diɛ, boo kooron manɛ. Ǹ dinin taasiɛ boon manɛ.

Zeremii 23:32

Ma á re yui ǹ gialaa. Ǹ narɛɛn man soɛn lɛa. Bɛ̀ ǹ tá ǹ kalɛɛ maa zaman yɔrɔ-a, boo kooron dininsɔɔ̃nɔn manɛ. Ma ǹ dia wa, ma zii kɔ ǹ la wa. Ǹ là goon din ba maa zaman ganaa wa. Dɛnaa Lawa a da ǹ boo ne.

Zeremii 27:14

Lawa a boo gii-dali tɛnɛn man pii ka nɛ: «Ka a re goɛ̃ Baabiloniin kii a pàã giulun wa.» Ǹ bɛ́ boo mɛn diɛ, soɛ nɛ. Ka nyan nə n too kɔ ǹ lon wa.

Zeremii 27:15

Masɛ bie má ǹ dia wa. Maǹ pii mà ǹsɛn man boo diɛ ka masɛ tɔ nɛ, sɛnɛ, soɛ nɛ. Bɛ̀ ka n too kɔ ǹ lon, ka ǹ die giɛ̃, man die ka lui ma ka bɔ kànaa, ka dinin ni ka kaa Lawa a boo gii-dalin kɛn nɛ bɛa boon lɛn pii ka nɛ. Dɛnaa Lawa a da ǹ boo ne.

Zeremii 28:15

Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.

Zeremii 29:31

– Boo kɛ dia wo bɛ̀rɛbaa ǹ bǎã-n wolen kɛn tumaa la: «Dɛnaa Lawa n kɛ pii Nehelamu min Semayia a paǹ li: Semayia boo da ka nɛ ka ma tɔ nɛ, sɛnɛ masɛ dia wa. Á soɛ boon da ka nɛ.

Zeremii 29:8

Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.

Zeremii 29:9

Maǹ pii mà ǹsɛn man boo diɛ ka masɛ tɔ nɛ, sɛnɛ soɛ nɛ. Ma ǹ dia wa.» Dɛnaa Lawa a da ǹ boo ne.

Zaã a sɛ́wɔ 20:21

Bɛ kio, Yezu wusoo á pɛ ǹ nɛ doo: «Là nyantoro die a giã ka li. Maa Díi Lawa bɛ́ á masɛ dia lɔn ke, masɛ dɔ n ka diɛ miɛ̃.»

Nya ǹ dín 13:4

Barnabaasi laanka Sooli bɛ́ Yiri Fu a dia dí-a wolen lɛa, ǹ nə́ woo Selusii kiwi, ǹ nə́ tà kuru ǹ goo saa walan ǹ nə́ n yɔrɔ dia Siipri gána la.

Rɔmu minin 10:15

A boo nə n diɛ lɔn, bɛ̀ á daa yaa min kɔ́n nə n dia bɛa dí lɛ tɔ ganaa wa? Ka a bɛ́ kiɛ̃-n lɔn: «Kɛ n foo kɔɔ̃n lɛa, dia dí-a wole mɛn bɛ́ die ka Boo Tii Kɔɔ̃n nɛ.»