Zeremii 14:18 - LAWA A BOO SONBORE

¹⁸ Bɛ̀ má soo wurun ni lɔn, á ke, geren man tán bǎã yii ni. Bɛ̀ ma wɔ kiwi lɔn, á ke, ma yii n minin ganaa nɔmaa-n bòo gɔn. Lawa a boo gii-dalin laanka Lawa a wúlu-bɔlen manə n bibiĩ gána lɛ nɛ, ǹ ba màn goon a woo ǹ bǎã doɛ̃ wa.

LAWA A BOO SONBORE 2011

¹⁸ Bɛ̀ má soo wurun ni lɔn, á ke, geren man tán bǎã yii ni. Bɛ̀ ma wɔ kiwi lɔn, á ke, ma yii n minin ganaa nɔmaa-n bòo gɔn. Lawa a boo gii-dalin laanka Lawa a wúlu-bɔlen manə n bibiĩ gána lɛ nɛ, ǹ ba màn goon a woo ǹ bǎã doɛ̃ wa.

Zeremii 14:18 ပူးပေါင်းရင်းမြစ်များ

Izayii 22:2

Zeruzalɛmu, a n siɛ lɔn bìn diɛ á boe kiwi lɛ-n kɛnɛn, mànan wuu n boe, kiwi lɛ n zɔ́n la? Zia nə n geren lɛn bii wa, ǹ bie ǹ nə́ ǹ dɛ ziabaa ǹ bǎã-n wa.

Izayii 28:7

Duvɛ̃ taman yii Lawa a wúlu-bɔlen laanka Lawa a boo gii-dalin man boo kooron diɛ, yɔ kakaarɛ nə ǹ diɛ tatalaa ganaa. Yɔ kakaarɛ taman yii maǹ boo kooron diɛ, duvɛ̃ nə́ ǹ yiri lɔlɔkɔn, yɔ kakaarɛ nə ǹ diɛ tatalaa ganaa. Bɛ̀ ǹ nə́ sii-nyaan yɛ, maǹ boo kooron diɛ. Bɛ̀ ǹ tá kiri we, ǹ yii á wɔlɔ yii wa.

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

Zeremii 23:21

Bɛa Lawa a boo gii-dalin lɛn, ma ǹ dia wa, sɛnɛ maǹ baa sii. Ma boo da ǹ nɛ wa, sɛnɛ maǹ Lawa a boo gii diɛ.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 6:13

A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ ǹ Lawa a boo gii-dalin ganaa a wo ǹ Lawa a wúlu-bɔlen yaa, ǹ tumaa n kɔkɔrɔ.

Zeremii 6:25

Ka nyan wo wuru-n wa, ka nyan wo ziin la wa. A giala, zɔ́ɔ tan, a n gɛ̀ dii. Nyɛ́ɛ n bǎã tumaa nɛ.

Zeremii 8:10

Dɛnaa Lawa pɛ: Á bǐɛ̃ kɔ, Man die ǹ lɔn koe min kɔsɔn la, ma ǹ wurun kɔ ǹ kũ wolen la. A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ Lawa a boo gii-dalin ganaa a wo Lawa a wúlu-bɔlen yaa, ǹ tumaa n kɔkɔrɔ.

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Busii pɛ 2:19

Yoo, n nə n lɛ dɛ tèlò-n, kɔn gɔn lɛsi ǹ biikoo tumaa li. Ń gɔ́ɔ̃ toɛ̃ Dɛnaa Lawa yɔrɔ-a, ka mu bɛ́ baa sii lɔn. Ń nɛnyaanan kɛn giɛ̃ bòo gɔn ziin bɔ kɔn-a ǹ bǎã nɛ, n gɔnɔn dia lon Lawa la bɛn lɛa.

Busii pɛ 4:9

Bɛ̀ gɔya sa nə n mɛn dɛ, á soɛ bòo a dɛ nɛ. Gã ka piũn tá soɛ nɔmaa bòo gɔn nɛ.

Ezekieli 7:15

Zia n die goɛ̃ wɛɛ̃-n kanaa, piɛ̃ busu laanka bòo ne, bɛn nə́ wɛɛ̃-n kion. Min mɛn bɛ́ don, ǹ tá re bɛ dii zia la. Min mɛnɛn bɛ́ kiwi gɔ́ɔ̃ nɛ, bòo laanka piɛ̃ busu á re wɛɛ bɛn la.

Amɔɔsi 4:6

Ma din nə má toa bòo wɔ kaa kiwin tumaa nɛ, ma din nə má toa màn-bii wɛɛ̃ kɔ kaa kionən tumaa nɛ. Sɛnɛ a laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Timəə dí-pɛn 28:36

Ka dinin ni, ka ka kii mɛn lɛ bɔ ká koa ka mìi la, Dɛnaa Lawa á re ka diɛ tɔrɔ kɔsɔn gána nɛ, tɔrɔn mɛnɛn bɛ́ ka laanka ka digolon nə ǹ dɔ̃ wa. Walan kəni, dìn mɛnɛn bɛ́, ǹ nə́ ǹ zɛnaa ka gɔn nɛ, ka kɔlɔ nɛ, ka á re bɛn guguru koe.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.