Zeremii 17:10 - LAWA A BOO SONBORE

¹⁰ Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

LAWA A BOO SONBORE 2011

¹⁰ Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 17:10 ပူးပေါင်းရင်းမြစ်များ

Kiin1 8:39

n too kɔ ǹ lon kəni n giã ǹ bǎã lɛ-n lon. Ǹ zɛ̀rɛn toa ǹ nɛ, n nə n dɔ ǹ lɛ, n nə ǹ saraa a kɔnpɛ ka ǹ zɛnaa ǹ sii tumaa nɛ. A giala, n din nə ǹ taasiɛ doɛ̃. Sonbore, n dinsɔɔ̃ n minbuiin nɛ tumaa a taasiɛ doɛ̃.

KZS2 6:30

n too kɔ ǹ lon n giã ǹ bǎã lɛ-n lon. Ǹ zɛ̀rɛn toa ǹ nɛ, n nə ǹ saraa a kɔnpɛ ka ǹ zɛnaa ǹ sii tumaa nɛ. A giala, n din nə ǹ taasiɛ doɛ̃. Sonbore, n dinsɔɔ̃ n minbuiin nɛ tumaa a taasiɛ doɛ̃.

Zɔbu 34:11

A giala, a n minbuiin nɛ sarɛɛ, a kɔnpɛ ka a zɛnaa ǹ sii ni. A n didie sarɛɛ, a kɔnpɛ ka a tɔ wɔ ǹ gɔn nɛ.

Loen 44:21

Bɛ̀ wɔ yiri na á bɔ ka n tɔ kɛ nɛ, wɔa Lawa, bɛ̀ wɔ n wɔ́ n gɔn dia lawa kɔsɔ la,

Loen 44:22

bɛ̀ n tá re foɛ̃ a ganaa ya? N din lɛ n minin gɔ́ɔ̃gɔ́ɔ̃ ǹ taasiɛ doɛ̃.

Loen 62:12

Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Loen 7:10

Min baraan kɛn baraabaa nyaa. N dɔ min peperen kɛn lɛ! A giala, n din nə minbuiin nɛ a taasiɛ doɛ̃, ka a gɔ́ɔ̃gɔ́ɔ̃ ǹ wɔ nɛ. N din lɛ n Lawa pepere lɛa.

Loen 7:9

Dɛnaa Lawa, nsɛ mɛn bɛ́ kiri we gánan-a, kiri wɔ ma a lɛa, a giala n din tá doɛ̃, mà ma sii la wa.

Suusun 12:14

Min a sii á boe la a yɔrɔ yɛ lɛ gɔ́ɔ̃ ǹ boo barka nɛ ka dí bɛ́ saraa koe min la lɔn.

Suusun 17:3

Maǹ sana laanka wɔrɔ á sonborebaa doɛ̃ ka tɛ nɛ. Sɛnɛ, Dɛnaa Lawa n kiri we minbuiin nɛ foo a siĩnbaa ganaa.

Boo-laakalaali 9:3

A din sii goon a min tumaa yɛ ke, ǹ nə́ giɛ̃, bɛ n sii kaka lɛa, siin kɛn bii, n zɛnɛɛ kanaa. Bɛ lɛ dɔ nɛ, minbuiin nɛn foo pã ka sii baraa nɛ. A ǹ toa ǹ yii n koo, gàãnaabaa nə ǹ ganaa. Bɛ kio, ǹ gɔn nyɔmɔɔ ǹ bǎã n geren li.

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Zeremii 11:20

Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n tá min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Zeremii 20:12

Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n nə n min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

Zeremii 21:14

Man die yui ka gialaa a kɔnpɛ ka kaa zɛnaa ǹ siin ni, Dɛnaa Lawa a da ǹ boo ne. Ma á re tɛ diɛ kaa *Sɛdrə daã kɛ ganaa, màn mɛn tumaa bɛ́ a lɛnpɛnɛ, a na a tumaa kũ lenlen.

Zeremii 23:2

Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Ezekieli 11:5

Dɛnaa Lawa yiri daa ma kũ, á pɛ ma nɛ: – Wo boo kɛ pɛ: «Masɛ Dɛnaa Lawa n kɛ pii: Izirayeli minin lɛn, ka bɛ́ màn mɛn diɛ, ma á miɛ. Sii mɛn bɛ́ ka yiri ni, ma á doɛ̃.

Ezekieli 14:5

Man die zɛnɛɛ miɛ̃ màn mɛn bɛ́ toɛ ma Izirayeli minin lɛn kũ ǹ dinin taasiɛ ganaa, a giala, ǹ tumaa nə́ n na ǹ nə́ n bɔ ma ganaa, ǹ dìn lɛn taman yii.

Misee 7:13

Sɛnɛ, kanaa lɛ gɔ́ɔ̃ kooro á die goɛ̃, kanaa minin lɛn dinin zɛnaa ǹ sii taman yii, ǹ nya ǹ dín lɛn saraa nɛ.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 6:4

Màn-gɔ n siĩni a goã durii ni. Ka Di Lawa mɛn bɛ́ sii-duriin doɛ̃, bɛ lɛ á die ka sarɛɛ.

Zaã a sɛ́wɔ 2:25

a laadoo din ba a ganaa mà min siére pɛ asɛ nɛ minbuiin nɛ wɔ gɔn la wa; taasiɛ mɛn bɛ́ minbuiin nɛ gɔ́ɔ̃ nɛ, asɛ á doɛ̃.

Nya ǹ dín 1:24

Ǹ nə́ tɔ́n Lawa nyankɔ: «Dɛnaa, nsɛ mɛn bɛ́ min tumaa foo doɛ̃, n din bɛ́ ń min mɛn bɔ min paa kɛ bii, bɛ nyaa wɔsɛn manɛ,

Rɔmu minin 6:21

Ka ǹ ká wàa là yɛ kəni? Pelo, bɛa siin kɛn lɛn man sìi diɛ ka ganaa, a giala, ǹ giala-nyɔmiɛ n ka gɛ̀ nɛ.

Rɔmu minin 8:27

Lawa din bɛ́ gɔ́ɔ̃gɔ́ɔ̃ ǹ sii doɛ̃, Yiri lɛ bɛ́ màn mɛn nyankoe a lon, a din tá bɛ giala miɛ. A giala, Yiri lɛ n Lawa nyankoe Lawa a minin lɛa, á kɔnpii ka Lawa din dùũ ni.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.

Sii-nyaan 22:12

Yezu n pii wɔ-n doo: «Á ke, ma á die kànaa ka boɛɛn nɛ! Man die ka kaa saraan nɛ ma gɔn, man die koe didie tumaa la a sii-zɛnaa yii li.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»