Zeremii 21:6 - LAWA A BOO SONBORE

⁶ Màn yiikoonaa mɛn tumaa bɛ́ kiwi lɛ nɛ, ma á re ǹ tumaa dii: Minbuiinin laanka tɔɔn. Piɛ̃ busu baraa á re ǹ tumaa dii.

LAWA A BOO SONBORE 2011

⁶ Màn yiikoonaa mɛn tumaa bɛ́ kiwi lɛ nɛ, ma á re ǹ tumaa dii: Minbuiinin laanka tɔɔn. Piɛ̃ busu baraa á re ǹ tumaa dii.

Zeremii 21:6 ပူးပေါင်းရင်းမြစ်များ

Siin Giala 6:7

á tɔ́n pɛ kɛnɛn: «Ma minbuiin nɛ mɛn zɛnaa, man die papaɛ̃ ma bɔ tán la, a saa minbuiinin ganaa, a wo màn yiikoonaa tumaa yaa, a dadaran nɛ ka a bisinin ni, ka bàanan nɛ. A giala, man má n gɔ́ɔ̃ bii ka wàa na á baa má zɛnaa.»

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 16:4

Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 20:4

Bɛ lɛ nɛ, Dɛnaa Lawa a da ǹ boo á ke: «Ma á re nyɛ́ɛ kiɛ ka ganaa, n laanka n giaáran nɛ. Ǹ tá re mɛnɛɛ ǹ zɔ́ɔn gɔya sa nyɛɛnɛ, ǹ gã n din yɔrɔ-a. Man die Zudaa min tumaa we Baabiloniin kii gɔn. Á re ǹ goɛ a wo ǹ ne a gána nɛ, a ǹ dɛ ka gɔya sa nɛ.

Zeremii 32:24

«Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 33:12

Dɛnaa Lawa Pàãyiidɛnaa n kɛ pii doo: «Kɛa gána ziziɛ̃ kɛ lɛ nɛ, muibuiin laanka tɔɔ din ná a ba a-n wa, bǎãn tá re yii, kiwin tumaa nɛ, tɔɔn-lɛduə̃lin nə ǹ sèren laanka ǹ bòen lɛduə̃ ǹ nɛ.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 36:29

N tá re pii Zudaan kii Zozakimu ni mà Dɛnaa Lawa n kɛ pii: «Zeremii goã á kiɛ̃ mà sàabaa ba la wa mà Baabiloniin kii á re die gána kɛ ziziɛ̃, a na a minbuiin nɛn laanka a tɔɔn dɛ. N nə́ n Zeremii zɛ̀rɛbaa ka bɛ lɛ nɛ, n tɛ da sɛ́wɔ munii lɛ ganaa.»

Zeremii 42:22

Kanna kəni, ka dɔ̃ mà ka n die giɛ̃ zia gɔn, bòo ne ka piɛ̃ busu ni gána kɛ lɛ nɛ ka n woe gùli koe a nɛ.»

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Ezekieli 12:16

Min mɛnɛn bɛ́ re liɛ zia kɛ kio, bòo kɛ nɛ ka piɛ̃ busu kɛ nɛ, ma á re bɛn gialakunun toɛ walan. Bɛn bɛ́ re woe tɔrɔ kɔsɔn mɛnɛn bii, ǹ tá re ǹ dinin zɛnaa ǹ sii bɔbɔnɛɛn kɛn laakalɛɛ bɛn yii ni. Bɛn dɔn tá re doɛ̃, mà masɛ din nə Dɛnaa Lawa lɛa.

Ezekieli 14:13

«Minbuiin a nɛ, bɛ̀ gána mɛn a minin nə́ sii baraa zɛnaa masɛ nɛ, ǹ nə́ ma bɔlɔ tii, ma á re yui ǹ gialaa ma ǹ màn-bii ziziɛ̃, ma bòo kaa ǹ ganaa, ma ǹ minbuiinin laanka ǹ tɔɔn dɛ.

Ezekieli 14:17

«Ma á boe la dɔn ma zia yiɛ ma kaa gána lɛ a minin ganaa, ma pɛ zia nɛn lɛn manɛ, máa ǹ wɔ gána lɛ nɛ, ǹ minbuiinin laanka tɔɔn dɛ.

Ezekieli 14:19

«Ma á boe la dɔn ma piɛ̃ busu da gána lɛ a minin ganaa. Ma foo mɛn yoo gána lɛ li, ma á re a minbuiinin laanka a tɔɔn dii, ma ǹ bɔ a nɛ.

Ezekieli 14:21

Bɛ kio, Dɛnaa Lawa wusoo á pɛ ma nɛ: Dɔlɔ màn sii ni masɛ da Zeruzalɛmu kiwi lɛ mìi ni, ma tá a minbuiinin laanka a tɔɔn dii ni: zia nɛ, bòo ne, don màn babaraan nɛ, ka piɛ̃ busu ni.

Ezekieli 33:27

N die n kɛ pɛ ǹ nɛ: «A ma toa ma yii n koo, masɛ Dɛnaa Lawa n kɛ pii: Ǹ kiwi mɛn lɛ yu, min mɛnɛn bɛ́ a nɛ, ǹ tá re bɛn dii. Min mɛn bɛ́ don, ma á re bɛ koe don màn babaraan la ǹ màn-bii lɛa. Min mɛnɛn bɛ́ kele la, ka kele yalan nɛ, bɛn tá re giɛ̃ piɛ̃ busu babaraa gɔn.

Ezekieli 33:29

Ǹ sii bɔbɔnɛɛn kɛn tumaa ǹ nə́ ǹ zɛnaa, bɛ lɛ a lɛa nɛ ma á re gána lɛ yui, ma a gɔ́ɔ̃ kooro da. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.»

Ezekieli 7:15

Zia n die goɛ̃ wɛɛ̃-n kanaa, piɛ̃ busu laanka bòo ne, bɛn nə́ wɛɛ̃-n kion. Min mɛn bɛ́ don, ǹ tá re bɛ dii zia la. Min mɛnɛn bɛ́ kiwi gɔ́ɔ̃ nɛ, bòo laanka piɛ̃ busu á re wɛɛ bɛn la.

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Sofonii 1:3

Man die minbuiin nɛn laanka tɔɔn bɔ̀n biɛ. Man die lon a bàanan laanka mu li ǹ zɔ̀nɔn bɔ̀n biɛ, man die min baraan bɔ̀n biɛ, kɔnlɛ ka màn mɛn tumaa bɛ́ minin boe ǹ kiɛ. Man n die minbuiin nɛn papaɛ̃ ma ǹ bɔ tán la. Dɛnaa Lawa a da ǹ boo ne.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.