Zeremii 2:20 - LAWA A BOO SONBORE

²⁰ Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

LAWA A BOO SONBORE 2011

²⁰ Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

Zeremii 2:20 ပူးပေါင်းရင်းမြစ်များ

Kiin1 12:32

Mui mɛn bɛ́ lɛ̀ a mui a kiwisi baa ǹ wɔ lɛa, Zeroboamu zɔ́n goon zɛnaa bɛ li, a lɛawaa fulusoorobaa ǹ wɔ pinaa. Á bɛ baa zɔ́n lɛa ka ǹ bɛ́ nɛn bɛ̀ ǹ zɛnaa Zudaa gána-n lɔn. Zeroboamu woo *wúlu bɔ ǹ bǎã nɛ. A na á zɛnaa miɛ̃ Betɛli dɔ nɛ, a diin nɛ nyínin mɛnɛn lɛn zɛnaa, á wúlu bɔ ǹ ganaa. A wúlu bɔ ǹ bǎãn mɛnɛn dɔ, á bɛn wúlu-bɔlen bɔ á ǹ koa Betɛli.

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Loen 107:14

Á ǹ bɔ wɔlɔ tì li, wɔlɔ tì biribiri li, á ǹ fɔlɔ biɛn fore á ǹ bɔ ǹ ganaa.

Loen 2:3

KIIN lɛn nə́ pɛ: Ka daa wɔ n bɔlɔ bɔ ǹ biɛ nɛ. Ka daa wɔ n si ǹ la.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Bɔ bɛ̀rɛbaa nɛ 19:8

Zaman lɛ tumaa na a lɛ si kun: «Dɛnaa din màn mɛn tumaa pɛ, wɔsɛn tá re bɛ tumaa zɛnɛɛ.» Muizu wusoo á daa zaman lɛ a boon lɛn pɛ Dɛnaa nɛ.

Bɔ bɛ̀rɛbaa nɛ 24:3

Muizu daa bɛa boon kɛn lɛn tumaa pɛ zaman lɛ nɛ, ka bɛa sii zɛnaa ǹ gɔnɔn kɛn lɛn tumaa nɛ. Zaman lɛ tumaa ná a lɛ si ka lɛn goon ne: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ.»

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 10:27

Bɛa pinaa kɛ nɛ, guĩ mɛn bɛ́ n kɔrɔn, á re bɛ siɛ a bɔ n la. N zǔu lɛ á re yiɛ, a giala n tá re wusii n pàã yɛ.

Izayii 14:25

Ma á re Asiirii minin pàã nyɛɛ maa gána nɛ. Ma á re ǹ yɔyɔrɛ maa kelen kɛn la. Ǹ pàã ke maa zaman wìi li ka zǔu bɛ́ lɔn, ma á re bɛ siɛ ma bɔ ǹ la. Ǹ guĩ guguru ke maa zaman kɔrɔn, ma á re bɛ gisĩ.»

Izayii 9:4

Zɔ́ɔn gòã ganaa ǹ kɔsɔn kɛn bìn diɛ tán ganaa, ka mɔnaan kɛn nɛ mà lɛa, bɛn tá re n zuĩ tɛ buə ne tɛ á re ǹ tumaa kuĩ.

Zeremii 13:27

Áh! Má n naarɛbaa kɛ yɛ, n foo kɔɔ̃n lɛ dian kɛn nɛ, n sìi da ǹ kɔrɔbaa kɛ nɛ, kelen la, wurun ni. Má n dì bɔbɔnɛɛn kɛn yɛ. Wàa koe n ka kɛ nɛ Zeruzalɛmu ganaa? N ba li n nə n din *yoreen kɔ wa? Yǎa biĩ kəni?

Zeremii 17:2

Ǹ bɛ́ n taasɛ ǹ nɛnyaanan nɛ lɔn, maǹ nə n taasɛ ǹ wúlu bɔ ǹ bǎãn laanka ǹ dì bìbĩn kɛn nɛ miɛ̃, ka da luu tìtìn kɛn nɛ tentenen mìi ni,

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 30:8

Dɛnaa Lawa Pàãyiidɛnaa a da ǹ boo á ke: «Ǹ kɔn pinaa, ma á re ǹ sii ma ǹ bɔ pàã kɛ gɔn, ke ǹ wìi li ka zǔu bɛ́ lɔn. Ma á re ǹ zɔrɔkan kɛn niɛ̃ ma bɔ ǹ ganaa. Bɛa waáraa kəni, ǹ ba re bɛ̀rɛn biɛ tiin gɔn wa.

Zeremii 5:5

Man die woe nyɛɛnaandɛnan li, ma á re boo diɛ ǹ nɛ, ta a baalan, bɛn tá Dɛnaa Lawa dùũ doɛ̃ ka ǹ Lawa a dí-pɛn nɛ.» Sɛnɛ, haayii! Ǹ tumaa kun, ǹ nə́ ǹ zǔun yiyiɛ, ǹ nə́ ǹ biɛn nana.

Ezekieli 16:28

Ma nə́ n kɔrɔbaa zɛnaa kun ka Asiirii minin kɛn nɛ, a giala mà màn ba n boe wa. Sɛnɛ, a laanɛ n kɔrɔbaa lɛ zɛnaa kunun ǹ ni, a bɛ́ a n bɔ wa.

Ezekieli 16:31

N bɛ́ kɔrɔbaa ǹ bǎãn kɛn doe, dì wúlu bɔ n bǎãn kɛn, ziin tumaa a giala kɔ ǹ bǎãn nɛ, zaman paãn bǎã tumaa nɛ, n bie n zɛnaa ka lɔ kɔrɔn kɛn dɔn dinin wɔ bɛ́ lɔn wa. N lɛ kɔ saraa ganaa wa.

Ezekieli 16:41

Ǹ tá re n kionən tiɛ̃. N doamaa bɛ́ ka dɔlɔ mɛn nɛ, ǹ tá re bɛ boe n ganaa lɔ damata yii ni. Ma á re n kurii n kɔrɔbaa kɛ lɛ ganaa, n nə́ n ba re boe la n min din saraa doo wa.

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 23:5

Sɛnɛ, a laanɛ Oholaa tá masɛ wɔ lɛa, á kɔrɔbaa zɛnaa. Á n din kɔ a tɔntɔraa Asiirii minin kɛn la.

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Ozee 3:3

Má tɔ́n pɛ nɛ: «N yii da ma la lɛawaa damata gɔ́ɔ̃ nɛ, n baran kɔrɔbaa zɛnaa wa, giĩ kɔn dɔ baran n da piì-n wa. Ma dɔ dinmaa-n die zɛnɛɛ miɛ̃ n wɔ paǹ li.»

Ozee 4:13

Maǹ nɛn bɛ̀ ǹ wúlun bɔbɔ kelen mìi ni, maǹ nɛn bɛ̀ ǹ nyɔɔ gìĩ kɔɔ̃n tã tentenen la, ka da luu kɛkɛn kɛn giulun ni, a giala ǹ wúlu n kɔɔ̃nɛ. Bɛ lɛ na á toa, kaa nɛlɔn tá kɔrɔbaa zɛnɛɛ, ka manaan tá naarɛbaa zɛnɛɛ.

Ozee 9:1

Izirayeli minin lɛn, ka nyan toa kaa foo kɔɔ̃nbaa la yii-n, ka tɔrɔ kɔsɔn kɛn wɔ bɛ́ lɔn wa, a giala, ká kɔrɔbaa zɛnaa, ká n na ka n bɔ kaa Lawa ganaa, a giala ǹ bɛ́ *belee duwii bǎã mɛn tumaa nɛ, kaa kɔrɔbaa lɛa saraa nɛ, ka tá a kio walan.

Lawa a wúlu-bɔlen 26:13

Masɛ din Dɛnaa Lawa n kaa Lawa lɛa. Masɛ din ni má ka waa má ka bɔ Ezipti minin kɛn gána nɛ, màn mɛn bɛ́ toɛ, ka baran bɛn bɛ̀rɛn baa doo wa. Ma din ni má Ezipti minin pàã kɛ nya má bɔ ka mìi ni, màn mɛn bɛ́ toɛ, ka dɔn nə goã ka dinin gɔn wìi a lɛa.

Nahumu 1:13

Sisia kəni, ma ka si kaa zɔ́ɔn la, ma fɔlɔ biɛn kɛn na ma ǹ bɔ ka-a.»

Timəə dí-pɛn 12:2

Ka bɛ́ re tɔrɔn mɛnɛn lɛn lui, bɛn nə ǹ dìn guguru kɔ bǎãn mɛnɛn nɛ, kele sasan la, tentenen la, da yiikoonaan giulun, ka die ka bɛa bǎãn lɛn tumaa wuru lenlen.

Timəə dí-pɛn 15:15

Ka n yiri koa li, mà ka n ká goã bɛ̀rɛ lɛa Ezipti gána nɛ, mà kaa Lawa, Dɛnaa Lawa lɛ na á ka bɔ a nɛ. Bɛ lɛ na á toa, ma á n gɔn wɛɛ ka nɛ ka bɛa sii lɛ-n pelo.

Timəə dí-pɛn 26:17

Pelo ká pɛ mà Dɛnaa Lawa n kaa Lawa lɛa. Mà ka tá re a bɔlɔ sii dɔn, ka a landa boon kɛn tamaa, a gɔn waa ǹ boon laanka a sii yɔrɔ bɔ ǹ boon kɛn nɛ, ka n too kɔ a lon.

Timəə dí-pɛn 4:20

Sɛnɛ, kasɛn, Dɛnaa Lawa na á ka waa á ka bɔ Ezipti gána nɛ, nɔmaa kaka bii, màn mɛn bɛ́ toɛ, ka asɛ din wɔn baa, ka ka á ke a lɛa lɔn pelo.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Timəə dí-pɛn 5:27

«Nsɛ nə n zɔ̃ n woo. Wɔa Lawa, Dɛnaa Lawa lɛ bɛ́ re màn mɛn pii, n too kɔ bɛ tumaa li. A bɛ́ re màn mɛn tumaa pii n nɛ, nsɛ wusoo n bɛ pɛ wɔsɛn nɛ, wɔ á re n too koe li, wɔ kɔ lɛ.»

Zozoe 1:16

Ǹ nə́ Zozoe lɛ si ǹ nə́ pɛ nɛ: «N bɛ́ dí mɛn tumaa koe wɔsɛn la, wɔ á re a tumaa nyɛɛ. N bɛ́ re wɔ diɛ bǎã woo bǎã nɛ, wɔ́ á re woe.

Zozoe 24:24

Zaman lɛ wusoo á pɛ Zozoe ne: «Wɔsɛn man die dí nyɛɛ wɔa Lawa, Dɛnaa Lawa lɛ nɛ, wɔ n die n too koe a din lɛ lon.»

Zozoe 24:26

Zozoe bɛa boon lɛn kiɛ̃ Lawa a dí-pɛn sɛ́wɔ kɛ nɛ. Bɛ kio, á kɔlɔ gole saa á doa tán da sasa kɛ giulun, bǎã kɛ nɛ, ǹ nə́ bɔ ǹ nə́ koa Dɛnaa Lawa wɔ lɛa.

Sii-nyaan 17:1

Lon a dia dí-a wolen mɛnɛn bɛ́ ǹ nə́ goã ka koe mànan nɛ ǹ gunun, bɛn goon nə́ n zɔ̃ á dɔ ma li, á pɛ ma nɛ: «Ǹ bɛ́ re dɔlɔ boe lɔ naarɛbaali gole kɛ ganaa ka yɔrɔ mɛn nɛ, daa, ma á re bɛ nyɛɛ n nɛ, kiwi gole mɛn bɛ́ ǹ nə́ dɔ pɛrɛ damata lɛkoro lɛ-a.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.

Sii yɔrɔ-bɔlen 2:11

Sii mɛn bɛ́ baraa Dɛnaa Lawa yii li, Izirayeli minin lɛn man nə́ bɛ zɛnaa, ǹ nə́ dí nya *Baalin manɛ.

Sii yɔrɔ-bɔlen 2:13

Ǹ nə́ Dɛnaa Lawa toa walan, ǹ nə́ dí nya Baalin laanka *Asitarteen manɛ.

Samayeli1 12:10

Ka nə́ n lɛ dɛ Dɛnaa Lawa ganaa, ka nə́ pɛ: «Wɔsɛn nə́ sii baraa zɛnaa, a giala, wɔ́ Dɛnaa Lawa lɛ toa walan wɔ́ dìn guguru kɔ, *Baali laanka Asitartee ne. Sisia, wɔsɛn si wɔ zɔ́ɔn la, wɔ tá re n guguru koe.»