Zeremii 2:6 - LAWA A BOO SONBORE

⁶ Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

LAWA A BOO SONBORE 2011

⁶ Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Zeremii 2:6 ပူးပေါင်းရင်းမြစ်များ

Kiin2 2:14

Dɔnkɛ gole mɛn lɛ bɔ Yilii ganaa á mɛnaa, Yiliizee bɛ bɔ á tà mu lɛ dɛ nɛ, á n toa: «Dɛnaa Lawa n maa, Yilii a Lawa lɛ?» Yiliizee dɔ bɛ́ á tà mu lɛ dɛ, tà mu lɛ nə́ n na kɔn wɔlɔ paa, Yiliizee kiɛ̃.

Zɔbu 3:5

Toa wɔlɔ tì biribiri si a n kɔ lɛ, toa labara tì waa la, toa wɔlɔ tì gole nyɛ́ɛ da a ganaa.

Zɔbu 35:10

Sɛnɛ, min kɔn ba giɛ Lawa li wa, asɛ mɛn bɛ́ á ǹ zɛnaa, á n foo kɔɔ̃n-baa ǹ loe we ǹ lɛ-n tèlò-n.

Loen 23:4

Haalɛ ta man tɔ we wɔlɔ tì li gɛ̀ lɛ giulun, ma a re nyɛ́ɛ biɛ sii baraa kɔn nɛ wa, a giala mà n tá kun ma nɛ. N bɛ́ ma lɛduĩ ka bàlà mɛn nɛ, n nə́ ma nyɛɛnaan boe ka balangɔɔ mɛn nɛ, bɛ lɛ n ke ma foo doɛ.

Loen 77:5

Dɛnaa, n din nə ma kurii yii tã kɔn ganaa tèlò-n. Ma yiri nə́ n lɔlɔkɔn, ma bɛ́ re boo mɛn diɛ, ma a bɛ doɛ̃ wa.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Izayii 64:7

A da yaa Dɛnaa Lawa, n din ni wɔa díi lɛa. Wɔsɛn man gì lɛa, nsɛ n dɔn-bɔle lɛa. N din nə n wɔ tumaa zɛnaa.

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

Zeremii 5:12

Zudaa minin nə́ soɛ bɔ Dɛnaa Lawa wɔ paǹ li. Ǹ nə́ pɛ mà a banban. Koe á re boe wɔ ganaa wa, wɔ a re zia yii wa, bòo á re wɔ kuĩ wa!

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Zeremii 51:43

A kiwin nə́ kɛbɔlɔn baa. Gána lɛ nə́ n baa tán gere lɛa, min ná a boe la a giã-n doɛ̃ wa, min ná a boe a-n dɔn wa.

Ozee 12:13

Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Amɔɔsi 2:10

Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

Matiə 4:16

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì ni, geren piɛ, wɔlɔ fúlu á re boe bɛn manɛ.

Timəə dí-pɛn 1:19

Bɛ kio, wɔ́ kiɛ̃ wɔ́ n bɔ Horɛbu kele li, ka wɔa Lawa, Dɛnaa Lawa lɛ goã á pɛ á laa wɔ-a lɔn. Wɔ don gangabiɛ mɛn yɛ a sii n nyɛ́ɛ diɛ, wɔ́ bɛ lɛ wɔsɔ kɔn, wɔ́ Amɔɔrɔ tɔrɔn kele yii zii kɛ saa, wɔ́ daa yǎa Kadɛsi-Barneya.

Timəə dí-pɛn 32:10

Lawa na á woo a minin yaa don, ǹ dininsɔɔ̃nɔn, don mànan lɛ-baa bii, á ǹ tamaa, á ǹ doroo, á ga ǹ walan, ka a din yii nàn bɛ́ lɔn.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Sii yɔrɔ-bɔlen 6:13

Zediɔ̃ tɔ́n pɛ nɛ: Maa dɛnaagiĩ, kaarɛ! Bɛ̀ Dɛnaa Lawa tá kun ka wɔsɛn nɛ, wàa na á baa sii kɛ tumaa tá wɔ yii? Wɔ din nə goã sii dadaran mɛnɛn tumaa laakalɛɛ wɔ nɛ, ǹ nə́ pii mà Dɛnaa Lawa na á ǹsɛn waa á ǹsɛn bɔ Ezipti gána nɛ, bɛa siin lɛn man maa kəni? Sɛnɛ, á ke pelo, Dɛnaa Lawa wɔ toa walan, á wɔ kɔ Madiã minin la.