Zeremii 21:7 - LAWA A BOO SONBORE

⁷ Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

LAWA A BOO SONBORE 2011

⁷ Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 21:7 ပူးပေါင်းရင်းမြစ်များ

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Zeremii 13:14

Man die ǹ totoe kɔn nɛ, díi laanka nɛ, Dɛnaa Lawa a da ǹ boo ne. Sabarabaa ba a-n wa. Min kɔn makara á re ma kuĩ wa. Sàabaa ba la wa, man die ǹ bɔ̀n biɛ.»

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 15:5

Dɛnaa Lawa pɛ: Die n die makara boe n ganaa doo Zeruzalɛmu? N sii n die busi die ganaa? Die n die n din nɔmɛɛ a nɔ̀n da n li? Min kɔn!

Zeremii 15:9

Lɔ mɛn nɛ sɔbaa yɛ, nɔmaa n die bɛ yii, a fɔfoã golee. Penleen tá re tèlò biɛ a ganaa. Sìi nə́ n kɔ lɛ. A yii gugurubaa papaã. Min mɛnɛn yii goã koo, ma á re bɛn dii zia la, ǹ zɔ́ɔn yɔrɔ-a. Dɛnaa Lawa a da ǹ boo ne.

Zeremii 19:7

Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Zeremii 20:4

Bɛ lɛ nɛ, Dɛnaa Lawa a da ǹ boo á ke: «Ma á re nyɛ́ɛ kiɛ ka ganaa, n laanka n giaáran nɛ. Ǹ tá re mɛnɛɛ ǹ zɔ́ɔn gɔya sa nyɛɛnɛ, ǹ gã n din yɔrɔ-a. Man die Zudaa min tumaa we Baabiloniin kii gɔn. Á re ǹ goɛ a wo ǹ ne a gána nɛ, a ǹ dɛ ka gɔya sa nɛ.

Zeremii 22:25

Min mɛnɛn bɛ́ giɛ n gɛ̀ li, ǹ nə́ n gɔ̀nɔn diɛ bìn diɛ ganaa, ma á re n we bɛn gɔn. Bɛ n ka Baabiloniin kii Nebukadenezɔɔrɔ nɛ, ka a sɔraasin ni.

Zeremii 27:6

Kanna kəni, man die kaa gánan kɛn tumaa kiɛ maa dí-nyali *Baabiloniin kii Nebukadenezɔɔrɔ a pàã giulun. Gòon-mànan dinin tá re a dí nya ǹ mànan biɛ.

Zeremii 32:4

Zudaan kii Sedekiasi a re liɛ Baabilonii minin la wa. Man die we Baabiloniin kii gɔn. A tá re golee a yɔrɔ-a, a na a lɛ si.

Zeremii 34:3

Nsɛ kɔn ba re liɛ la wa. Ǹ tá re n kuĩ ǹ nə n baa a kòso nɛ lɛa. N tá re golee a yɔrɔ-a, n na a lɛ si, bɛ kio, n tɔn wo Baabilonii.

Zeremii 36:29

N tá re pii Zudaan kii Zozakimu ni mà Dɛnaa Lawa n kɛ pii: «Zeremii goã á kiɛ̃ mà sàabaa ba la wa mà Baabiloniin kii á re die gána kɛ ziziɛ̃, a na a minbuiin nɛn laanka a tɔɔn dɛ. N nə́ n Zeremii zɛ̀rɛbaa ka bɛ lɛ nɛ, n tɛ da sɛ́wɔ munii lɛ ganaa.»

Zeremii 37:17

Ǹ kɔn pinaa, kii Sedekiasi min dia mà a wo lɛ dia la. A n li a nɔ̀n da la ka durii ni a kii kion lɛ nɛ. Kii lɛ nɔ̀n da la: «Dɛnaa Lawa boo da n nɛ masɛ a paǹ li?» Zeremii ná a lɛ si: «Hiĩ, Dɛnaa Lawa á re n we Baabiloniin kii gɔn.»

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Busii pɛ 2:20

E! Dɛnaa Lawa, n yii bũ n ga minin kɛn ganaa n nə́ ǹ kũ ka yɔrɔ kɛ nɛ! Lɔn manə ǹ nɛnyaanan soɛ̃! Maǹ Lawa a wúlu-bɔlen laanka Lawa a boo gii-dalin dii Lawa a kion!

Busii pɛ 2:22

Ka zɔ́n pinaa bɛ́ lɔn, ń ma miãkɛn babaraan kɛn bíi wɔ. N foo-yoo baraa kɛa pinaa Dɛnaa Lawa, min kɔn nə n bɔ-a n wa. Min kɔn yii goã koo wa. Ma goã má min mɛnɛn too má ǹ gɔ̀nɔn kũ, maa zɔ́ɔ lɛ bɛn tumaa bɔ̀n baa.

Ezekieli 23:28

Ma din Dɛnaa Lawa n kɛ pii: Min mɛnɛn lɛn sii bɛ́ a ba n ganaa wa, ǹ tìĩ bɔ n nyin ni, á ke, man die n we bɛn lɛn gɔn.

Ezekieli 7:9

Ka makara a die ma kuĩ ma ka toa walan wa. Ka sii mɛn zɛnaa, man die bɛ lɛ a dɔlɔ diɛ ka mìi ni. Sii bɔbɔnɛɛn kɛn lɛn dɔlɔ á re kuĩ ka dinin mìi ni, kaa á re doɛ̃ ka bɛ lɛ-n kəni, mà masɛ Dɛnaa Lawa din nə dɔlɔ boe.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Ezekieli 9:10

A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni.

Timəə dí-pɛn 28:50

Tɔrɔ yɔrɔ babaraan manɛ, ǹ ba min gole guguru koe wa, ǹ ba nɛnyaan makara doɛ̃ wa.