Zeremii 20:7 - LAWA A BOO SONBORE

⁷ Dɛnaa Lawa, ń ma sã, má toa ń ma sã. N pàã zɛnaa ma nɛ, ń boo ma la. Lɛawaa tumaa gɔ́ɔ̃ nɛ, minin man yaa we ma ganaa, min tumaa n ma foo siɛ.

LAWA A BOO SONBORE 2011

⁷ Dɛnaa Lawa, ń ma sã, má toa ń ma sã. N pàã zɛnaa ma nɛ, ń boo ma la. Lɛawaa tumaa gɔ́ɔ̃ nɛ, minin man yaa we ma ganaa, min tumaa n ma foo siɛ.

Zeremii 20:7 ပူးပေါင်းရင်းမြစ်များ

Kiin2 2:23

Yiliizee kiɛ̃ walan á woo Betɛli. A bɛ́ zii la woe, nɛ tenən nə́ soo kiwi gɔ́ɔ̃ nɛ, ǹ nə́ goã yaa we a ganaa, bɛ̀ ǹ tá pii: «N tan baã fu-a! N tan baã fu-a!»

Zɔbu 12:4

Bɛ̀ ma á Lawa nyankoe lɛlɛ, a n ma lɛ sii. Kanna, maa giaáran man ma diɛ yaa lɛa. Masɛ din min pepere zɛ̀rɛbaãnaa lɛ, ǹ nə́ ke ma diɛ yaa lɛa.

Zɔbu 30:9

Á ke kanna, nɛnyaanan man loe loe ma din ganaa, maǹ sùn biɛ ka ma din tɔ nɛ.

Loen 119:51

Din gole-kɔlen kɛn nə́ ma da yaa lɛa taãn-taãnɛ, sɛnɛ, ma sã n landa kɛ a zii-a wa.

Izayii 8:11

Dɛnaa Lawa nə́ n gɔn waa ma nɛ ka pàã nɛ, mà ma baran n saa Zudaa gána minin giã ǹ gɔn li wa. A boo mɛn pɛ ma nɛ, bɛ á ke:

Zeremii 15:10

Maa wɔ n ka koe ne! Maa náa, ma n nə́ ma yɛ koe laanka zia taman yii gána lɛ tumaa nɛ? A da yaa, min kɔn a giɔ̀mɔ ba ma ganaa wa, ma wɔrɔ dɔn bii min kɔn la wa. Min tumaa lɛn baraa bíi ma li.

Zeremii 15:18

Dan ba maa là paparɛɛ la wa. Wàa na á baa? Maa busulɛ á nyɛɛ wa. A ba n lɛ tiɛ̃ wa. Bɛ giala? Sonbore, ma n ka mu zii bɛ́ lɔn ma gɔn, minin yiri siɛ̃, mu ná a yii a-n biikoo yii li wa.

Zeremii 17:16

Dɛnaa Lawa, masɛ bie má n laa n ganaa máa n dɔlɔ da ǹ mìi-n wa. N din tá doɛ̃, ma koe taasɛ ǹ paǹ li wa. Ma boo mɛn da, man má da n din yɔrɔ-a.

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Zeremii 29:26

Dɛnaa Lawa na á n koa Lawa a wúlu-bɔle lɛa Lawa a wúlu-bɔle Zozadaa bǎã nɛ. N doamaa nɛ n ga gàãnaan kɛn walan n dinin biɛ Lawa a boo gii-dalin lɛa Lawa a kion. N doamaa nɛ n nə ǹ tumaa kaa zɔrɔka nɛ, n fɔlɔ guguru da ǹ bɔlɔ-a.

Zeremii 38:19

Kii Sedekiasi Zeremii lɛ si: «Zudaa minin mɛnɛn nə n dinin wɔ Baabilonii minin gɔn, man nyɛ́ɛ biɛ máa ǹ yaa kiɛ̃ ma we ǹ gɔn, ǹ baraa zɛnaa ma nɛ.»

Busii pɛ 3:14

Maa zaman tumaa n ma diɛ yaa lɛa, ǹ nə́ loe loe ma ganaa lɛawaa yii li.

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Misee 3:8

Sɛnɛ, masɛ Misee, Dɛnaa Lawa yiri na á pàã gole kɔ ma la, ka peperebaa laanka foo tãbaa nɛ, màn mɛn bɛ́ toɛ, ma Zakɔba tɔrɔn kɛn Lawa bɔlɔ tii boo kɛ da ǹ nɛ, ma Izirayeli minin kɛn sii baraa kɛ pɛ ǹ nɛ.

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Luku 23:11

Erɔdi laanka a sɔraasin ná a kiɛɛrɛ kɔ, ǹ nə́ yaa wɔ a ganaa. Erɔdi mɔnaa sonbore kɔ́n wɔ a ganaa, á wusoo á dia Pilati la.

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 17:32

Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.

Korɛnti1 9:6

Hinlaa, masɛ laanka Barnabaasi dinsɔɔ̃ doamaa nɛ wɔ dí nya, wɔ tɔn màn-bii yɛ wɔ bii?

Ebrəə 11:36

Gialakunun dɔn nə́ nɔmaa da-yaa lɛa gɔn, ka sɛ̌n nɛ, ka fɔlɔ biɛn kaamaa nɛ, ka da kòso-n ne.