Zeremii 14:17 - LAWA A BOO SONBORE

¹⁷ N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

LAWA A BOO SONBORE 2011

¹⁷ N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 14:17 ပူးပေါင်းရင်းမြစ်များ

Kiin2 19:21

Dɛnaa Lawa bɛ́ boo mɛn diɛ Senankeribu ganaa bɛ á ke: A n zɔ̀ɔ doe n ne, a n yaa we n ganaa, *Siɔn nɛlɔ kɛ lɛ, a ná a giĩ doɛ̃ wa. A nə n kɔkɔrɔ zuĩ n kio wɔlɔ-a, Zeruzalɛmu a nɛlɔ lɛ.

Loen 119:136

Yii mu bɔ ma yɔrɔ nɛ, a giala, ǹ ba n landa boon lɛn tamaɛ wa.

Loen 39:10

Sisia kəni, masɛ nə́ n lɛ tã, ma a n lɛ buĩ doo wa. A giala, n din nə die n wɔ nyɛɛ.

Izayii 37:22

Á ke, Dɛnaa Lawa n kɛ pii Senankeribu a paǹ li: N tìĩ bɔ *Siɔn kiwi ni, a n yaa we n ganaa. Zeruzalɛmu kiwi nə n mìi papasɛ n ganaa.

Zeremii 10:19

Ebe, wàa koe n ka kɛ nɛ ma ganaa! Maa baayɛrɛ a nyɛɛ wa. Man má goã pii máa maa fuu lɛ lɛ á basiɛ̃ nɛ, máa ma á boe la ma si ma ganaa.

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 18:13

Dɛnaa Lawa n kɛ pii: Ka nɔ̀n da tɔrɔ kɔsɔ minin la: Ka bin tɔn boon kɛn miãn ma? Izirayeli zaman lɛ na á sii bɔbɔnɛɛn zɛnaa.

Zeremii 8:18

Màn kɔn ba boe la a maa foo busii kɛ nya wa. Ma foo n ka a yu!

Zeremii 8:21

Koe n ma mìi ni, maa zaman lɛ a koe taman yii. Ma foo ziziɛ̃, ma yiri nə́ n lɔlɔkɔn.

Zeremii 9:1

Áh! Man zoɛ̃ li ma goã diə gole ne, zii tɔ-wɔlen bɛ́ nɛn bɛ̀ ǹ golee bǎã mɛn nɛ. Ma á re maa zaman toɛ walan, ma wo sɔsɔɔ man bɔ ǹ li. Minin giala da kanaa wolen manɛ, Naarɛbaalin manɛ!

Zeremii 9:18

Hiĩ, foo busu ǹ loe n boe *Siɔn. «Ebe, wɔ́ ziziɛ̃, sìi nə́ n kɔ wɔ lɛ. Wɔ doamaa nɛ wɔ soo wɔ n bɔ wɔa gána nɛ, a giala, wɔa kionən nə́ kaa.»

Busii pɛ 2:11

Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Busii pɛ 2:13

Man die pii n ni máa lɔn Zeruzalɛmu? Man die n zoɛ̃ kɔn ka die ne? Siɔn kiwi doobaanɛ, man die sii a kɔnboe yii maa ma nyaa n nɛ n foo tɔn waa? N koe lɛ a golebaa n ka yìsi mu bɛ́ lɔn. Die n boe la a n kaka kɔ?

Busii pɛ 2:18

Zeruzalɛmu a zaman nə n lɛ dii Dɛnaa Lawa ganaa. Nsɛ Siɔn, toa n yii mu gisĩ, ka tà mu bɛ́ lɔn, penleen laanka tèlò-n, n nyan nə n susu wa, n nyan nə n lɛ tã wa.

Amɔɔsi 5:2

Izirayeli minin lɛn nə́ kaa, ǹ ba re yui doo wa. Ǹ tá tán-a, min kɔn banban a tá ǹ goɛ ǹ kiɛ lon wa.

Misee 6:13

Bɛ lɛ n ke, man die ka dii, yǎa ma busu diɛ ka ganaa. Man die basaã koe ka nɛ, kaa sii baraan lɛn taman yii.