Zeremii 21:2 - LAWA A BOO SONBORE

² «Bǐɛ̃ kɔ n nɔ̀n da Dɛnaa Lawa la wɔa lɛa. A giala, *Baabiloniin kii Nebukadenezɔɔrɔ yoo ka zia-n wɔ gialaa. Kɔntan, Dɛnaa Lawa á re kaãbaa sii zɛnɛɛ a na a wɔlɔ lui wɔ ganaa.»

LAWA A BOO SONBORE 2011

² «Bǐɛ̃ kɔ n nɔ̀n da Dɛnaa Lawa la wɔa lɛa. A giala, *Baabiloniin kii Nebukadenezɔɔrɔ yoo ka zia-n wɔ gialaa. Kɔntan, Dɛnaa Lawa á re kaãbaa sii zɛnɛɛ a na a wɔlɔ lui wɔ ganaa.»

Zeremii 21:2 ပူးပေါင်းရင်းမြစ်များ

Siin Giala 10:10

A goã kii lɛa, kiwin mɛnɛn nɛ bibinaa nɛ, bɛn man ka Baabeli ni, Erɛki ni, ka Akaadi ni, *Baabilonii gána nɛ.

Kiin2 1:3

Sɛnɛ Tisibu min Yilii lɛ, Lawa a boo gii-dali lɛa, Dɛnaa Lawa a lon a dia dí-a wole goon pɛ bɛ nɛ, mà a wo n da Samarii gána a kii a dia dí-a wolen lɛn lɛ, a pɛ ǹ nɛ kɛnɛn: – Lawa na a banban Izirayeli gána nɛ ka tá nɔ̀n diɛ la wa, yǎa ka woe Ekrɔn kiwi a dì Baali-Zebubu li?

Kiin2 17:24

Asiirii gána a kii minin goa *Baabilonii kiwi, Kutaa kiwi ni, Abaa kiwi ni, Amaati kiwi laanka Sefaravayimu kiwi ni, á daa ǹ kaa Samarii gána a kiwi dadaran nɛ, Izirayeli nɛnyaanan lɛn bǎã nɛ. Ǹ nə́ Samarii gána lɛ baa ǹ wɔ lɛa, ǹ nə́ giã a kiwi dadaran nɛ.

KZS2 32:21

Dɛnaa Lawa tɔn lona dia dí-a wole goon dia Siirii minin giã ǹ bǎã lɛ nɛ. Á sɔraasi kakan tumaa dɛ, sɔraasin nyɛɛnaandɛnan nɛ ka gána nyɛɛnaandɛnan nɛ. Sìi nə́ n kɔ Asiiriin kii lɛ, á n bɔyaa á woo a gána nɛ. Ǹ kɔn pinaa á wɔ a dì kion, a nɛgiĩn nə́ dɛ walan.

Bɔ bɛ̀rɛbaa nɛ 9:28

Ka Dɛnaa lɛ nyankɔ. La a paraa lɛ laanka la gii lɛ la yii ni. Ma á re toɛ ka woo, ka a re beleboe kànaa doo wa.»

Izayii 48:2

A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Zeremii 15:11

Sɛnɛ, Dɛnaa Lawa pɛ: Ma nə n liɛ, ma á re n kirisibiɛ, ma yii nyɛɛ kɔ n la. Ma nə n liɛ, koe pinaa ka foo ziziɛ̃ gole pinaa nɛ, ma á re n zɔ́ɔ lɛ diɛ n gòã kuĩ ganaa.

Zeremii 21:3

Zeremii nə́ ǹ lɛ si kɛnɛn: – Ka wo pɛ Sedekiasi ni:

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 32:24

«Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 34:1

Nebukadenezɔɔrɔ na á goã *Baabilonii gána a kii lɛa. Á yoo zia-n Zeruzalɛmu laanka Zudaa a kiwin gialaa, kun ka a zia kurun ni ka kanaa tumaa a sɔraasin ni ka gánan mɛnɛn bɛ́ a pàã giulun. Bɛa waáraa lɛ nɛ, Dɛnaa Lawa boo da Zeremii ni á pɛ-n kɛnɛn:

Zeremii 37:17

Ǹ kɔn pinaa, kii Sedekiasi min dia mà a wo lɛ dia la. A n li a nɔ̀n da la ka durii ni a kii kion lɛ nɛ. Kii lɛ nɔ̀n da la: «Dɛnaa Lawa boo da n nɛ masɛ a paǹ li?» Zeremii ná a lɛ si: «Hiĩ, Dɛnaa Lawa á re n we Baabiloniin kii gɔn.»

Zeremii 37:3

A da yaa, kii Sedekiasi na á Selemia a nɛgiĩ Yukaali laanka Maseya a nɛgiĩ Lawa a wúlu-bɔle Sefania dia Zeremii li. Ǹ nə́ pɛ-n kɛnɛn: «Dɛnaa Lawa, wɔa Lawa nyankɔ wɔa lɛa!»

Zeremii 37:7

– Dɛnaa Lawa Pàãyiidɛnaa, Izirayeli a Lawa n kɛ pii: «Zudaan kii mɛn nə ka dia ma li, ka wo pɛ-n kɛnɛn: Faarahɔn a sɔraasin mɛnɛn nə soo mà man die n doe ka lɛ, ǹ nə́ n bɔyaa ǹ nə́ woo Ezipti gána nɛ.

Ezekieli 7:26

Bɔ̀n woo bɔ̀n, gɔ́ɔ̃ wɔ̃ ǹ boo woo gɔ́ɔ̃ wɔ̃ ǹ boo, bɛn lɛn man die koɛ kɔn la. Ǹ tá re sii-nyaa liɛ Lawa a boo gii-dali la, Lawa a wúlu-bɔle ba re minin darɛɛ dí-pɛn kɛn ganaa doo wa, min golen ba re doree koe doo wa.

Sii yɔrɔ-bɔlen 20:27

Bɛa biikoo li, bɛ̀ Lawa a *lɛ kɔ kɔn la ǹ goo kɛ á tɔn Betɛli. Eleyazaara a nɛgiĩ Finee mɛn bɛ́ Aarɔn a nɔ̀ɔn lɛa, bɛ̀ bɛ n Lawa a wúlu-bɔle lɛa. Izirayeli minin lɛn nə́ nɔ̀n da Dɛnaa Lawa la: «Wɔ doamaa nɛ wɔ wusoo wɔ wo zia baa wɔ dɔɔ̃n Bɛnzamɛn tɔrɔn lɛn ganaa hinlaa wɔ doamaa nɛ wɔ a lɛ da?» Dɛnaa Lawa nə́ ǹ lɛ si: «Ka woo, a giala, biɛ̃, ma á re Bɛnzamɛn tɔrɔn lɛn we ka gɔn.»

Samayeli1 10:22

Ǹ nə́ wusoo ǹ nə́ nɔ̀n da Dɛnaa Lawa la: «Min kɔsɔ tan, ǹ dɛnaa n kànaa?» Dɛnaa Lawa pɛ: «Á ke durii-n tán guĩn genli.»

Samayeli1 28:15

Samayeli pɛ Sayulu ni: «Wàa na á baa n ma bíi, ń maa susui lɔlɔkɔn?» Sayulu pɛ: «Ma n nyɛ́ɛ gole gɔ́ɔ̃ nɛ. Filisiti minin man zia diɛ ma-a, Lawa nə́ n wɔlɔ lui ma ganaa. A ba ma lɛ sii doo wa. A ba Lawa a boo gii-dalin hinlaa narɛɛn siɛ doo a tá ma lɛ sii-n wa. Bɛ lɛ nɛ, ma lɛ dia n la, màn mɛn bɛ́ toɛ, ma doamaa bɛ́ nɛ ma sii mɛn zɛnaa, n bɛ pɛ ma nɛ.»

Samayeli1 28:6

Sayulu nɔ̀n da Dɛnaa Lawa la, sɛnɛ, Dɛnaa Lawa na a lɛ si wa. A na a lɛ si ka narɛ-n wa, a na a lɛ si ka buun diɛ-n wa, a boo kɔn dɔ da a boo gii-dalin manɛ mà ǹ pɛ-n wa.