Zeremii 14:22 - LAWA A BOO SONBORE

²² Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

LAWA A BOO SONBORE 2011

²² Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

Zeremii 14:22 ပူးပေါင်းရင်းမြစ်များ

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 17:14

A giala, Izirayeli a Lawa, Dɛnaa Lawa n pii kɛnɛn: «Wùsu ba re nyɛɛ kunun lɛ-n wa, nyɔɔ ba re nyɛɛ tàan lɛ-n wa yǎa a doe Dɛnaa Lawa a la kaa tán la pinaa ganaa.»

Kiin1 18:1

A bɛ́ á bele bɔ, lɛ̀ gere lɛ a wɔ lɛ̀ sɔɔbaa ǹ wɔ, Dɛnaa Lawa boo da ka Yilii ni: «Wo n din nyaa Akaabu ni, ma á die la kiɛ tán la.»

Kiin1 8:36

n toa lon, n nə ǹ lɛ si, n nə n dí-nyalin laanka n zaman Izirayeli minin sii baraan toa ǹ nɛ. Ǹ doamaa bɛ́ nɛ ǹ kɔ zii sonbore mɛn lɛ, ǹ kaa bɛ la. La kaa gána lɛ nɛ, gána mɛn lɛ bɛ́ ń kɔ n zaman lɛ la kíɛ̃ lɛa.

Zɔbu 28:26

a bɛ́ á landa koa tà mu la ǹ mɛn pinaa, á kiɛ̃ ǹ zii kɔ la a tɛ-pɛ laanka la a paraa la,

Zɔbu 5:10

A din nə la kiɛ tán la, a din nə la mu kiɛ wurun ni.

Loen 130:5

Ma foo n doa-n Dɛnaa Lawa ganaa, ma foo tumaa á doa nɛ a ganaa, ma foo á doa nɛ a boo ganaa.

Loen 135:7

A din nə labaran goɛ lon kanaa gùrù goon ganaa, a la da tɛ-pɛ ganaa, màn mɛn bɛ́ toɛ la kaa. A din nə piɛ̃ boe a bǎã nɛ, a da bɔ ganaa.

Loen 147:8

A din nə labaran koe lon lɛ. A din nə la mu zɛnɛɛ tán wɔ lɛa, a din nə buu diɛ bɔ ganaa kelen la.

Loen 25:21

Ma bɛ́ má n foo doa n din ganaa, ma tamaa, sonborebaa laanka peperebaa gɔ́ɔ̃ nɛ.

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 30:23

Ka bɛ-n kəni, Dɛnaa Lawa á re la kiɛ màn nàn kɛ la, n da. N bɛ́ re màn-bii mɛn boe tán nɛ, á re goɛ̃ mɔnaa nɛ, a n kɔɔ̃n dɔn. Bɛa pinaa kɛ nɛ, n tɔɔn tá re woe buu soɛ̃ tɔɔn buu sɔ̃ ǹ bǎã gole kɛ nɛ.

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Zeremii 10:12

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Zeremii 10:13

Bɛ̀ á gini, mu pìãn manə n soekɔn lon. A n labaran soekɔn tán lɛ dan ganaa. A n la diɛ tɛ pɛ ganaa màn mɛn bɛ́ toɛ la kaa. A n piɛ̃ boe a duru ǹ bǎãn nɛ a soo ne.

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 10:3

Sonbore, tɔrɔ kɔsɔn landan kɛn man sii kooron lɛa. Maǹ gɔn kuri daã nɛ, gɔn-sɛlɛli dì nyín sɛlɛ la.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 5:12

Zudaa minin nə́ soɛ bɔ Dɛnaa Lawa wɔ paǹ li. Ǹ nə́ pɛ mà a banban. Koe á re boe wɔ ganaa wa, wɔ a re zia yii wa, bòo á re wɔ kuĩ wa!

Zeremii 5:24

Ka a pii dɔn dinin: «Ka daa wɔ nyɛ́ɛ baa Dɛnaa Lawa, wɔa Lawa yii-n wa, asɛ mɛn bɛ́ la mu koe wɔ la a biikoo li, a bibinaa laanka a nyɔɔbaa. Lɛ̀ woo lɛ̀, a n lɛawaan boe koɛ wɔ nɛ kaa-piɛ wɔ lɛa.»

Zeremii 51:16

Bɛ̀ á gini, mu pìãn manə n soekɔn lon. A n labaran soekɔn tán lɛ dan ganaa. A n la diɛ tɛ pɛ ganaa màn mɛn bɛ́ toɛ la kaa. A n piɛ̃ boe a duru ǹ bǎãn nɛ a soo ne.

Ozee 2:7

Ǹ dan lɛ na á kɔrɔbaa zɛnaa. Lɔ mɛn lɛ nə ǹ yɛ, bɛ na á sìi da ǹ sii zɛnaa. A giala, á goã á pɛ kɛnɛn: «Ma n die baa sii maa tɔntɔraan lɛn kio. Ǹsɛn mɛnɛn bɛ maa màn-bii laanka maa mi ǹ mu koe ma la, mɔnaa sonbore laanka gɛ̀sɛ sonbore ne, nyɔɔ laanka duvɛ̃ nɛ.»

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Amɔɔsi 4:7

Ma din nə má goã má ka nu ka la nɛ, bɛ̀ mui sɔɔ n kanaa, kaa-piɛ dɔ. Má la kaa kiwi goon ne, má kiwi goon toa kooro. La na á goã kiɛ wuru goon ne, bɛ̀ lɛ̀ gere n wuru lɛ a kɔsɔ kɛ gialaa.

Misee 5:6

Zakɔba tɔrɔn mɛnɛn yii goã koo, bɛn tá re giɛ̃ tɔrɔ gigiã kɔsɔn bii. Ǹ tá re ǹ biɛ ka pele bɛ́ lɔn boe Dɛnaa Lawa li, ka la mu bɛ́ lɔn buu ganaa. Bɛn ba giɛ minbuiin nɛ a màn kɔn li wa, ǹ ba n foo doɛ minbuiinin ganaa ka sii kɔn nɛ wa.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Timəə dí-pɛn 28:12

Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.