Zeremii 23:1 - LAWA A BOO SONBORE

¹ «Wàa koe n ka kɛ nɛ! Nyɛɛnaandɛnan mɛnɛn bɛ́ maa zaman lɛ nyɛɛnaan boe, maǹ nə ǹ sasawɛɛ ǹ nə́ ǹ pɛsɛ̃ paǹ yii li!» Dɛnaa Lawa a da ǹ boo ne.

LAWA A BOO SONBORE 2011

¹ «Wàa koe n ka kɛ nɛ! Nyɛɛnaandɛnan mɛnɛn bɛ́ maa zaman lɛ nyɛɛnaan boe, maǹ nə ǹ sasawɛɛ ǹ nə́ ǹ pɛsɛ̃ paǹ yii li!» Dɛnaa Lawa a da ǹ boo ne.

Zeremii 23:1 ပူးပေါင်းရင်းမြစ်များ

Zeremii 10:21

Zaman-lɛduə̃lin nə́ baãnaabaa zɛnaa. Ǹ ga Dɛnaa Lawa li wa. Bɛ lɛ nɛ, ǹ sii kɔn yɔrɔ yɛ wa. Ǹ bɛ minin mɛnɛn mìi la, ǹ tumaa pɛsɛ̃.

Zeremii 12:10

Tɔɔ-lɛduə̃li gigiã maa rezɛ̃ wuru ziziɛ̃. Ǹ nə́ maa wuru tɔtɔrɔ. Maa bǎã kɔɔ̃n ke, ǹ nə́ bɛ bɔyaa ǹ nə́ baa diə gole lɛa.

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 2:26

Sɛnɛ, kasɛn Izirayeli minin, kaa zaman nɛ, kaa kiin laanka kaa gána nyɛɛnaandɛnan nɛ, kaa Lawa a wúlu-bɔlen laanka kaa Lawa a dia dí-a wolen ne, sìi n die n koe ka lɛ, ka wurumu wɔ bɛ́ lɔn, bɛ̀ ǹ nə́ tɔwaa.

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

Zeremii 22:22

Piɛ̃ á re n kiãn tumaa goɛ, a wo ǹ ne. Ǹ nə n sanan tumaa goa ǹ wo ǹ ne. Nsɛ, sìi á re n koe n lɛ, n yii a gugurubaa tumaa nya, n zɛnaa ǹ sii baraan kɛn tumaa taman yii.

Zeremii 23:2

Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

Zeremii 50:6

Maa zaman lɛ a minin man nə́ goã ka sère papaã wolen bɛ́ lɔn. Ǹ lɛduə̃lin man nə́ goã ǹ yiri siɛ̃. Maǹ nə n toɛ walan bɛ̀ ǹ wo kelen la, ǹ dinin gɔn wìi a lɛa. Ǹ nə́ woo kelen la ka tentenen ne, ǹ yiri bɔ ǹ zìãn ganaa.

Ezekieli 13:3

Masɛ Dɛnaa Lawa n kɛ pii: Lawa a boo gii-dalin kɛn baãnaan lɛa, koe ǹ dinin taasiɛn lɛ, a da yaa ǹ yii sii kɔn yɛ wa, bɔ̀n na á bɛn yɛ.

Ezekieli 34:1

Dɛnaa Lawa boo da ma nɛ á pɛ:

Ezekieli 34:21

A giala, tɔɔn lɛn mɛnɛn tumaa bɛ́ ǹ ba lon wa, ká bɛn nyanaa ka ka wàã nɛ, ká n nyàakoo da ǹ li, ká ǹ dɛ ka ka bɛnɛn nɛ, yǎa ká ǹ sasawaa ká ǹ bɔ tɔɔn màn bii ǹ bǎã kɛ nɛ.

Ezekieli 34:31

«Ka n maa sèren lɛa, ka n maa tɔɔ kuru lɛa, ma ń giɛ ka walan, ka n minbuiinin lɛa, masɛ n kaa Lawa lɛa. Ma din Dɛnaa Lawa a da ǹ boo ne.»

Ezekieli 36:38

Ǹ kiwin mɛnɛn yu, bɛn man die piɛ̃ ka zaman nɛ, gigiã ka wúlu bɔ ǹ tɔɔn kɛn bɛ́ lɔn, ka tɔɔn bɛ́ lɔn Zeruzalɛmu zɔ́n biikoo li. Minin tá re doɛ̃ bɛa biikoo li, mà ma din nə Dɛnaa Lawa lɛa.»

Zakarii 10:3

«Ma foo n yoo-n sére-lɛduə̃li baraan kɛn li. Man die yui butumun kɛn gialaa. Taãn nɛ, masɛ Dɛnaa Lawa Pàãyiidɛnaa, man die n doe maa zaman Zudaa minin kɛn lɛ. Man die ǹ biɛ maa ziabaa ǹ sùi sonboren lɛa.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Matiə 9:36

Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.

Zaã a sɛ́wɔ 10:10

Wurumu n die wurumubaa tɔ-a, ka gɛ̀-dɛ nɛ, ka basaã kɔ nɛ. Sɛnɛ, masɛ n má daa, màn mɛn bɛ́ toɛ, minbuiinin nə nyin nyabaã yɛ, ǹ yɛ ka a bɛ́ lɔn.

Zaã a sɛ́wɔ 10:12

Min mɛn bɛ́ sèren lɛduĩ giɛ saraa li, a ná a ba sèren lɛn lɛduə̃li taãn lɛa wa, sèren lɛn dɔn nə́ ǹ ba a wɔn lɛa wa, bɛ̀ bɛa dɛnaa don gin yɛ die, a n sèren lɛn toɛ walan, a n gòã da baa nɛ. Don gin lɛ nə ǹ tɛn kuĩ, gialakunun kɛn nə baa si ǹ sasawaa kɔn.

Zaã a sɛ́wɔ 10:8

Min mɛn din tumaa da masɛ nyɛɛnɛ, wurumunun man ka bɛa dɛnan nɛ, mɛnaa minin la wolen manɛ ǹ nɛ. Sèren lɛn nə ǹ too kɔ ǹ lon wa.