Zeremii 21:14 - LAWA A BOO SONBORE

¹⁴ Man die yui ka gialaa a kɔnpɛ ka kaa zɛnaa ǹ siin ni, Dɛnaa Lawa a da ǹ boo ne. Ma á re tɛ diɛ kaa *Sɛdrə daã kɛ ganaa, màn mɛn tumaa bɛ́ a lɛnpɛnɛ, a na a tumaa kũ lenlen.

LAWA A BOO SONBORE 2011

¹⁴ Man die yui ka gialaa a kɔnpɛ ka kaa zɛnaa ǹ siin ni, Dɛnaa Lawa a da ǹ boo ne. Ma á re tɛ diɛ kaa *Sɛdrə daã kɛ ganaa, màn mɛn tumaa bɛ́ a lɛnpɛnɛ, a na a tumaa kũ lenlen.

Zeremii 21:14 ပူးပေါင်းရင်းမြစ်များ

KZS2 36:19

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.

Suusun 1:31

Kaa giã ǹ gɔn lɛ a siin man die kuĩ ka dinin mìi ni. Kaa sii yɔrɔ bɔn kɛn, ǹ tìĩ á re boe ka nyin ni kusikusi.

Suusun 12:14

Min a sii á boe la a yɔrɔ yɛ lɛ gɔ́ɔ̃ ǹ boo barka nɛ ka dí bɛ́ saraa koe min la lɔn.

Izayii 10:12

Sɛnɛ, bɛ̀ Dɛnaa nya a dín kɛn ganaa *Siɔn kele la ka Zeruzalɛmu ni ǹ mɛn waáraa, á re yui Asiiriin kii gialaa, a din gole kɔ laanka a din koa kɛ taman yii.

Izayii 10:16

Bɛ lɛ taman yii, Dɛnaa Lawa Pàãyiidɛnaa á re a zia-baali kasiɛ̃ wolen kɛn pɛrɛ. Ǹ siĩnbaa gɔ́ɔ̃ nɛ, tɛ n die yui ǹ ganaa girigiri.

Izayii 24:21

Bɛa pinaa lɛ nɛ, Dɛnaa Lawa n die yui lon a zia kurun gialaa lon, ka tán a kiin ni tán la.

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Zeremii 11:16

Má goã má tɔ kɔ a ganaa máa "*olivie da, luu tì, nɛ sonbore koe biikoo yii li". Sɛnɛ, bìn diɛ gole goon gɔ́ɔ̃ nɛ, ma tɛ da a luun ganaa, a gùrùn tumaa yiyiɛ.

Zeremii 11:22

Bɛ lɛ nɛ, Dɛnaa Lawa Pàãyiidɛnaa n kɛ pii: «Man die yui ǹ gialaa. Ǹ tá re ǹ nɛ tenən dii zia la. Bòo á re ǹ nɛgiĩn laanka ǹ nɛlɔn dii.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 17:27

Sɛnɛ, bɛ̀ ka n too kɔ ma lon wa, bɛ̀ ka susu ǹ pii koa maa wɔ lɛa wa, bɛ̀ ka guĩ da ka mìi ni, bɛ̀ ka bɔ ka Zeruzalɛmu a kiɛnlɛn nɛ, bɛ̀ á n baa miɛ̃, man die tɛ diɛ kiwi lɛ ganaa. Á re Zeruzalɛmu a kion sonboren kɛn kuĩ, a ná a nimi wa.»

Zeremii 22:1

Dɛnaa Lawa pɛ Zeremii ni: – Yoo, n wo Zudaan kii a kion, n boon kɛn da walan.

Zeremii 22:7

Ma á re basaã-kɔlen diɛ, didie n ka ziabaa ǹ mànan nɛ, ǹ da n gialaa. Ǹ tá re n da dadara sonboren kɛn dii, ǹ tɛ da ǹ ganaa.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Zeremii 46:23

Maǹ a daã gialaa dii, daã mɛn bɛ́ min ná a boe la á we a-n lɛlɛ wa. A giala, maǹ mɔnaa-n ka bisin bɛ́ lɔn, min kɔn ná a boe la a ǹ nimi wa. Dɛnaa Lawa a da ǹ boo ne.

Zeremii 50:32

Din koa wole nə n gòã niɛ a mɛnaa. Min kɔn ba yii a saa a da lon wa. Man tɛ diɛ a kiwin gana. Màn mɛn tumaa bɛ́ ǹ lɛnpɛnɛ, man tɛ diɛ a tumaa ganaa.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Zeremii 6:29

Fuũ na a tɛ zoɛ̃ biikoo yii li. Bɛ̀ á daa a zii li, fɔlɔ n yoe tɛ-n. Fuũ lɛ n zoɛ̃ li mà a zan lɛ yoreen kɔ. Sɛnɛ kànaa, bɛa yɔrɔ yii wa, *gɔ̀ lɛ a boe wa.

Zeremii 9:25

Sonbore, Ezipti minin ni, Zudaa minin ni, Edɔmu minin ni, Amɔn tɔrɔn nɛ, Moabu minin ni, ka diə gole minin kɛn nɛ n karazɔɔ ka koɛ̃, bɛn kuriimaa bie wa. Izirayeli minin lɛn dininmaa kuriimaa bie masɛ Dɛnaa Lawa yii li wa.

Busii pɛ 2:3

A foo-yoo baraa lɛ gɔ́ɔ̃ nɛ, á Izirayeli pàã tumaa ziziɛ̃. Á n piã ka a dɔmalɛ nɛ bɛ̀ a zɔ́ɔ lɛ bɛ́ á daa á dɔ. Sɛnɛ, á tɛ da, á kũ, a ná a zaman lɛnpɛnɛ.

Ezekieli 21:3

Kɛ pɛ gusin a lɛ̀gɔn la a daã lɛ wɔ paǹ li: «Ka n too kɔ masɛ Dɛnaa Lawa a da ǹ boo li: Á ke, man die tɛ diɛ n ganaa. Da buruu tumaa nɛ, a gere tumaa nɛ, á re bɛn kuĩ. Bɛa tɛ gole kɛ lɛ a re nimi wa. Á re màn tumaa kuĩ, a saa gusin a lɛ̀gɔn la ganaa, a wo gɔsɛ a lɛ̀gɔn la yaa.

Misee 7:13

Sɛnɛ, kanaa lɛ gɔ́ɔ̃ kooro á die goɛ̃, kanaa minin lɛn dinin zɛnaa ǹ sii taman yii, ǹ nya ǹ dín lɛn saraa nɛ.

Zakarii 11:1

Liban gána, n kiɛnlɛn bũ tɛ nə n *sɛdrə dan kɛn kũ!