Zeremii 21:1 - LAWA A BOO SONBORE

¹ Dɛnaa Lawa boon mɛnɛn da Zeremii ni kii Sedekiasi a paǹ li, ǹ nə́ ke. Kii lɛ na á goã á Malkia a nɛgiĩ Pasewuru laanka Maseya a nɛgiĩ Lawa a wúlu-bɔle Sefania dia Zeremii li mà ǹ wo pɛ-n kɛnɛn:

LAWA A BOO SONBORE 2011

¹ Dɛnaa Lawa boon mɛnɛn da Zeremii ni kii Sedekiasi a paǹ li, ǹ nə́ ke. Kii lɛ na á goã á Malkia a nɛgiĩ Pasewuru laanka Maseya a nɛgiĩ Lawa a wúlu-bɔle Sefania dia Zeremii li mà ǹ wo pɛ-n kɛnɛn:

Zeremii 21:1 ပူးပေါင်းရင်းမြစ်များ

Kiin2 22:13

«Sɛ́wɔ mɛn lɛ yɛ, boo mɛn bɛ́ bɛ gɔ́ɔ̃ nɛ, ka wo nɔ̀n da Dɛnaa Lawa la bɛ wɔ gɔn la, masɛ laanka zaman lɛ a lɛa, ka Zudaa minin tumaa nɛ. A giala Dɛnaa Lawa a foo yoo lɛ á gole. A foo na á yoo wɔ li, a giala wɔ digolon nə n too kɔ sɛ́wɔ kɛ lɛ a boo ganaa wa. Màn mɛn yii bɛ́ kiɛ̃ nɛ a nɛ, ǹ tɔ wɔ á kɔnpɛ ka bɛ-n wa.»

KZS1 3:15

Zoziasi a nɛnyaanan man ka kɛn nɛ: A nɛ bibinaa n ka Zoanan nɛ, a paabaa ǹ wɔ n ka Zoakimu ni, a sɔɔbaa ǹ wɔ n ka Sedekiasi ni, a siibaa ǹ wɔ n ka Salumu ni.

KZS1 9:12

Adayaa dɔ goã a tan. Asɛ digolon man ka Yerohamu ni, Pasewuru ni, ka Malkiya nɛ. Masayii dɔ goã a tan: Asɛ digolon man ka Adiyeli ni, Zekaria nɛ, Mesulaamu ni, ka Misilemiti laanka Imɛɛrɛ nɛ.

KZS2 36:17

Dɛnaa Lawa Baabiloniin kii da gána lɛ ganaa, á woo a zia baa. Bɛa kii lɛ sɔraasin dɛ yǎa Lawa a kion. Min kɔn makara bie boe a ganaa wa: tɔntɔraa tenən ne, nɛlɔ tenən ne, min yii fuliin ni, ka min zizin ni. Lawa nə́ ǹ tumaa wɔ a gɔn.

Nehemii 11:12

ka ǹ dɔɔ̃nɔn kɛn dɔn nɛ dí nyɛɛ Lawa a kion: min biɛkiwisi ka fuəwenpaa (822). Yerohamu tɔrɔ Adayaa ke, Pelalia tɔrɔ lɛa, Amusi tɔrɔ lɛa, Zekaria tɔrɔ lɛa, Pasewuru tɔrɔ lɛa, Malkiya tɔrɔ lɛa, bɛ nɛ,

Zeremii 29:25

– Dɛnaa Lawa Izirayeli a Lawa n kɛ pii: «Ń goã ń sɛ́wɔ dia ka n din tɔ nɛ minin kɛn la giã-n Zeruzalɛmu, Maseya a nɛgiĩ Lawa a wúlu-bɔle Sefania nɛ ka Lawa a wúlu-bɔle gialakunun kɛn nɛ. A n kiɛ̃-n bɛa sɛ́wɔ lɛ-n kɛnɛn:

Zeremii 29:29

Sɛnɛ, Lawa a wúlu-bɔle Sefania bɛa sɛ́wɔ lɛ pɛ Lawa a wúlu-bɔle Zeremii ni.

Zeremii 35:4

Á woo ǹ ne Lawa a kion, Idigaliya a nɛgiĩ, Lawa a min Hanan a nɛgiĩn kion nɛ kɛ nɛ. Bɛa kion nɛ lɛ n kiãn kion genli, Salumu a nɛgiĩ Maseya a kion nɛ kɛ lalan, ke Lawa a kion a wɔ ǹ kiɛnlɛ lɛduĩ.

Zeremii 37:1

Baabiloniin kii Nebukadenezɔɔrɔ na á Zoziasi a nɛgiĩ Sedekiasi koa kii lɛa Zudaa gána mìi la. Sedekiasi na á Zozakimu a nɛgiĩ Konia bǎã saa.

Zeremii 37:17

Ǹ kɔn pinaa, kii Sedekiasi min dia mà a wo lɛ dia la. A n li a nɔ̀n da la ka durii ni a kii kion lɛ nɛ. Kii lɛ nɔ̀n da la: «Dɛnaa Lawa boo da n nɛ masɛ a paǹ li?» Zeremii ná a lɛ si: «Hiĩ, Dɛnaa Lawa á re n we Baabiloniin kii gɔn.»

Zeremii 37:3

A da yaa, kii Sedekiasi na á Selemia a nɛgiĩ Yukaali laanka Maseya a nɛgiĩ Lawa a wúlu-bɔle Sefania dia Zeremii li. Ǹ nə́ pɛ-n kɛnɛn: «Dɛnaa Lawa, wɔa Lawa nyankɔ wɔa lɛa!»

Zeremii 37:7

– Dɛnaa Lawa Pàãyiidɛnaa, Izirayeli a Lawa n kɛ pii: «Zudaan kii mɛn nə ka dia ma li, ka wo pɛ-n kɛnɛn: Faarahɔn a sɔraasin mɛnɛn nə soo mà man die n doe ka lɛ, ǹ nə́ n bɔyaa ǹ nə́ woo Ezipti gána nɛ.

Zeremii 38:1

Matan a nɛgiĩ Sefatiya nɛ, Pasewuru a nɛgiĩ Gedalia nɛ, Selemia a nɛgiĩ Yukaali ni, ka Malkia a nɛgiĩ Pasewuru ni, ǹ nə́ Zeremii a boon kɛn ma á goã ǹ pii zaman tumaa nɛ:

Zeremii 38:14

Kii Sedekiasi min dia mà a wo lɛ dia Lawa a boo gii-dali Zeremii la. Á daa nɛ Lawa a kion a kiɛnlɛ sɔɔbaa ǹ wɔ kɛ li. Á pɛ nɛ: «Man die nɔ̀n goon diɛ n la, n nyan boo kɔn duru ma la wa.»

Zeremii 52:24

Kii-lɛduə̃lin goledɛnaa lɛ wúlu-bɔlen goledɛnaa Seraya kũ, a kiodɛnaa Sefania nɛ ka Lawa a wúlu-bɔle sɔɔ nɛ Lawa a kion lɛ a kiɛnlɛ lɛduĩ.