Zeremii 18:22 - LAWA A BOO SONBORE

²² Zia nɛn kaa ǹ ganaa! Ka bɛ-n kəni, lɛ-dɛ á re boe ǹ kionən ne. A giala, maǹ nyankɔrɔ foɛ̃ ma nyɛɛnɛ, maǹ kan koe ma nɛ.

LAWA A BOO SONBORE 2011

²² Zia nɛn kaa ǹ ganaa! Ka bɛ-n kəni, lɛ-dɛ á re boe ǹ kionən ne. A giala, maǹ nyankɔrɔ foɛ̃ ma nyɛɛnɛ, maǹ kan koe ma nɛ.

Zeremii 18:22 ပူးပေါင်းရင်းမြစ်များ

Loen 119:85

Din-koalin nə́ nyankɔrɔ fɔ̃ ma nyɛɛnɛ, bɛ din bɛ́ a kɔnpii ka n landa boon kɛn nɛ wa.

Loen 140:5

Dɛnaa Lawa, n nyan toa min baraan kɛn gɔn dɔ ma-a wa. Ma kanbaa min kakaarɛn kɛn ganaa, bɛn mɛnɛn bɛ́ giɛ maa bɔ a daa ǹ gɔn li.

Loen 140:6

Din-koalin nə́ kan koa ma nɛ. Ǹ nə́ biɛ laanka zɔ̀ɔ koa zii para-a, maǹ gɔn diɛ ma-a walan. Doa

Loen 142:4

Ma gù yii bɛ́ á gã ma din-a, n din tá doɛ̃, ma bɛ́ woe maa. Ma zii mɛn saa má n tɔ we la, ǹ nə́ kan koa maa zii la.

Loen 38:12

Maa giaáran laanka maa koakun wolen ne, bɛn ba n mɔrɛ maa busulɛn kɛn-a wa, ma din a minin kɛn, bɛn man giɛ̃ tìãlɛa.

Izayii 10:30

Galimu minin lɛn, ka n lɛ dɛ! Layisaa kiwi, yiri bɔ! Anaatɔti doobaanɛ!

Zeremii 18:20

Maǹ bǐɛ̃ sarɛɛ ka baraa nɛ? Maǹ nə́ nyankɔrɔ fɔ̃ mà ma mɛnaa a nɛ. A da yaa, n yiri kɔ, man má golee n din yɔrɔ-a, má boo da n nɛ ǹ dinin bǐɛ̃ kɔ á lɛa màn mɛn bɛ́ toɛ, n nə n foo yoo kɛ wɔlɔ lui ǹ ganaa.

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Zeremii 20:16

Bɛa dɛnaa nə n baa ka kiwi mɛn nə́ ke Dɛnaa Lawa ziziɛ̃, a makara ná a kũ wa. Baayɛlɛ woo baayɛlɛ, ginii lɛ n boe a nɛ, penleen, ziabaa ǹ lɛ-dɛ nɛ!

Zeremii 4:31

Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Zeremii 5:26

A giala, min baraan tá maa zaman lɛ bii. Ka dɔ-dɔli bɛ́ lɔn, manə n duri, ń yii diɛ. Maǹ nə́ kan kɔ ǹ tá minbuiinin kuĩ ni.

Zeremii 6:26

Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

Sofonii 1:16

Bɛn wuu lɛawaa nɛ ka zia lɛ-dɛ nɛ, kiwi dadaraan kɛn ganaa, tamaa nɛ, kungɔn sɔsɔrɔn nə́ ǹ lɛnpɛnɛ.

Matiə 22:15

*Fariziɛ̃n kɔnɔn nə́ woo kɔn yɛ màn mɛn bɛ́ toɛ, ǹ wo Yezu lɛ zulu, ǹ kũ ka a din lɛ gɔ́ɔ̃ ǹ boo ne.