Zeremii 22:19 - LAWA A BOO SONBORE

¹⁹ Maǹ die biĩ ka gin bɛ́ lɔn, ǹ giɛɛraa furu-n, ǹ zũ sɔsɔɔ Zeruzalɛmu kiɛnlɛn ganaa!

LAWA A BOO SONBORE 2011

¹⁹ Maǹ die biĩ ka gin bɛ́ lɔn, ǹ giɛɛraa furu-n, ǹ zũ sɔsɔɔ Zeruzalɛmu kiɛnlɛn ganaa!

Zeremii 22:19 ပူးပေါင်းရင်းမြစ်များ

Kiin1 14:10

Bɛ lɛ n ke, masɛ n die koe diɛ Zeroboamu a sumu minin mìi ni. Man die giĩn dii ma ǹ bɔ Zeroboamu a sumu-n, bɛ̀rɛn nɛ ka min mɛnɛn bɛ́ ǹ ba bɛ̀rɛn lɛa wa Izirayeli gána nɛ. Man die n sumu papaɛ̃ lenlen, ka min bɛ́ yisi wɔrɛɛ lenlen lɔn ka mɛsɛ nɛ.

Kiin2 23:36

Zoakiimu bɛ́ kii biɛ, bɛ̀ a lɛ̀ fuəwensooro ne. A na á kiibaa zɛnaa lɛ̀ fulugoon Zeruzalɛmu kiwi. Ǹ dan tɔ n Zebudaa, Rumaa kiwi min Pedayia a nɛlɔ nɛ.

Kiin2 24:6

Zoakiimu gã. A nɛgiĩ Zoakini na á kiibaa zɛnaa a bǎã nɛ.

Kiin2 9:35

Ǹ nə́ woo mà maǹ siɛ biĩ, sɛnɛ, maǹ nə́ woo a mìi paǹ we dinsɔɔ̃ yaa, ka a gòãn laanka a gɔn tisin ni.

KZS2 36:6

Baabiloniin kii Nebukadenezɔɔrɔ daa zia baa a ganaa, á yii ka zan zɔrɔkan nɛ á woo ne *Baabilonii.

Boo-laakalaali 6:3

Ta min na á nɛgiĩ paabiɛ yɛ, á lɛ̀ gigiã yɛ kanaa, ta a lɛ̀ lɛ n mɔnaa-n lɔn, bɛ̀ a yii-nyɛɛ yɛ wa, ka bɛ dɔ nɛ, bɛ̀ a bĩ ǹ yala yɛ wa, man pii máa nɛ mɛn bɛ́ á yɛ gere lɛa, máa bɛ á soɛ nɛ.

Zeremii 15:3

Dɛnaa Lawa a da ǹ boo á ke: «Man die yui ǹ gialaa ka yɔrɔ sii ni: Gɔya sà gɛ̀ nɛ, ginin tá re ǹ giɛrɛɛ ǹ wo ǹ ne sɔsɔɔ, zèwon tá re ǹ mui tolokan nə ǹ sɔ̃ ǹ nə ǹ bɔ tán.

Zeremii 36:30

Kanna kəni, Dɛnaa Lawa n kɛ pii Zudaan kii Zozakimu a paǹ li: «Davida a gána nɛ, Zozakimu a sumu min kɔn ba re yii a kio, a giã pàã la wa. Bɛ̀ á gã, a gere á re goɛ̃ tán sɛ̀fuu li, ka tèlò a nyan nɛ.

Zeremii 36:6

Sɛnɛ, lɛ sɔɔ kɛa pinaa, nsɛ wo Lawa a kion, ma Lawa a boon mɛnɛn pɛ n nɛ n nə́ ǹ kiɛ̃, n nə ǹ pɛ ka lɛn gole ne zaman yɔrɔ-a ka min mɛn tumaa bɛ́ re goɛ̃ Lawa a kion lɛ nɛ, ǹ nə́ bɔ Zudaa kiwin ni.

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Ezekieli 19:8

Gána kɔsɔn mɛnɛn bɛ́ ǹ lɛnpɛnɛ, bɛn nə́ soo ǹ giã ǹ bǎãn nɛ, ǹ nə́ daa a lɛnpɛnɛ. Ǹ nə́ biɛ koa nɛ, ǹ nə́ kũ, ǹ nyankɔrɔ mɛn fɔ̃, bɛ́ kũ.

Ezekieli 39:5

N tá re giɛ̃ don. Ma din Dɛnaa Lawa n má pɛ, ma din a da ǹ boo ne.