Zeremii 17:4 - LAWA A BOO SONBORE

⁴ Ma goã má gána mɛn lɛ kɔ n la kíɛ̃ lɛa, n doamaa nɛ n bɛ toa walan. N tá re n zɔ́ɔn bɛ̀rɛ biɛ gána nɛ, ń bɛ́ n ba gána mɛn din doɛ̃ wa. Hiĩ, ka ǹ ka maa foo yoo tɛ bũ, a n die kuĩ miɛ̃ yǎa duduu.

LAWA A BOO SONBORE 2011

⁴ Ma goã má gána mɛn lɛ kɔ n la kíɛ̃ lɛa, n doamaa nɛ n bɛ toa walan. N tá re n zɔ́ɔn bɛ̀rɛ biɛ gána nɛ, ń bɛ́ n ba gána mɛn din doɛ̃ wa. Hiĩ, ka ǹ ka maa foo yoo tɛ bũ, a n die kuĩ miɛ̃ yǎa duduu.

Zeremii 17:4 ပူးပေါင်းရင်းမြစ်များ

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

Kiin2 25:21

Baabilonii gána a kii lɛ tɔ́n nə ǹ dɛ ǹ nə́ gã Ribla kiwi, Amaati gána nɛ. Maǹ nə́ Zudaa minin goa ka bɛa yɔrɔ lɛ nɛ, ǹ nə́ woo ǹ ne ǹ wɔlɔ n lui ni ǹ gána ganaa.

Nehemii 9:28

Sɛnɛ piɛ̃ bɛ́ á kaa ǹ ganaa ǹ mɛn waáraa, ǹ ná a giala kɔ doo, ǹ nə́ sii baraa zɛnɛɛ n yɔrɔ-a. Ń tɔ́n nə ǹ toa ǹ zɔ́ɔn lɛn gɔn, bɛn nə́ goã boe ǹ yii ni. Ǹ nə́ wusoo ǹ nə́ goã n lɛ dii n ganaa, ń goã n toɛ lon ǹ lɛ miɛ, n makara-doɛ̃ gole lɛ gɔ́ɔ̃ nɛ, ń goã ǹ sii ǹ kiɛ gunyin gigiã.

Izayii 14:3

Izirayeli, ǹ kɔn pinaa, Dɛnaa Lawa á re susui koe n la n nɔmaa damata kɛ laanka n bɛ̀rɛbaa kɛ kio.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Izayii 50:11

Sɛnɛ, kasɛn man tɛ koɛ ka n ka dinin lɛnpɛnɛ ka kiɛ tɛdɛnan nɛ. Á bǐɛ̃ kɔ, ka wo bɛa tɛ lɛ nɛ ka kaa kiɛn tɛdɛnan lɛ nɛ. Dɛnaa Lawa din nə die bɛ zɛnɛɛ, ka n die wɛɛ tán fuu gole gɔ́ɔ̃ nɛ.

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Zeremii 12:7

Má n la bɔ maa kion ganaa, màn mɛn bɛ́ maa wɔ lɛa, má bɛ toa walan. Zaman ke má n narɛ taãn-taãnɛ, ma nə ǹ we ǹ zɔ́ɔn gɔn.

Zeremii 15:14

Gána mɛn bɛ́ n ba doɛ̃ wa, ma á re n biɛ n zɔ́ɔn bɛ̀rɛ lɛa walan. Sonbore, maa foo-yoo lɛ n kuĩ tɛ lɛa, die ka dinin kuĩ.

Zeremii 16:13

Bɛ lɛ nɛ, man die ka lui gána kɛ nɛ. Gána mɛn bɛ́ kaa doɛ̃ wa, ka digolon dɔn dinin nə dɔ̃ wa, ka á re woe walan. Penleen laanka tèlò, ka á re lawa kɔsɔn guguru koe. Ma á re maa bǐɛ̃baa kɛ nyɛɛ ka-n doo wa.»

Zeremii 18:23

Nsɛ Dɛnaa Lawa, ǹ bɛ́ sii mɛn yɔrɔ boe màn mɛn bɛ́ toɛ ǹ ma nyin bɔ, ń tá bɛ doɛ̃ taãn nɛ. N nyan nə ǹ sii baraan toa ǹ nɛ wa! N nyan nə ǹ siɛ̃n tuturu wa! Toa ǹ mɛnaa n yɔrɔ-a! N foo-yoo pinaa, yoo ǹ gialaa!

Zeremii 2:14

Izirayeli n bɛ̀rɛ lɛa ya? A na á yɛ bɛ̀rɛbaa taman yii? Sɛnɛ wàa na á baa ǹ tá kokoe?

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Zeremii 22:28

Minin man nɔ̀n diɛ: «Konia lɛ na á n baa ka dɔn kɔrɔ bɛ́ lɔn, a na a màn kɔn bǐɛ̃ koe doo wa? Wàa na á baa, ǹ bɛ́ ǹ ba gána mɛn doɛ̃ wa ǹ nə́ a laanka a nɛnyaanan loo ǹ nə́ ǹ kaa walan?»

Zeremii 5:19

Bɛ̀ minin tá nɔ̀n diɛ mà wàa na á baa Dɛnaa Lawa, wɔa Lawa kɛ tumaa zɛnaa wɔ nɛ, nsɛ Zeremii, n tá re ǹ lɛ sii n pɛ ǹ nɛ kɛnɛn: «Ka ǹ ka n la bɔ a ganaa, ka dí nya lawa kɔsɔn manɛ kaa gána nɛ. Ka bɛa yɔrɔ lɛ nɛ, ka ǹ die dí nyɛɛ tiin manɛ gána nɛ a ná a bie kaa gána lɛa wa.»

Zeremii 5:29

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Busii pɛ 1:12

Ka ga! Kasɛn mɛnɛn tumaa bɛ́ kiɛ̃ zii la, ka koe ke yɛ wa? Ka ga! Koe tan á dɔ masɛ wɔ kɛ li Dɛnaa Lawa da ma mìi ni a foo-yoo baraa kɛa pinaa?

Busii pɛ 5:2

N gána mɛn kɔ wɔ la, á ke tiin wɔ lɛa. Min mɛnɛn bɛ́ wɔ ba ǹ doɛ̃ wa, wɔa kionən man bɛn gɔn.

Ezekieli 21:31

Ma din Dɛnaa Lawa gole n kɛ pii: Ǹ tá re n kiibaa ǹ bafolo laanka n gɛ̀lɛ boe ǹ bɔ n mìi-a, siin nə n bɔyaa. Min mɛn bɛ́ tán, bɛ á re yui lon, min mɛn bɛ́ lon, bɛ á re gisĩ tán.

Ezekieli 7:24

Tɔrɔ mɛnɛn bɛ́ babaraa, man die die ka bɛn nɛ, ǹ tá re minin kionən sii ǹ la. Ma á re min kakan kɛn din gole kɔ nyɛɛ, ǹ wúlu bɔ ǹ bǎãn kɛn, ǹ tá re gɔ̀ diɛ bɛn ganaa.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.