Zeremii 17:3 - LAWA A BOO SONBORE

³ ka ǹ kele mìin kɛn nɛ don. Nsɛ Zudaa, ma á re n naforon laanka n gɔn màn giɔ̀mɔ kakan kɛn kokoe, kɔnlɛ ka n wúlu bɔ ǹ bǎãn nɛ. Man die bɛ zɛnɛɛ n siɛ̃n kɛn tumaa a lɛa ń zɛnaa gána lɛ paǹ tumaa nɛ.

LAWA A BOO SONBORE 2011

³ ka ǹ kele mìin kɛn nɛ don. Nsɛ Zudaa, ma á re n naforon laanka n gɔn màn giɔ̀mɔ kakan kɛn kokoe, kɔnlɛ ka n wúlu bɔ ǹ bǎãn nɛ. Man die bɛ zɛnɛɛ n siɛ̃n kɛn tumaa a lɛa ń zɛnaa gána lɛ paǹ tumaa nɛ.

Zeremii 17:3 ပူးပေါင်းရင်းမြစ်များ

Kiin2 24:13

Ka Dɛnaa Lawa goã á pɛ lɔn, Baabilonii gána a kii lɛ Dɛnaa Lawa a kion lɛ a mànan yii goa ka kii a kion mànan nɛ. Izirayeli gána a kii Salomɔn goã, á sana mànan mɛnɛn zɛnaa Lawa a kion wɔ lɛa, á bɛ yii yɔyɔrɛ.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Zeremii 12:12

Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

Zeremii 15:13

Zudaa, ǹ tá re n naforo laanka n gɔn màn giɔ̀mɔ kakaan kɛn kokoe. N ba re màn kɔn yii ǹ dòo wa. N sii baraa mɛn tumaa zɛnaa n gána lɛ nɛ, bɛn lɛn lɛa nɛ.

Zeremii 20:5

Zeruzalɛmu a naforon tumaa nɛ, a dí nya á màn mɛn tumaa yɛ, a màn giɔ̀mɔ kakan nɛ, ka Zudaan kiin naforon ne, man die bɛ yii we ǹ zɔ́ɔn gɔn, ǹ kokoo, ǹ goa ǹ wo ǹ ne *Baabilonii gána nɛ.

Zeremii 21:13

Kasɛn mɛnɛn bɛ́ giã-n nyankɔrɔ basa nɛ ka gɛ̀fu la ǹ dɛnan nɛ, Dɛnaa Lawa a da ǹ boo ne, man die ka gialaa. A giala, ka ǹ pii: «Min kɔn ba boe la a dii a da wɔ gialaa hinlaa a wɔ wɔa kion wa.»

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Busii pɛ 1:10

Á ke, zɔ́ɔn nə́ n gɔn dia, ǹ nə́ a naforo tumaa goa. Min kooron dinin nə́ wɔ a kion sonbore kɛ nɛ. A da yaa, Dɛnaa Lawa nə ǹ kurəə mà ǹ nyan wɔ kun ka a zaman kɛ-n wa.

Ezekieli 16:39

Ma á re n we ǹ gɔn. Ma á re n kɔrɔbaa ǹ bǎãn kɛn dii ma ǹ kaa, n wúlu bɔ ǹ bǎãn kɛn. Ǹ tá re n mɔnaan kɛn sɔlɛɛ ǹ nə ǹ bɔ n ganaa, ǹ nə n nyaǹ bɔ ǹ màn sonboren kɛn si n la, ǹ nə n gɔ̀nɔn kooro fulupaa da bii-a.

Ezekieli 23:46

Masɛ Dɛnaa Lawa bɛ́ màn mɛn pii, bɛ n ka kɛ nɛ: «Ka zaman gole yiɛ ka kaa ǹ ganaa, ka ǹ toa nyɛ́ɛ gole kɛ gɔn, ka ǹ gɔn mànan goa.

Ezekieli 6:3

N die n pɛ kɛnɛn: «Izirayeli a kelen lɛn, ka n too kɔ Dɛnaa Lawa a boo li. Dɛnaa Lawa n boo kɛ lɛ diɛ kelen wɔ paǹ li, tentenen ne, kele biin laanka nyankɔrɔ lɛn nɛ. Man die zia kiɛ ka ganaa, ma kaa wúlu bɔ ǹ bǎãn kɛn ziziɛ̃.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Sofonii 1:13

Sɛnɛ, ǹ gɔn mànan tá re màn kokoo biɛ ǹ kionən tá re yui. Maǹ kionən doe, sɛnɛ ǹ ba re giɛ̃ ǹ nɛ wa. Maǹ *rezɛ̃ dan zumi, sɛnɛ ǹ ba re a duvɛ̃ mii wa.