Zeremii 17:11 - LAWA A BOO SONBORE

¹¹ Min mɛn bɛ́ pàãma biɛ yɔrɔ baraa la, bɛa dɛnaa na á kɔnbɔ ka koo dan nɛ, á waa gìi la, a ná a gìi dɔ da wa. A toa a yii n koo foo kɔɔ̃n la, naforo lɛ nə n gɔn boe a ganaa. A nə n gɔn nyɔmiɛ̃ baãnaa lɛa.

LAWA A BOO SONBORE 2011

¹¹ Min mɛn bɛ́ pàãma biɛ yɔrɔ baraa la, bɛa dɛnaa na á kɔnbɔ ka koo dan nɛ, á waa gìi la, a ná a gìi dɔ da wa. A toa a yii n koo foo kɔɔ̃n la, naforo lɛ nə n gɔn boe a ganaa. A nə n gɔn nyɔmiɛ̃ baãnaa lɛa.

Zeremii 17:11 ပူးပေါင်းရင်းမြစ်များ

Zɔbu 20:21

A kuruubaa lɛ taman yii, màn kɔn goã liɛ la wa. Sɛnɛ, a yii-nyɛɛ lɛ a re beleboe wa.

Loen 49:13

Minbuiin nɛ laanka a tɔ golebaa yii ni, a beleboe wa. A n ka tɔɔ bɛ́ lɔn, boɛɛn bɛ̀ a lɛ kuru.

Loen 55:23

N taasiɛ siin tumaa kɔ Dɛnaa Lawa la. Á re pàã koe n la. A re toɛ min pepere lɛ tatalaa duduu wa.

Suusun 13:11

Naforo mɛn bɛ́ yii bǎã goon ne, bɛ n nyɛɛ fufuu. Ǹ mɛn yɛ boɛ boɛ, bɛ n woe nyɛɛnɛ.

Suusun 15:27

Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

Suusun 21:6

Min mɛn bɛ́ sii zɛnɛɛ fufuu a foo na á kuĩ wa, bɛ lɛ n die doobaa biɛ.

Suusun 23:5

Bɛ̀ ń nə n yii saa ń ga-a lɔn gɔrɔ a woo á ke. A nə n nyàan dii doɛ̃ ka sia bɛ́ lɔn yui woe.

Suusun 28:16

Nyɛɛnaandɛnaa yiriwɛɛnaa a dí n ka minin koã nɛ. Sɛnɛ, bɛ̀ min mɛn nə́ n piã ka mɛnaa minin la nɛ, á re nyin sasa yii.

Suusun 28:20

Barka n die n diɛ bɔlɔgoondɛnaa ganaa. Sɛnɛ, min mɛn bɛ́ n nanaɛ̃ mà asɛ pàãma baa, ǹ ta re dɔlɔ diɛ a mìi ni ǹ kɔn pinaa.

Suusun 28:22

Min mɛn bɛ́ baa sii naforo kio, a ba doɛ̃ mà doobaabaa á re yii wa.

Suusun 28:8

Min mɛn bɛ́ wɔrɔ giɔ̀mɔ diɛ minin ganaa ka là gole-n la, ta á pàãma baa, a gɔn màn lɛ n die min kɔsɔ wɔ biɛ, min mɛn bɛ́ doobaa makara doɛ̃.

Zeremii 22:13

Wàa koe n ka kɛ nɛ n ganaa Zozakimu! Ń kii kion dɔ n din wɔ lɛa, kɔkɔrɔbaa gɔ́ɔ̃ nɛ. Ma n kionən doe kɔn mìi ni, mɛnaa ma la gɔ́ɔ̃ nɛ. Ma n dí-nyalin kiɛ dí kooro nyɛɛ ganaa, ń nə n ba ǹ saraa koe ǹ la wa.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Zeremii 6:13

A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ ǹ Lawa a boo gii-dalin ganaa a wo ǹ Lawa a wúlu-bɔlen yaa, ǹ tumaa n kɔkɔrɔ.

Zeremii 8:10

Dɛnaa Lawa pɛ: Á bǐɛ̃ kɔ, Man die ǹ lɔn koe min kɔsɔn la, ma ǹ wurun kɔ ǹ kũ wolen la. A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ Lawa a boo gii-dalin ganaa a wo Lawa a wúlu-bɔlen yaa, ǹ tumaa n kɔkɔrɔ.

Amɔɔsi 3:10

Masɛ Dɛnaa-n kɛ pii: Samarii minin lɛn ba sii pepere zɛnaa ǹ gɔn doɛ̃ wa. Maǹ kakaarɛbaa ǹ sii zɛnɛɛ, ǹ nə́ mɛnɛɛ minin la, mànan sii kiɛ kɔn la ǹ kionən ne.

Misee 2:9

Lɔn kɛn, maa zaman lɛ wɔn lɛa, kionən mɛnɛn bɛ́ kɔɔ̃n bɛn ganaa, ka nə ǹ lui ǹ boe bɛn nɛ. Ǹ nɛnyaanan kɛn, ká maa bǐɛ̃ kurəə bɛn ganaa duduu.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Sofonii 1:9

Bɛa pinaa lɛ nɛ, min mɛnɛn bɛ́ kion kiɛnlɛ lɛ lanparɛ ma á re yui bɛn gialaa. Min mɛnɛn dɔn bɛ́ ǹ dɛnaa a kion piɛ̃ ka kakaarɛbaa laanka wurumubaa ǹ mànan nɛ ma á re dɔlɔ boe ǹ ganaa.

Zakarii 5:4

Dɛnaa Lawa Pàãyiidɛnaa a da ǹ boo á ke: «Man má bɛa lɛn baraa kɛ bíi máa a wɔ wurumunun kion ka min mɛn tumaa bɛ́ n liɛ soɛ la ka masɛ tɔ nɛ. A n die goɛ̃ a tan, a màn tumaa ziziɛ̃, haalɛ kion a mɛnɛn dinin ka a kɔlɔn nɛ.»

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Luku 12:20

Sɛnɛ, Lawa pɛ nɛ: «Nsɛ baãnaa ke! Pelo tèlò kɛ lɛ din ni, Lawa á die n nyin sii n la. N bɛ́ n màn mɛn lɛ sɔkɔn bɛ n die die wɔ biɛ?»

Timote1 6:9

Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.

Tiitii 1:11

N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

Piɛrɛ2 2:14

Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.