Zeremii 2:7 - LAWA A BOO SONBORE

⁷ Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

LAWA A BOO SONBORE 2011

⁷ Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 2:7 ပူးပေါင်းရင်းမြစ်များ

Nehemii 9:25

Ǹ nə́ kiwi dadara kungɔndɛnan kũ ǹ nə́ ǹ si, ka tán bǎã sonbore ne. Ǹ nə́ kionən si ǹ nə́ ǹ baa ǹ wɔ lɛa. Bɛa kionən lɛn man piɛ̃ nɛ ka gɔn màn tɔrɔ tumaa nɛ, ǹ nə́ tù foɛ̃n si tán ǹ nə́ ǹ baa ǹ wɔ lɛa, ka *rezɛ̃ dan nɛ, ka *olivie dan nɛ, ka da nɛ-kɔle gigiã nɛ. Ǹ nə́ màn bii, ǹ nə́ kã, ǹ nə́ kasã, ǹ nə́ goã kanaa a nɔnɔ̀ɔbaa lɛ li, n bǐɛ̃ gole lɛ barka nɛ.

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Izayii 19:25

Dɛnaa Lawa Pàãyiidɛnaa n die barka diɛ ǹ ganaa a pɛ: «Man barka diɛ maa zaman Ezipti ganaa, ka Asiirii mɛn bɛ́ má zɛnaa ka ma gɔn nɛ, ka Izirayeli gána kɛ nɛ maa wɔ lɛa.»

Zeremii 16:18

Ma á re ǹ kiɛ ǹ gɛ̀-dɛ ǹ giɔ̀mɔ lɛ laanka ǹ sãn lɛn saraa a laman paa saraa ganaa. A giala, ǹ nə́ *gɔ̀ da maa gána lɛ ganaa ka ǹ màn nyín gere bɔbɔnɛɛn kɛn nɛ. Gána mɛn bɛ má bɔ má koa maa wɔ lɛa, ǹ nə́ bɛ pã ka màn bɔbɔnɛɛn nɛ.»

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 3:2

N yii saa lon, n nə n yɔrɔ dia tentenen kɛn la n ga. Tenten goon din tá yii ǹ bii mà n nə n naarɛbaa zɛnaa la wa? Ka diə gole a mu gòo-kɔlin bɛ́ lɔn, N nə́ n goã giã-n tán zii lɛkoro-a, n yii diɛ n sanan la. Ń gána lɛ gɔgɔrɛ kɔ ka n kɔrɔbaa kɛ nɛ, ka n giã ǹ gɔn baraa nɛ.

Zeremii 3:9

«A na á naarɛbaa lɛ zɛnaa kun ka dìn mɛnɛn bɛ́ kɔlɔ hinlaa gɔn lɛa. A naarɛbaa baraa lɛ taman yii, á gána lɛ gɔgɔrɛ kɔ.

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Zeremii 32:30

A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

Ezekieli 20:24

A giala, ǹ goã koe maa sii yɔrɔ bɔ ǹ boon kɛn lɛ wa, ǹ nə́ n piã ka maa landa boon kɛn nɛ, ǹ nə́ maa susu ǹ piin kɛn ziziɛ̃, ǹ nə́ n yiin doa ǹ digolon dìn kɛn la.

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Ezekieli 23:35

«Bɛ lɛ na á toa masɛ Dɛnaa Lawa á kɛ pii: N yiri bɛ́ á bɔ ka masɛ nɛ, n bɛ́ ń ma tii, n din tá re n toɛ̃ ka n gɛsɛbaa laanka n kɔrɔbaa ǹ siin lɛn guĩ ni.»

Ezekieli 36:17

Minbuiin a nɛ, n too kɔ. Izirayeli tɔrɔn bɛ́ ǹ nə́ goã ǹ gána lɛ nɛ, ǹ dinin man nə́ ǹ gána lɛ gɔgɔrɛ kɔ, ka ǹ giã ǹ gɔn laanka ǹ zɛnaa ǹ siin ni. Masɛ yii li, ǹ giã ǹ gɔn lɛ n ka lɔ a *gɔ̀ bɛ́ lɔn, bɛ̀ a lɛawaa tá a ganaa.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Misee 2:10

Ka yoo ka n tan kəni! A giala, kànaa kɛ bie kaa susu ǹ bǎã lɛa bɔrɔ wa. Ka sii gɔgɔrɛ mɛn zɛnaa, a basaã á die ka yii, á die baraa koe ka ganaa.

Minin nimi 13:27

Maǹ nə́ goã ǹ nə́ boo lɛ yɔrɔ pɛ Muizu-n kɛnɛn: «N wɔsɛn dia gána mɛn lɛ nɛ, wɔ woo. Taãn mà a n pɛ, bɔ̀nyaa laanka zoo nyɔɔ n baa sii a nɛ. A da nɛn nə́ ke.

Timəə dí-pɛn 21:23

ka nyan toa a gere lɛ lɛ̀ waa da lɛ ganaa wa. Ka doamaa-n ka bĩ a din pinaa. A giala, bɛ̀ ǹ nə́ min dɔ gere lɔɔ lon miɛ̃, Lawa na á koe bɔ bɛa dɛnaa ganaa. Bɛ lɛ nɛ, kaa Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka nyan toa ka a tán zaãbaa wa.

Timəə dí-pɛn 32:9

A giala, Dɛnaa Lawa wɔ gii bɛ́ ka màn mɛn nɛ, a din a minin kɛn manɛ. Zakɔba tɔrɔn lɛn, bɛn lɛn man doe a ganaa.

Timəə dí-pɛn 6:18

Sii mɛn bɛ́ pepere, á n siĩni Dɛnaa Lawa yii li, ka bɛ zɛnaa. Bɛ á re toɛ, kaa wɔ bǐɛ̃ kɔ. Dɛnaa Lawa nə n liɛ mà asɛ á re gána sonbore mɛn koe ka la, ka boo la ka wɔ bɛ nɛ, ka si ka baa kaa wɔ lɛa.