Zeremii 19:4 - LAWA A BOO SONBORE

⁴ A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

LAWA A BOO SONBORE 2011

⁴ A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 19:4 ပူးပေါင်းရင်းမြစ်များ

Kiin2 21:16

Manaasee zɛrɛbaãnaa gigiã dɔ mà kaa tán, yǎa Zeruzalɛmu gɔ́ɔ̃ yii pã ka mà nɛ. Bɛ̀ á yoo bɛ la, sii mɛn bɛ́ baraa Dɛnaa Lawa yii li, a na á Zudaa minin lɛn kaa bɛa zɛnaa ganaa.

Kiin2 23:10

*Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

Kiin2 24:4

a goã á zɛ̀rɛbaãnaan mà mɛn kaa á Zeruzalɛmu kiwi gɔ́ɔ̃ pã nɛ, bɛ lɛ dɔ taman yii ni. A giala Dɛnaa Lawa lɛ kɔ á bɛ toa-n wa.

Loen 106:38

Ǹ nə́ zɛ̀rɛbaa᷉naan mà kaa, ǹ nɛgiĩn laanka ǹ nɛlɔn kɛn lɛn mà kɛ lɛ. Ǹ dinin man nə́ bɛa nɛnyaanan lɛn dɛ wúlu mànan lɛa, Kanaan gána a dìn ganaa. Ǹ nə́ gána lɛ tii ka bɛa mà damata kɛ nɛ.

Izayii 59:7

Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

Izayii 65:11

Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

Zeremii 1:16

Ka bɛa yɔrɔ kɛ nɛ, ma á re maa dɔlɔ boe gána lɛa minin tumaa ganaa. Sonbore, ǹ nə́ sii bɔbɔnɛɛ zɛnaa, ǹ nə́ n la bɔ ma ganaa, ǹ nə́ wúlu mànan kɔ lawa kɔsɔn la, ǹ mànan mɛnɛn zɛnaa ka ǹ dinin gɔn nɛ, ǹ nə́ bɛn guguru kɔ.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 16:11

N die n nə ǹ lɛ si kɛnɛn: – Dɛnaa Lawa a da ǹ boo á ke: «A giala, ka digolon man nə́ n la bɔ ma ganaa, ǹ nə́ kɔ lawa kɔsɔn lɛ, ǹ nə́ ǹ guguru kɔ, ǹ nə́ kaa tán-a ǹ yɔrɔ-a. Ǹ nə́ n la bɔ masɛ ganaa, ǹ maa dí-pɛn kɛn tamaa wa.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 17:20

N die n pɛ ǹ nɛ: «Ka n too kɔ Dɛnaa Lawa a boon kɛn li kasɛn Zudaa kiin kɔnlɛ ka Zudaa zaman ka Zeruzalɛmu minin kɛn nɛ boe ka bɛa kiɛnlɛn lɛn nɛ.»

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 2:34

Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Zeremii 22:3

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Zeremii 26:15

Sɛnɛ, ka doamaa-n ka sii goon dɔ̃. Bɛ̀ ka ma dɛ ma gã, kasɛn, Zeruzalɛmu laanka a minin, ka dɔ̃ mà zɛ̀rɛbaãdɛnaa a gɛ̀ n kuĩ ka mìi ni. A giala, Dɛnaa Lawa na á ma dia sonbore mà ma da boo kɛ tumaa pɛ ka nɛ.»

Zeremii 26:23

Ǹ nə́ bɔ ka Uria nɛ Ezipti gána nɛ ǹ nə́ daa nɛ, ǹ nə́ woo-n kii lɛ li. Zozakimu nə ǹ da a dɛ ganaa, ǹ ná a gere zũ geren kaa ǹ nyankɔrɔ gole kɛ nɛ.

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Ezekieli 20:26

Má toa ǹ nə́ gɔ̀ da ǹ dinin ganaa ka ǹ wúlu mànan kɛn nɛ, ǹ nə́ wúlu bɔ ka ǹ nɛgiĩ bibinaa tumaa nɛ. Man má toa ǹ nə́ bɛa sii bɔbɔnɛɛ kɛ lɛ zɛnaa ǹ dinin manɛ, màn mɛn bɛ́ toɛ ǹ dɔ̃, mà ma din nə Dɛnaa Lawa lɛa.»

Ezekieli 7:22

Ma á re n bɔyɛɛ man bɔ ǹ li, a giala, maa bǎã sonbore lɛ á re ziziɛ̃. Wurumunun tá re kiɛ a nɛ ǹ gɔ̀ da a ganaa.

Ezekieli 8:11

Izirayeli tɔrɔn lɛn *min gole sii yɔrɔ-bɔle pɔsɔbaa na á goã golee-n bɛa màn nyínin lɛn yɔrɔ-a, Safã a nɛgiĩ Yazanyawuu kɛ n kunun ǹ ni, didie a nyɔɔ gìĩ kɔɔ̃n tã ǹ màn ná a gɔn. Da yon gìĩ kɔɔ̃n kɛa tɛmaa na á goã yui lon ka labara bɛ́ lɔn.

Luku 11:50

Bɛ lɛ taman yii, ka Lawa a boo gii-dalin mɛnɛn tumaa dɛ, a kũ kanaa diɛ biikoo ganaa, bɛa dɔlɔ á die n boe pelo minin kɛn ganaa.

Timəə dí-pɛn 13:13

Kaa Lawa, Dɛnaa Lawa kiwin mɛnɛn lɛn kɔ ka la mà ka giã ǹ nɛ, kɔntan ka á re miɛ ǹ kɔn pinaa,

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 28:20

Ka bɛ́ re n gɔn diɛ dí woo dí ganaa mà ka n nyɛɛ, Dɛnaa Lawa á re bɔ̀n diɛ ka ganaa bɛ gɔ́ɔ̃ nɛ, a nyɛ́ɛ laanka gɔ́ɔ̃-bii da ka ganaa, yǎa ka giɛ̃ lenlen ka nyɛɛ bǎã goon ne, kaa sii baraa kɛ taman yii ká zɛnaa. A giala, ka n ká tii.

Timəə dí-pɛn 28:36

Ka dinin ni, ka ka kii mɛn lɛ bɔ ká koa ka mìi la, Dɛnaa Lawa á re ka diɛ tɔrɔ kɔsɔn gána nɛ, tɔrɔn mɛnɛn bɛ́ ka laanka ka digolon nə ǹ dɔ̃ wa. Walan kəni, dìn mɛnɛn bɛ́, ǹ nə́ ǹ zɛnaa ka gɔn nɛ, ka kɔlɔ nɛ, ka á re bɛn guguru koe.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Sii-nyaan 16:6

Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!»

Sii yɔrɔ-bɔlen 5:8

Maǹ nə́ goã lawa tiin boe, bɛ lɛ nɛ, zia goã yui ǹ ganaa. Izirayeli giĩ duu pusi bii, á kaka n goóro laanka sɛmiɛ̃ yɛ ǹ gɔn.