Zeremii 22:18 - LAWA A BOO SONBORE

¹⁸ Bɛ lɛ nɛ, Dɛnaa Lawa boo mɛn da Zudaan kii Zoziasi a nɛgiĩ Zozakimu á paǹ li, á ke: Bɛ̀ á gã, gɛ̀ loe ba re n loe wa. Min kɔn ba re pii: «Wàa koe n ka kɛ nɛ, dɔɔ̃ngiĩ! Wàa koe n ka kɛ nɛ, dɔɔ̃nlɔ!» Min kɔn ba re wuu pii a pɛ: «Wàa koe n ka kɛ nɛ, dɛnaagiĩ! Wàa koe n ka kɛ nɛ, kii!»

LAWA A BOO SONBORE 2011

¹⁸ Bɛ lɛ nɛ, Dɛnaa Lawa boo mɛn da Zudaan kii Zoziasi a nɛgiĩ Zozakimu á paǹ li, á ke: Bɛ̀ á gã, gɛ̀ loe ba re n loe wa. Min kɔn ba re pii: «Wàa koe n ka kɛ nɛ, dɔɔ̃ngiĩ! Wàa koe n ka kɛ nɛ, dɔɔ̃nlɔ!» Min kɔn ba re wuu pii a pɛ: «Wàa koe n ka kɛ nɛ, dɛnaagiĩ! Wàa koe n ka kɛ nɛ, kii!»

Zeremii 22:18 ပူးပေါင်းရင်းမြစ်များ

Samayeli2 1:26

Ma dɔɔ̃n Zonaatan, ma foo ziziɛ̃maa-n parsiini n din a lɛa. N sii goã kaka ma ganaa á la yii ni. N giaárabaa lɛ na á goã kaãbaa diɛ ma ganaa. Á goã siĩni á la giĩ a lɔ narɛɛ nɛ.

Kiin1 13:30

A na á bĩ a din a sumu minin bĩ ǹ yala-n, ǹ ná a gɛ̀ koa, bɛ̀ ǹ tá wuu pii li: «Ma dɔɔ̃ngiĩ bɔ̀n wooo, kebe!»

Kiin2 23:36

Zoakiimu bɛ́ kii biɛ, bɛ̀ a lɛ̀ fuəwensooro ne. A na á kiibaa zɛnaa lɛ̀ fulugoon Zeruzalɛmu kiwi. Ǹ dan tɔ n Zebudaa, Rumaa kiwi min Pedayia a nɛlɔ nɛ.

Kiin2 23:6

Á dì Aseeraa nyin kɛ saa Dɛnaa Lawa a kion, á soo á n bɔ nɛ Zeruzalɛmu kiwi, á woo Sedrɔn nyankɔrɔ kɛ nɛ, á tã walan á ton baa, á goa á zũ zaman tumaa bi ǹ yala kɛ nɛ.

Kiin2 24:6

Zoakiimu gã. A nɛgiĩ Zoakini na á kiibaa zɛnaa a bǎã nɛ.

KZS1 3:15

Zoziasi a nɛnyaanan man ka kɛn nɛ: A nɛ bibinaa n ka Zoanan nɛ, a paabaa ǹ wɔ n ka Zoakimu ni, a sɔɔbaa ǹ wɔ n ka Sedekiasi ni, a siibaa ǹ wɔ n ka Salumu ni.

KZS2 35:25

Lawa a boo gii-dali Zeremii gɛ̀ loe kiɛ̃ Zoziasi wɔ lɛa. A kũ bɛa waáraa kɛ ganaa a da kaa pelo lɛ, giĩ loe-lɔli laanka lɔ loe-lɔli tumaa n Zoziasi boo diɛ, bɛ̀ ǹ tá gɛ̀ loe loe. Bɛ na á landa baa Izirayeli gána nɛ. Ǹ boon tá gɛ̀ loen sɛ́wɔ nɛ.

KZS2 36:5

Zoakimu kiibaa yɛ bɛ̀ a lɛ̀ fuəwensooro ne. Á kii baa Zeruzalɛmu lɛ̀ fulu goon. Á sii bɔnɛɛ zɛnaa Dɛnaa Lawa, a Lawa yii li.

Zeremii 16:4

Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 16:6

Kiãn laanka min kooron tá re giɛ̃ gána lɛ nɛ. Ǹ ba re ǹ biĩ wa. Min kɔn ba re ǹ gɛ̀ wuu pii wa. Min kɔn ba re n gɔ̀nɔn tɔtoɛ̃ hinlaa a n mìi ka kɔɔ̃ wa.

Zeremii 21:11

Zudaan kii a sumu, n too kɔ Dɛnaa Lawa a da ǹ boo li.

Zeremii 22:10

Zudaa minin lɛn, min mɛn bɛ́ á gã, ka nyan wuu pɛ bɛ la wa. Ka nyan wuu pɛ kii Zoziasi la wa. Sɛnɛ, min mɛn bɛ́ woe a ná a die doo wa, ka wuu pɛ bɛa dɛnaa la. A giala, a yɛ gána mɛn nɛ, a yii á re miɛ̃ bɛ ganaa doo wa.

Zeremii 22:12

Ǹ kũ ǹ nə́ woo ne gána mɛn nɛ, á re giɛ̃ walan. A yii á re miɛ a gána kɛ-a doo wa.»

Zeremii 34:5

N tá re giɛ̃ yii-nyɛɛ gɔ́ɔ̃ nɛ. Ǹ tá re n gɛ̀ zɛnɛɛ ka n digolo kiin kɛn wɔ goã lɔn. Ǹ tá re da yon gìĩ kɔɔ̃n tiɛ̃ n wɔ lɛa, ǹ gɛ̀ loe kɛ lɔ: Koe woo koe, kii lɛ gã. Hiĩ, má n lɛ kɔ, ma din Dɛnaa Lawa n má pɛ.»

Zeremii 36:30

Kanna kəni, Dɛnaa Lawa n kɛ pii Zudaan kii Zozakimu a paǹ li: «Davida a gána nɛ, Zozakimu a sumu min kɔn ba re yii a kio, a giã pàã la wa. Bɛ̀ á gã, a gere á re goɛ̃ tán sɛ̀fuu li, ka tèlò a nyan nɛ.