Zeremii 15:19 - LAWA A BOO SONBORE

¹⁹ Dɛnaa Lawa boo mɛn da ma nɛ, á ke: Bɛ̀ n wusoo n daa ma li, ma á re wusii ma n saa maa dí ni. Boon mɛnɛn bɛ́ là ba ǹ ganaa wa, bɛ̀ n bɛn toa walan, ń tá boo peperen diɛ, ma á re wusii ma n baa maa boo gii-dali lɛa. Zudaa minin doamaa nɛ ǹ da nsɛ ganaa, sɛnɛ nsɛ doamaa bie n wo ǹ li wa.

LAWA A BOO SONBORE 2011

¹⁹ Dɛnaa Lawa boo mɛn da ma nɛ, á ke: Bɛ̀ n wusoo n daa ma li, ma á re wusii ma n saa maa dí ni. Boon mɛnɛn bɛ́ là ba ǹ ganaa wa, bɛ̀ n bɛn toa walan, ń tá boo peperen diɛ, ma á re wusii ma n baa maa boo gii-dali lɛa. Zudaa minin doamaa nɛ ǹ da nsɛ ganaa, sɛnɛ nsɛ doamaa bie n wo ǹ li wa.

Zeremii 15:19 ပူးပေါင်းရင်းမြစ်များ

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Bɔ bɛ̀rɛbaa nɛ 4:12

Kanna kəni, woo, ma din tá kun n lɛ nɛ, n doamaa bɛ́ nɛ n boo mɛn da, ma á re n darɛɛ bɛ ganaa.»

Suusun 22:29

Min mɛn bɛ́ dí nyɛɛ sɔnbɔraanɛ, ga bɛa dɛnaa ganaa. Á boe la a wo n din nyaa kii ni, bɛ á soɛ a giã minin bii, ǹ nə́ ǹ ba ǹ mɛnɛn doɛ̃ wa.

Zeremii 1:9

Bɛ kio, Dɛnaa Lawa nə n gɔn saa á da ma lɛ ganaa, á pɛ: «Man maa boo we n lɛ-n.»

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Zeremii 35:19

Á bǐɛ̃ kɔ, bɛ lɛ taman yii, Dɛnaa Lawa Pàãyiidɛnaa, Izirayeli a Lawa n kɛ pii: Min tá re yii Rekabu a nɛgiĩ Zonaadaabu a sumu-n duduu, a dí nya ma yɔrɔ-a lɛawaa tumaa li.»

Zeremii 4:1

Izirayeli, bɛ̀ n wusoo ń daa, n doamaa nɛ n wusoo n da masɛ li. N màn nyín bɔbɔnɛɛn kɛn, bɛn bɔ n nə ǹ bɔ n yɔrɔ-a, n ba re n bibiĩ n mìi gialaa doo wa.

Zeremii 6:29

Fuũ na a tɛ zoɛ̃ biikoo yii li. Bɛ̀ á daa a zii li, fɔlɔ n yoe tɛ-n. Fuũ lɛ n zoɛ̃ li mà a zan lɛ yoreen kɔ. Sɛnɛ kànaa, bɛa yɔrɔ yii wa, *gɔ̀ lɛ a boe wa.

Busii pɛ 1:11

A zaman tumaa n gini. Maǹ giɛ màn-bii li. Maǹ nə ǹ gɔn màn sonboren koe màn-bii ganaa, ǹ yii boo la a goã koo. Zeruzalɛmu pɛ: «Dɛnaa Lawa, ga. Ǹ bɛ́ ma pɔpɔsɛ ka yɔrɔ mɛn nɛ, n bɛ yɛ.»

Ezekieli 2:7

Sɛnɛ, maa boon kɛn pɛ ǹ nɛ, á kɔɔ̃nɛ ǹ nə n too kɔ li hinlaa ǹ baran n too kɔ li wa: Piã-wɔlen manɛ.

Ezekieli 22:26

Ǹ Lawa wúlu-bɔlen nə́ maa dí-pɛ kɛ ziziɛ̃, ǹ nə́ sàn kɔ ka maa màn sonboren ne. Màn mɛn bɛ́ maa wɔ lɛa, màn mɛn dɔ bɛ́ a ba maa wɔ lɛa wa, ǹ bɛa bɔkɔnlɛ wɔ wa. Sii *yoreen laanka a gɔgɔrɛ nɛ, ǹ bɛ dɔ a bɔkɔnlɛ nyaa minin man wa. Ǹ nə́ n yii tã maa susu ǹ piin kɛn ganaa, minin nə́ nɔmaa ǹ nə́ sàn kɔ ka ma nɛ kiwi lɛ nɛ.

Ezekieli 44:23

Màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, màn *yoreen laanka màn gɔgɔrɛ nɛ, ǹ tá re maa zaman lɛ darɛɛ bɛn bɔkɔnlɛ ganaa.

Lawa a wúlu-bɔlen 10:10

A giala, màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, ka doamaa nɛ ka boo la ka bɛa bɔkɔnlɛ wɔ, ka boo la ka màn gɔgɔrɛ dɔ laanka màn *yoreen a bɔkɔnlɛ wɔ.

Lawa a wúlu-bɔlen 14:57

Bɛ̀ gɔ̀ tá min ganaa hinlaa màn ganaa, hinlaa bɛ̀ ǹ tá yoreene, bɛa landa lɛ n toɛ min bɛ dɔ̃. A din landa lɛ na a tan, gɔ̀nɔn ki busu babaraa wɔ paǹ li.

Zonaasi 3:2

«Masɛ bɛ́ boo mɛn pii n ni, yoo, n wo Ninivu kiwi gole kɛ nɛ, n pɛ ǹ nɛ ka paraa nɛ.»

Zakarii 3:7

«Dɛnaa Lawa Pàãyiidɛnaa a lɛ kɔ goon nə́ ke: Ma bɛ́ boo mɛn pii n ni bɛ̀ n bɛ zɛnaa, bɛ̀ n kɔ maa dí-pɛn kɛn lɛ, n tá re maa kion lɛ a nyɛɛnaandɛnaa biɛ, ka a sumun dɔn nɛ. Min mɛnɛn bɛ́ maa dí nyɛɛ kànaa, man die n diɛ kun ka bɛn nɛ.

Luku 1:19

Lon a dia dí-a wole lɛ tɔ́n pɛ nɛ: «Masɛ tɔ n Gabarayeli, man lon a dia dí-a wolen goledɛnaa goon lɛa, ma bɛ́ dí nyɛɛ Lawa mɛn nɛ, bɛ lɛ na á masɛ dia, mà ma da boo tii kɔɔ̃n kɛ pɛ n nɛ.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Luku 12:12

A giala ka doamaa bɛ́ nɛ, ka màn mɛn da bɛa biikoo kɛ lɛ li, Yiri Fu á die bɛ nyɛɛ ka nɛ.»

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Galaasi minin 2:5

Sɛnɛ, wɔ lɛ kɔ ǹ la biikoo boɛɛn din gɔ́ɔ̃-n wa, màn mɛn bɛ́ toɛ, Boo Tii Kɔɔ̃n kɛ a taãnbaa goã ka li.

Ebrəə 5:14

Sɛnɛ, min golen sɛn, màn-bii kaka nə ǹsɛn wɔ lɛa. Baraabaraa a sii-zɛnaa nə́ ǹsɛn daraa, sii bǐɛ̃ laanka a baraa dɔ̃ a bɔkɔnlɛ ganaa.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.